Ma̱te̱yo̱ 4:24 - Tennet

²⁴ Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Ma̱te̱yo̱ 4:24 ပူးပေါင်းရင်းမြစ်များ

Lu̱ge̱z 15:26

A̱nne̱k nogo ne, “Ming aziknnu niga ju̱rru̱m muluk ci Manyi Ta̱mu̱ta̱dde̱n cunno̱ng kar u̱tu̱gu̱z zoz ci een de̱de̱ ngu̱me̱ cinne, kar bo̱do̱k ming ogonnu kaal cik abunna orong Manyi, iróng atin kanyahakung zeret imma ci ogon ki bali zeret ci i̱i̱na̱k olli Masiro ke̱, eci anna ke̱e̱ni̱ Ta̱mu̱ta̱dde̱n ci kangaru ol mo̱ri̱zo̱we̱.”

Ma̱te̱yo̱ 12:22

Imma i̱i̱te̱n imma anyakttak ol Ye̱su̱ e̱e̱t ci anyak kuulo cik lo̱rye̱nta̱k kar bo̱do̱k kize ru̱be̱n, adite iina, angaru zin Ye̱su̱ nonno, kar enne kicine bak ozozi.

Ma̱te̱yo̱ 14:1

Baling izik alaani He̱ro̱di̱ kaal cik ogon Ye̱su̱ do̱o̱k,

Ma̱te̱yo̱ 15:22

I̱ki̱ya̱k zin ngaa ci iróng een Ya̱u̱d ko̱ Ye̱su̱, een enne olli Kanaani, abak enne o̱rge̱ neci, egereny zin je̱e̱na̱, “Manyi, Ngerrti Da̱vi̱de̱, eelawan! Apirna buweenyanni, anyak kuulo cik lo̱rye̱nta̱k.”

Ma̱te̱yo̱ 17:15

“Manyi, eela ngeranni, eci enne ippira morize ci een lohunuhunu oroot. A̱ju̱ke̱k gon morizi necu nonno gwo̱o̱ icima moro bu̱k.

Ma̱te̱yo̱ 17:18

Itizik zin Ye̱su̱ kuuloc ci lo̱rye̱nto̱, kar kiyowa ngati do̱le̱co̱, kar zin enne kubunna i̱i̱ neci ele niko.

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Ma̱te̱yo̱ 8:28

Baling arawa Ye̱su̱ ti̱ti̱m ci golla lo̱o̱ce̱ ci een Gadarenes, i̱vi̱tta̱k zin nonno ol cik een rama anyak kuulo cik lo̱rye̱nta̱k a̱vvu̱ ilomete. E̱e̱ggi̱n nege ol cik mootik, iróng e̱e̱ti̱ imma etted gool neci.

Ma̱te̱yo̱ 8:33

Imma ol balik uuwa baataknya ke̱ i̱vi̱re̱ta̱, oot ikebit zoz necu o̱ro̱gjo̱we̱, ki zoz ci ol balik een ram anyak kuulo cik lo̱rye̱nta̱k ke̱.

Ma̱te̱yo̱ 8:6

Kar kizek Ye̱su̱ ne, “Manyi, kanyai du̱ca̱i̱t cinanni ezecane lo̱o̱ta̱, iróng ngen owo, apirna oroot.”

Ma̱te̱yo̱ 9:26

U̱zu̱cca̱ kaviyaha ne̱ko̱ lo̱o̱cco̱k do̱o̱k.

Ma̱te̱yo̱ 9:35

A̱lu̱c Ye̱su̱ o̱ro̱gjo̱k do̱o̱k, edemez ol Ce̱e̱zi̱nne̱ wak Lawinto, uwahek ol kaviyak cik abunna obod ki ba̱a̱li̱ne̱t ci Ta̱mu̱ta̱dde̱no̱, kar bo̱do̱k kangaru ol wak omori mo̱ri̱zo̱we̱ cik aavtte do̱ do̱.

Marko 1:28

Ataman niko iziyyet ol kaviyak cik kaal ne̱k ogon Ye̱su̱ lo̱o̱ce̱ ci Ga̱li̱li̱ ko̱ do̱o̱k.

Marko 1:32

Imma yo̱mo̱n neci ngati i̱to̱we̱ i̱i̱, anyakttak ol Ye̱su̱ ol cik omori mo̱ri̱zzo̱k cik aavtte do̱ do̱ ki wak anyak kuulo cik lo̱rye̱nta̱k.

