Ma̱te̱yo̱ 4:23 - Tennet

²³ A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Ma̱te̱yo̱ 4:23 ပူးပေါင်းရင်းမြစ်များ

Ma̱te̱yo̱ 11:5

Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 12:9

Imma baling utungek Ye̱su̱ ngineci lo̱o̱c, kar zin enne kuk ki̱tto̱ Ce̱e̱z wa Lawinto.

Ma̱te̱yo̱ 13:19

Ogon i̱nyo̱mo̱na̱ wak i̱i̱na̱k gool ko̱ ki ol wak iziyyet zoz ci kaviyak cik ba̱a̱li̱ne̱t ci Ta̱mu̱ta̱dde̱no̱, kar ngatu iróng a̱gga̱. A̱kku̱ lo̱rye̱nti̱ kar ki̱ki̱ya̱ kaama kaviyak ne̱ke̱ zi̱nze̱tti̱nne̱ cigge̱k.

Ma̱te̱yo̱ 13:54

Okko o̱rge̱ cinne Nazereta, o̱rge̱ bali akane enne li̱ngli̱ngo̱n, edemez ol Ce̱e̱ze̱ wa Lawinto ka̱ma̱li̱ltte̱ nogo o̱o̱tti̱. Kar zin nege ki̱jji̱nto̱, “Amuda e̱e̱ti̱ cu genyiz nga ki doiz ci ogone kaal cik a̱vu̱la̱ ko̱?

Ma̱te̱yo̱ 14:14

Baling okko Ye̱su̱ iyowa i̱ba̱ kar kicin koole, atamatek zin enne ol ne̱ke̱ kar kangaru nogo mo̱ri̱zo̱we̱.

Ma̱te̱yo̱ 24:14

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Ma̱te̱yo̱ 3:2

a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Ma̱te̱yo̱ 9:35

A̱lu̱c Ye̱su̱ o̱ro̱gjo̱k do̱o̱k, edemez ol Ce̱e̱zi̱nne̱ wak Lawinto, uwahek ol kaviyak cik abunna obod ki ba̱a̱li̱ne̱t ci Ta̱mu̱ta̱dde̱no̱, kar bo̱do̱k kangaru ol wak omori mo̱ri̱zo̱we̱ cik aavtte do̱ do̱.

Marko 1:14

Ma baling e̱ce̱bje̱ Joni Ba̱ti̱ti̱mo̱ lagama, uk Ye̱su̱ lo̱o̱ce̱ ci Ga̱li̱li̱, uwahek ol kaviyak cik abunna Ta̱mu̱ta̱dde̱no̱.

Marko 1:21

Oot zin nege rok orog ci een zara Kapernaum, ma baling i̱ki̱ya̱ I̱i̱te̱ne̱ wa Yu̱bze̱nto̱, uk Ye̱su̱ Ce̱e̱ze̱ wa Lawinto kar zin kedemez ol.

Marko 1:39

Oto zin enne o̱ro̱gjo̱we̱ cik Ga̱li̱li̱ veelek. Uwak Ce̱e̱zi̱nne̱ wak Lawinto, kar kottok kuulo cik lo̱rye̱nta̱k olle.

Marko 3:10

Eci enne angaru ol cik meelek giir mo̱ri̱zo̱we̱, iyota zin ol wak anyak mo̱ri̱zzo̱k e̱le̱tti̱ne̱ orongit ku̱u̱me̱t nonno.

Marko 6:2

Baling ize I̱i̱te̱n wa Yu̱bze̱nto̱, uk Ye̱su̱ akate de̱mzi̱ne̱t Ce̱e̱ze̱ wa Lawinto. A̱ma̱li̱ltte̱ ol cik meelek o̱o̱tti̱ ming aziye de̱mzi̱ne̱t cinne. I̱jji̱nto̱ zin nege, “Amuda e̱e̱ti̱ cu zoz necu nga? Genyiz ci ogon ku̱ ci anyonik nonno ko̱, ogon abarik kaal cik a̱vu̱la̱!

