Ma̱te̱yo̱ 27:54 - Tennet

⁵⁴ Baling icin ddi̱ki̱ryo̱i̱ti̱ ci aciiru ki aciir balik ebek Ye̱su̱ ko̱ ki̱rki̱ri̱k ki kaal ne̱k ogone ke̱ do̱o̱k, o̱to̱ngo̱o̱ltte̱ nege lo̱o̱c oroot, kar kizeto ne, “Een ette enne de̱de̱ Ngerrti Ta̱mu̱ta̱dde̱no̱.”

Ma̱te̱yo̱ 27:54 ပူးပေါင်းရင်းမြစ်များ

Ma̱te̱yo̱ 26:63

Ma̱i̱je̱ Ye̱su̱ ijakce li̱i̱m. Iizek alaani ci a̱ddi̱ki̱re̱ wawaco nonno ne, “Ka̱jji̱ni̱n zare cik Ta̱mu̱ta̱dde̱n wa aruge, du̱wa̱kke̱t ming e̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱.”

Ma̱te̱yo̱ 27:36

Baling a̱vvu̱to̱ lo̱o̱ta̱, ngen egelem ebek nonno dee niko.

Ma̱te̱yo̱ 27:40

kar kizeto ne, “I̱nna̱ e̱e̱ti̱ ci azi ne, okko egerzanni Ce̱e̱z wa Ta̱mu̱ta̱dde̱no̱ kar teheeny i̱i̱nya̱we̱ cik een i̱i̱yo̱, ti̱ri̱z da̱ ele cunne. Aara ele cunne ta̱la̱ke̱ca̱ ming e̱e̱ni̱ i̱nna̱ Ngerrti Ta̱mu̱ta̱dde̱no̱.”

Ma̱te̱yo̱ 27:43

Arike enne zinin cinne Ta̱mu̱ta̱dde̱n. Anyik Ta̱mu̱ta̱dde̱n kaara nonno i̱yo̱ko̱ niko, ming orong enne nonno, eci azi enne ne, ‘Ke̱e̱ni̱ Ngerrti Ta̱mu̱ta̱dde̱no̱.’”

Ma̱te̱yo̱ 27:51

Imma i̱i̱te̱n neci a̱da̱kne̱ Ye̱su̱ ke̱, erece ru̱u̱m ci gon enger Ce̱e̱z wa Ta̱mu̱ta̱dde̱no̱ orgena ecito, akane ta̱dde̱na̱ kuk rok lo̱o̱c. Otomowe looci kize ki̱rki̱ri̱k, apakte biyena.

Ma̱te̱yo̱ 4:3

I̱ki̱ya̱k zin lo̱rye̱nti̱ nonno izek ne, “Ming e̱e̱ni̱ i̱nna̱ Ngerrti Ta̱mu̱ta̱dde̱no̱, tuhu biyen ne̱ko̱ kizeto da̱i̱ne̱t.”

Ma̱te̱yo̱ 8:5

Baling okko Ye̱su̱ o̱rge̱ ci een Kapernaum ke̱, i̱ki̱ya̱k nonno ddi̱ki̱ryo̱i̱ti̱ ci aciiru, a̱nne̱k ne, eelawan.

Marko 15:39

Baling izik ddi̱ki̱ryo̱i̱ti̱ ci aciiru bali abile ojonun ki Ye̱su̱ ko̱ u̱lu̱wa̱ cinne kar bo̱do̱k kicin gool ci a̱da̱he̱ enne, ize ne, “Een e̱e̱ti̱ cu Ngerrti Ta̱mu̱ta̱dde̱no̱ de̱de̱!”

Lu̱ka̱ 22:70

I̱jji̱nto̱ zin nege do̱o̱k, “E̱e̱ni̱ zin i̱nna̱ Ngerrti Ta̱mu̱ta̱dde̱no̱?” O̱bo̱de̱k enne nogo, “Ilemnyyu niga ming a̱du̱wa̱nnu̱ ke̱e̱ni̱ anna ngene.”

Kaviyak wak Abunna Ta̱mu̱ta̱dde̱no̱ eher Joni 19:7

Ommogtek olli Ya̱u̱do̱ zoz cinne̱ng, izettek zin Pilato ne, “Kanyaka naga lo̱ti̱nno̱k wagga̱c, azi zin lo̱ti̱nno̱wa̱ ne̱ke̱ ne, anyik nonno ka̱da̱k, ma̱rri̱t ming azi enne ne, ke̱e̱ni̱ Ngerrti Ta̱mu̱ta̱dde̱no̱.”