Marko 2:3

I̱vi̱ta̱ ol uggak, anyahak nonno e̱e̱t ci nganynganyik zoona, odonga ol cik een we̱c.

Marko 2:4

Baling iróng nege azucane nonno Ye̱su̱ eci a̱ppwa̱ koole, etteddit zin nege loriri ta̱dde̱na̱, kar zin kodongta e̱e̱t neci kwe̱e̱na̱ kar zin kulucak ngati aave Ye̱su̱ ca̱a̱to̱.

Marko 2:9

Jang ci obokce: ka̱nne̱k e̱e̱t ci nganynganyi zoona ne, ‘Alalei Ta̱mu̱ta̱dde̱n i̱nne̱t mu̱nye̱n cigunnek,’ icima ‘Tinga je̱e̱na̱, lu̱c kwe̱e̱n cunne bito’?

Lu̱ka̱ 2:2

Akane ol te̱he̱ri̱ne̱t zar e̱rki̱te̱ ci bali abale ddi̱ki̱ryo̱i̱ti̱ ci gaalau Kurino lo̱o̱c ci een Syria ke̱.

Lu̱ka̱ 4:14

I̱mi̱re̱ zin Ye̱su̱ uk ki Ga̱li̱li̱ komize ci Vongizo, kar zin zoz ci obod ki nonno kuzuca o̱ro̱gjo̱k veelek.

Lu̱ka̱ 4:38

Utungek Ye̱su̱ Ce̱e̱z wa Lawinto ko̱ lo̱o̱c kar kuk ce̱e̱ze̱ ci Si̱mo̱ne̱. Omori da̱ i̱nyi̱k ci Si̱mo̱ne̱ nga̱a̱ye̱, a̱bu̱re̱ ele oroot, kar nege ki̱jji̱nne̱t Ye̱su̱ keela nonno.

Lu̱ka̱ 5:15

Uzucca zin kaviyaha ciginnek ol do̱o̱k, i̱vi̱ta̱ zin ol cik meelek ovvo aziye nonno kar bo̱do̱k kangaruye mo̱ri̱zo̱we̱ cigge̱k.

Lu̱ka̱ 5:24

Abarik abunna ming a̱gga̱yyu̱ anyak Ngerrti E̱e̱to̱ doiz lo̱o̱ta̱ ngatu kar kalalek ol mu̱nye̱n.” A̱nne̱k zin enne e̱e̱t ci ngooli ko̱ ne, “Ka̱du̱wa̱ki̱ anna i̱nne̱t, tinga je̱e̱na̱, dima kwe̱e̱n cunne kar bit ce̱e̱za̱.”

Lu̱ka̱ 7:17

U̱zu̱cca̱ zin kaviyaha cik Ye̱su̱ ko̱ lo̱o̱c ci Ju̱de̱ya̱ veelek ki o̱ro̱gjo̱k cik aavtte abanyca bu̱k.

Kaviyak wak Abunna Ta̱mu̱ta̱dde̱no̱ eher Joni 10:21

Ovvo uggak azi ne, “Iróng e̱e̱ti̱ ci anyak kuuloc ozoz ki i̱yo̱ko̱ e̱e̱ti̱ necu. Iróng wo̱ye̱ e̱e̱ti̱ ci anyak kuuloc ci lo̱rye̱nto̱ oo ebere cik ol wak ru̱be̱ni̱k kicinte.”

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 15:23

Anyak nege ki waraga ci e̱he̱rye̱ azi ne: To̱ni̱a̱k ki lo̱ddi̱ki̱re̱, gotonoggu, Keherakkung i̱ge̱t ol wak iróng een Ya̱u̱d a̱tu̱we̱ o̱rge̱ ci Antiyok, ki lo̱o̱c ci Syria ki Cilicia: Kizzayung do̱o̱k!

Buk wa To̱ni̱a̱u̱ 15:41

Iyok nege lo̱o̱co̱we̱ cik Syria ki Cilicia, a̱du̱wa̱k olli Ta̱mu̱ta̱dde̱no̱ kokkomit tu̱we̱nta̱ kak.

Buk wa To̱ni̱a̱u̱ 28:9

Ma baling u̱tu̱gu̱we̱ zoz necu niko, i̱vi̱ta̱ ol balik omori lo̱o̱ce̱ ci aburuk maama ko̱, kar zin nege kangaruye do̱o̱k.

Buk wa To̱ni̱a̱u̱ 8:7

Iyokta kuulo ngati ol cik meelek, Angaruyye ol cik meelek nganynganyik ki wak ngooltik zoona.