Marko 6:6

A̱ku̱le̱k enne nogo zo̱ze̱ ci iróng nege anyak tu̱we̱ne̱t. Oto zin Ye̱su̱ u̱lu̱c o̱ro̱gjo̱k edemez ol o̱ro̱gjo̱we̱.

Lu̱ka̱ 10:9

Eelta ol cik omori aavtte nginati kar u̱du̱kta̱k izettek ne, ‘Ize ojon ba̱a̱li̱ne̱t ci Ta̱mu̱ta̱dde̱no̱ ngatinno̱ng.’

Lu̱ka̱ 13:10

Imma da̱ I̱i̱te̱ne̱ wa Yu̱bze̱nto̱ edemez Ye̱su̱ ol Ce̱e̱ze̱ wa Lawinto,

Lu̱ka̱ 16:16

A̱nne̱k zin bo̱do̱k Ye̱su̱ nogo ne, “Uwakte lo̱ti̱nno̱wa̱ cik Musesi ki zoz ci a̱ri̱tto̱u̱ zee rok Jon. Kar zin vu̱rrta̱ i̱i̱te̱ne̱ neci, uwaktozik zin ol kaviyaha cik abunna obod ki ba̱a̱li̱ne̱t ci Ta̱mu̱ta̱dde̱no̱, kar ol do̱o̱k kadangtek e̱le̱tti̱ cigge̱k ba̱a̱li̱ne̱t cinne.

Lu̱ka̱ 20:1

Anyak da̱ i̱i̱te̱n imma ci edemeze Ye̱su̱ ol reena Ce̱e̱ze̱ wa Ta̱mu̱ta̱dde̱no̱ kar bo̱do̱k kuwahek nogo kaviyak cik abunna, u̱lu̱tte̱ zin alaata cik olli wawaco ki de̱me̱zzo̱k wak lo̱ti̱nno̱u̱ ki lo̱ddi̱ki̱re̱ kar ki̱vi̱ta̱k nonno.

Lu̱ka̱ 4:14

I̱mi̱re̱ zin Ye̱su̱ uk ki Ga̱li̱li̱ komize ci Vongizo, kar zin zoz ci obod ki nonno kuzuca o̱ro̱gjo̱k veelek.

Lu̱ka̱ 5:17

Imma i̱i̱te̱n imma baling edemez enne ol cik een Varacis ki de̱me̱zzo̱k wak lo̱ti̱nno̱u̱, balik a̱vvu̱ o̱ro̱gjo̱we̱ Ga̱li̱li̱kte̱, Ju̱de̱ya̱, ki Jerusalema, aavtte nege ba̱li̱ye̱ nginati. Kar doizi ci Manyi ka̱vvu̱ ngatinne kar enne kangaru ol cik omori.

Lu̱ka̱ 6:17

Uluce enne uk lo̱o̱ta̱ ngatinne̱ng kar kibil ngati een buur. Aavtte da̱ to̱ni̱a̱ha̱ ciginnek cik meelek nginati ki ol cik meelek cik a̱vvu̱ lo̱o̱ce̱ ci Ju̱de̱ya̱ veelek, ki Jerusalema, ki o̱ro̱gjo̱we̱ cik Tyre ki Sidon, aavtte ti̱ti̱me̱ ci nyatapar ci a̱ddi̱ki̱re̱,

Lu̱ka̱ 6:6

Kar I̱i̱te̱ne̱ imma wa Yu̱bze̱nto̱, i̱tto̱ Ye̱su̱ Ce̱e̱z wa Lawinto kar zin kedemezo, ma̱i̱je̱ da̱ e̱e̱ti̱ ci ngooli a̱zzi̱ti̱ ci a̱zzo̱ aave nginati.

Lu̱ka̱ 7:21

Imma i̱i̱te̱ne̱ neci ele, angaru Ye̱su̱ ol cik meelek anyak mo̱ri̱zzo̱k cik aavtte do̱ do̱, ki ol wak anyak kuulo cik lo̱rye̱nta̱k, kar koo ebere cik ol cik ru̱be̱ni̱k.

