Ma̱te̱yo̱ 3:7 - Tennet

⁷ I̱vi̱tta̱k ol cik een Varacis ki Saddocis cik meelek nonno kar ka̱gga̱mto̱zi̱k ba̱ti̱ti̱mo̱ nogo bu̱k. Abarik zin Joni a̱nne̱k nogo ne, “Niga cik ogonnu ki uwanya ko̱! Nya ci a̱a̱nyu̱ng utuhuyek Ta̱mu̱ta̱dde̱n bo̱i̱ci̱ kar i̱vi̱re̱t lo̱ki̱ko̱ cinne ko̱?

Ma̱te̱yo̱ 3:7 ပူးပေါင်းရင်းမြစ်များ

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 12:24

Ma̱i̱je̱ baling ovvo olli Varacisi aziye zoz necu, izeto ne, “Ottok e̱e̱ti̱ necu kuulo katkatone ci Beelzebub alaan ci kuulou.”

Ma̱te̱yo̱ 12:34

Niga ol cik ogonnu ki jooro cik uwanyau ko̱, a̱du̱wa̱nnu̱ wo̱ye̱ niga olli mu̱nye̱nu̱ zoz ci abunna? A̱du̱wa̱ utugi zoz ci a̱kku̱ zinina.

Ma̱te̱yo̱ 15:12

I̱vi̱tta̱k zin nuyaha Ye̱su̱ kar ki̱jji̱nto̱, “A̱gga̱ ming odomu i̱nna̱ olli Varacisi zo̱ze̱ ci u̱du̱wa̱ i̱nna̱ ko̱?”

Ma̱te̱yo̱ 16:1

Anyak i̱i̱te̱n imma ci a̱vvu̱na̱k ol cik een Varacis ki Saddocis orongit kitimanit Ye̱su̱, zo̱ze̱ ci azi ne ye̱le̱kke̱t gi̱i̱ ci a̱vu̱la̱ ta̱mu̱-kenga.

Ma̱te̱yo̱ 16:6

Kar zin Ye̱su̱ kizek nogo ne, “U̱zu̱tte̱ e̱le̱tti̱, zo̱ze̱ ci kidikidir ci adakku da̱i̱ne̱t cik anyak nyigit cik meertak olli Varacis ki Saddocis.”

Ma̱te̱yo̱ 22:15

U̱lu̱tte̱ zin ol cik een Varacis ko̱ kar ki̱no̱ni̱t gool ci ovvo nege atin a̱gga̱m Ye̱su̱ zo̱ze̱ ci a̱du̱wa̱ enne utuge cinne.

Ma̱te̱yo̱ 22:23

I̱i̱te̱ne̱ neci ele i̱vi̱tta̱k ol cik een Saddocis wak azi ne, iróng ol ingazi daiza ko̱ i̱jji̱nne̱t Ye̱su̱,

Ma̱te̱yo̱ 22:34

Imma baling a̱gga̱c Varacis ommog Ye̱su̱ ol cik een Saddocis zoza, i̱no̱ni̱t zin nege ji̱ne̱ne̱t ci ovvo nege a̱jji̱nne̱ Ye̱su̱.

Ma̱te̱yo̱ 23:33

“Niga ol cik e̱e̱ggi̱nnu̱ gerze oroot ko̱, ogonnu niga kiwagon uwanya! Ijaru atin niga de̱zi̱ne̱t ci okkoyyung gwo̱o̱ye̱ ci apadpadi udut?

Ma̱te̱yo̱ 5:20

Ka̱du̱wa̱kku̱ng zin zoz wa een de̱de̱, abunna zin niga ming ogonnu kaal cik abunna ommogit ol cik een Varacis ki de̱me̱zzo̱k wak lo̱ti̱nno̱u̱, kar atin niga i̱tto̱z ba̱a̱li̱ne̱t ci ta̱mu̱-kengo.

Marko 12:13

Imma bali vu̱rrta̱, i̱tto̱nta̱ zin olli Varacisi u̱gge̱ ki olli alaan He̱ro̱di̱ ol u̱gge̱ abunna ovvo a̱gga̱m Ye̱su̱ zo̱ze̱ ci ozoz enne utuga.

Marko 12:18

I̱vi̱tta̱k zin bo̱do̱k ol wak een Saddocis wak azi ne iróng atin ol ingazi daiza ko̱, i̱jji̱nne̱t Ye̱su̱.

