Ma̱te̱yo̱ 28:18 - Tennet

¹⁸ I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Ma̱te̱yo̱ 28:18 ပူးပေါင်းရင်းမြစ်များ

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Lu̱ka̱ 10:22

“Anyoziya annita kaala do̱o̱k ngati Baba. I̱llo̱i̱ e̱e̱t co̱de̱ ci a̱gga̱ Ngerinne, Baba do̱ ci a̱gga̱, kar bo̱do̱k i̱llo̱i̱ e̱e̱t co̱de̱ ci a̱gga̱ Baba, Ngerinne do̱ ci a̱gga̱ ki ol wak atahala enne, kar ki̱ye̱le̱k nogo zoz ci Baba.”

Kaviyak wak Abunna Ta̱mu̱ta̱dde̱no̱ eher Joni 13:3

A̱gga̱ Ye̱su̱ niko ming aarik Baatinne kaal do̱o̱k azzin ciginnek, a̱gga̱ bo̱do̱k a̱kku̱ enne ba̱li̱ye̱ ngati Ta̱mu̱ta̱dde̱no̱, kar bo̱do̱k ki̱mi̱re̱ kuk ngati Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:31

Emena Joni zoza dee, kar bo̱do̱k kize ne, “Imma enne e̱e̱ti̱ wa a̱kku̱ ta̱dde̱na̱ ta̱mu̱-kenga, nonno ci a̱ddi̱ki̱rne̱ ol do̱o̱k veelek, okko e̱e̱ti̱ ci aave lo̱o̱ta̱ een enne ci lo̱o̱tu̱, ma̱i̱je̱ e̱e̱ti̱ ci a̱kku̱ ta̱mu̱-kenga, ommog ol do̱o̱k.

Kaviyak wak Abunna Ta̱mu̱ta̱dde̱no̱ eher Joni 3:35

Irez Be̱e̱ti̱ do̱le̱co̱ Ngerinne kar zin karik kaal do̱o̱k azzin ciginnek.

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Buk wa To̱ni̱a̱u̱ 2:36

“Abunna zin niga olli Israilo ming a̱gga̱yyu̱ zoz necu ju̱rru̱m do̱o̱k. Idiman Ta̱mu̱ta̱dde̱n Ye̱su̱ bali ododoyu niga keete ci een ta̱la̱ke̱c ke̱, kize Manyi ki Ki̱ri̱sto̱.”

Roma 14:9

Eci zin zo̱ze̱ necu, a̱da̱k Ki̱ri̱sto̱ kar kitinga daiza kurug, kar enne kize Manyi ci olli daizo ki ci olli rugeto.

1 Ko̱ri̱nto̱ 15:27

Azi Warage ci Ta̱mu̱ta̱dde̱no̱ ne, “Aanyik Ta̱mu̱ta̱dde̱n Ngerinne kabal kaal do̱o̱k.” Imma zin zo̱ze̱ necu ka̱gga̱ naga niko abal atin Ye̱su̱ Ki̱ri̱sto̱ kaal do̱o̱k. Iróng zin zoz necu ci azi ne, kar atin Ye̱su̱ kabal Ta̱mu̱ta̱dde̱n, een abarik Ta̱mu̱ta̱dde̱n ci anyik nonno kabal kaal ne̱k lo̱o̱tu̱ ko̱ do̱o̱k.

Kolosiya 2:10

urubtau zin niga baiz ci abunna do̱o̱k go̱o̱le̱ ci urumteziu niga Ki̱ri̱sto̱, nonno ci anyak doiz ci ommog vongizzok do̱o̱k.

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

I̱bu̱ru̱ 2:8

Kar anyik nonno kabal kaal do̱o̱k.” Kar go̱o̱le̱ ci abale enne kaal do̱o̱k ko̱, iróng Ta̱mu̱ta̱dde̱n ungnek gi̱i̱ imma ci iróng enne abali. I̱yo̱ko̱, iróng naga kacin ming abal e̱e̱ti̱ kaal do̱o̱k.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 17:14

Anyaha atin nege illa ci oore Nyoon, ma̱i̱je̱ atin Nyoon ommog nogo ma̱rri̱t enne een Manyi ci ma̱ci̱gi̱nnu̱ ki Alaan ci alaatu veelek. Ovvo ol wak annu nonno ko̱ atahaltai kar ku̱zu̱tte̱ zoz cinne.”

O̱no̱zzo̱k 19:16

Imma ru̱u̱me̱ cinne ki azana e̱he̱rye̱ zara ciginnek ke̱te̱: ALAAN CI ALAATU KI MANYI CI MA̱CI̱GI̱NNU̱.