Lu̱ka̱ 7:22

O̱bo̱de̱k zin enne nuyak balik i̱tto̱na̱i̱ ke̱, “I̱mi̱rrte̱ oot u̱du̱kta̱k Jon Ba̱ti̱ti̱mo̱, nya ci icinntu niga ki kaal cik iziktu niga: Icinte ol cik ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar kaviyaha cik abunna kuwaktozik ol cik amati.

Lu̱ka̱ 8:1

Imma bali vu̱rrta̱, eron Ye̱su̱ owo o̱ro̱gjo̱we̱, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱. Orkor enne ki nuyak waginnek omoto ki rama,

Lu̱ka̱ 9:11

ma̱i̱je̱ koole a̱gga̱c nginti ovvoye nege kar kunuwet nonno. A̱gga̱ma̱ zin enne nogo kar kozozik zoz ci obod ki ba̱a̱li̱ne̱t ci Ta̱mu̱ta̱dde̱no̱, kar kangaru ol cik orong kubunnta.

Lu̱ka̱ 9:60

A̱nne̱k Ye̱su̱ nonno ne, “Anyik ol wak e̱e̱ggi̱n daizzok ka̱da̱c e̱e̱t cinne̱ng, ma̱i̱je̱ i̱nna̱ bit uwahek ol ba̱a̱li̱ne̱t ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 18:20

Obodehe Ye̱su̱ nonno izek ne, “Kozozi gon zoz cinanni kiziyet ol do̱o̱k i̱i̱wa̱ labak, kar zin gon kedemez ol Ce̱e̱ze̱ wa Ta̱mu̱ta̱dde̱no̱ ki Ce̱e̱zi̱nne̱ wak Lawinto wak gon alutene olli Ya̱u̱do̱ nga̱to̱de̱. A̱zze̱ zoz ci ka̱du̱wa̱ lo̱mu̱k to.

Kaviyak wak Abunna Ta̱mu̱ta̱dde̱no̱ eher Joni 6:59

U̱du̱wa̱ Ye̱su̱ zoz neci ngati edemzinne enne Ce̱e̱ze̱ wa Lawinto o̱rge̱ ci een Kapernaum.

Kaviyak wak Abunna Ta̱mu̱ta̱dde̱no̱ eher Joni 7:1

Imma bali vu̱rrta̱, eron Ye̱su̱ uk lo̱o̱ce̱ ci Ga̱li̱li̱, alit lo̱o̱c ci Ju̱de̱ya̱ eci ol cik een Ya̱u̱d orong ku̱ru̱we̱t nonno ka̱da̱k.

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 18:4

Okko i̱i̱nya̱we̱ wak Yu̱bze̱nto̱, okko enne Ce̱e̱ze̱ wa Lawinto kar kozoz ki olli Ya̱u̱do̱ ki Gi̱ri̱k, oobek zoz ci Ye̱su̱.

Buk wa To̱ni̱a̱u̱ 20:25

“I̱yo̱ko̱, ka̱gga̱ anna iróng atin niga ngen acinnang udut, ommogje niga ol balik kuwaheke anna nogo ba̱a̱li̱ne̱t ci Ta̱mu̱ta̱dde̱no̱ ke̱.

Buk wa To̱ni̱a̱u̱ 28:31

Uwahek Pa̱u̱lo̱ ol ba̱a̱li̱ne̱t ci Ta̱mu̱ta̱dde̱no̱ ngati iróng o̱ngo̱o̱li̱nne̱ zoz imma, kar bo̱do̱k kedemez zoz ci obod ki Manyi Ye̱su̱ Ki̱ri̱sto̱.

Roma 10:15

Uwahek wo̱ye̱ e̱e̱ti̱ imma nogo kaviyak cik abunna ko̱ ming ngen Ta̱mu̱ta̱dde̱n kodola ki̱tto̱n e̱e̱t neci? E̱he̱rye̱ waraga ci Ta̱mu̱ta̱dde̱no̱ azi ne “A̱zi̱ze̱ zoona cik ol wak anyahak ol kaviyak cik abunna.”