Marko 8:15

A̱nne̱k Ye̱su̱ nogo ne, “U̱zu̱tte̱ e̱le̱tti̱, egenyyit ngati nyigit cik meertak Varacisi ki He̱ro̱d.”

Lu̱ka̱ 16:14

Baling iziyyet ol cik een Varacis wak gon irez o̱ro̱bi̱ya̱ oroot ko̱ zoz neci, kar zin nege kangarunyanit ngu̱mti̱ ngati Ye̱su̱.

Lu̱ka̱ 18:11

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.

Lu̱ka̱ 7:30

Ma̱i̱je̱ olli Varacisi ki ol wak a̱gga̱ lo̱ti̱nno̱k ju̱rru̱m, utuburet zoz ci Ta̱mu̱ta̱dde̱no̱ baize cinne̱ng, eci ngen Joni ka̱gga̱me̱k nogo ba̱ti̱ti̱mo̱.

Kaviyak wak Abunna Ta̱mu̱ta̱dde̱no̱ eher Joni 1:24

I̱tto̱na̱i̱ da̱ ol ne̱ke̱ olle cik een Varacis, a̱nne̱k Jon ne,

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Kaviyak wak Abunna Ta̱mu̱ta̱dde̱no̱ eher Joni 9:40

Iziyyet da̱ ol uggak wak e̱e̱ggi̱n Varacis Ye̱su̱ ming a̱du̱wa̱ zoz neci kar zin ki̱jji̱nne̱t kizettek ne, “Ke̱e̱ggi̱nna̱ naga bu̱k ru̱be̱ne̱?”

Buk wa To̱ni̱a̱u̱ 15:5

Ma̱i̱je̱ ol uggak wak a̱tu̱we̱ wak annu zoz ci Varacis, itingazzo je̱e̱na̱ kar kizeto ne, “Aanycik ol cik iróng e̱e̱ggi̱n Ya̱u̱d do̱o̱k la̱du̱n kettedit wucic vi̱ca̱vi̱cce̱t, kar bo̱do̱k ko̱to̱ngo̱o̱ltte̱ lo̱ti̱nno̱k wak Musesi.”

Buk wa To̱ni̱a̱u̱ 20:31

U̱zu̱tte̱ zin e̱le̱tti̱ ciggo̱k, a̱a̱dda̱ zin e̱rki̱nya̱ balik een i̱i̱yo̱ ke̱, ngen anna kibiliz ti̱lo̱wi̱ne̱t i̱ge̱t ba̱a̱li̱n ki wazin ki ti̱la̱lo̱ eberene.

Buk wa To̱ni̱a̱u̱ 26:5

A̱gga̱ya̱ nege annit ba̱li̱ye̱ la̱du̱n, a̱du̱wa̱ ucca nege bu̱k zoz cinanni ming orong nege kozozit zoz ci een de̱de̱, go̱o̱le̱ wa kazunne anna lo̱ti̱nno̱k wak Varaciso oroot.

Buk wa To̱ni̱a̱u̱ 5:17

Kar zin alaani ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ki ol wak orkor ki nonno do̱o̱k e̱e̱ggi̱n Saddocis ko̱, anyait meder zo̱ze̱ ci to̱ni̱a̱u̱.

Roma 1:18

I̱ye̱la̱i̱ mozinet ci aburne Ta̱mu̱ta̱dde̱n nong ngati ol wak abure zoz wainne een de̱de̱ ta̱mu̱-kenga, okko atin enne edez nogo. Anyike nege zoz ci gerze kize ci ommog zoz ci een de̱de̱.

Roma 5:9

Idimantet zin bi̱ye̱ta̱ cik Ye̱su̱ wak a̱ddu̱ta̱i̱ ko̱ kubunnta ju̱rru̱m, eelawet mozinte ci Ta̱mu̱ta̱dde̱no̱, kar Manyi kelemait zo̱ze̱ necu.

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 6:18

U̱tu̱gu̱ Ta̱mu̱ta̱dde̱n niko kar zin kaale cik e̱e̱ggi̱n rama, iróng enne uhu eci iróng Ta̱mu̱ta̱dde̱n ovolongi zo̱ze̱ wa u̱du̱wa̱ enne, imma naga ol cik ki̱vi̱re̱t ko̱, kar kurubta zoz ci karike naga zi̱nze̱tti̱ ko̱, anyazoita kar izoccet wo̱ye̱ agit oroot.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.