Buk wa To̱ni̱a̱u̱ 10:1

Anyak bali e̱e̱t ci een ddi̱ki̱ryo̱i̱t ci aciiru een zara Kornelio balik akannek ol aciir ne̱ke̱ kizeto zara Italiya, kar enne kabak o̱rge̱ ci een Kesarea.

Buk wa To̱ni̱a̱u̱ 2:37

Ma baling iziyyet ol do̱o̱k zoz necu, o̱to̱ngo̱o̱ltte̱ lo̱o̱c, kar zin izektek Peturu ki to̱ni̱a̱k u̱gge̱ ne, “Gotonogget, kar zin ucca ku̱tu̱gu̱zza̱ nya?”

Buk wa To̱ni̱a̱u̱ 21:32

Idima ddi̱ki̱ryo̱i̱ti̱ wa a̱ddi̱ki̱re̱, ddi̱ki̱ryyo̱k ki aciir u̱gge̱ kar kuluce koot ngati koole neci. Baling icinnet nege ddi̱ki̱ryo̱i̱t ki aciir ciginnek, iróng nege ngen a̱ru̱k Pa̱u̱lo̱.

Buk wa To̱ni̱a̱u̱ 23:17

Utu zin Pa̱u̱lo̱ ddi̱ki̱ryo̱i̱t co̱de̱ ci aciiru kar kizek ne, “Bite lo̱gu̱t cu ngati ddi̱ki̱ryo̱i̱t wa a̱ddi̱ki̱re̱ ko̱, anyak zoz ci orong enne ku̱du̱wa̱k nonno.”

Buk wa To̱ni̱a̱u̱ 23:23

Utu zin ddi̱ki̱ryo̱i̱ti̱ wa a̱ddi̱ki̱re̱ ko̱ ddi̱ki̱ryyo̱k ciginnek rama kar ku̱du̱wa̱k nogo, a̱nne̱k ne, “Idimtta aciir cik een obet rama, aciir cik ottod vartange moten turgerem ki aciir cik illanyau obet rama koot o̱rge̱ ci een Kesarea ming ize saa torkoc atidic ba̱a̱l.

Buk wa To̱ni̱a̱u̱ 27:1

Baling odolta nege kar ki̱tto̱nnte̱t i̱bo̱wa̱ rok lo̱o̱c ci een Italiya, anyozik Pa̱u̱lo̱ ki ol u̱gge̱ wak e̱ce̱bje̱ lagama ko̱, ddi̱ki̱ryo̱i̱t ci een zara Julius. “Een enne ddi̱ki̱ryo̱i̱t ci aciiru balik akannek ol zar cik alaan wa Romi.”

Buk wa To̱ni̱a̱u̱ 27:43

Imma ddi̱ki̱ryo̱i̱ti̱ wa aciiru orong keela Pa̱u̱lo̱ kurug. Alam zin enne aciir ngati orong ku̱ru̱kte̱ nogo. U̱du̱wa̱k zin enne ol cik a̱gga̱ du̱nye̱ne̱t anyik ki̱ta̱za̱k maam kar koot ti̱ti̱ma̱.

Roma 1:4

I̱ye̱la̱ Vongizi ci Ta̱mu̱ta̱dde̱no̱ een Ye̱su̱ Ki̱ri̱sto̱, Manyitinna Ngerrti Ta̱mu̱ta̱dde̱no̱ bali itingawe enne nonno daiza.

O̱no̱zzo̱k 11:13

Imma i̱i̱te̱ne̱ neci ele anyak looci ki̱rki̱ri̱k kar ce̱e̱zi̱ cik orog ci a̱ddi̱ki̱re̱ ko̱ lo̱lo̱i̱t cidici ku̱yu̱kte̱. U̱ru̱kte̱ ol cik e̱e̱ggi̱n i̱bbo̱nge̱t turgerem (7,000) ki̱ri̱ki̱ri̱ye̱ neci. Kar ol wak anyigzai aruge ko̱ ka̱bba̱ri̱te̱t ki̱di̱ngdi̱nga̱ni̱t Ta̱mu̱ta̱dde̱n ci aave ta̱mu̱-kenga.