Ma̱te̱yo̱ 27:32 - Tennet

³² Baling ovvo nege goola, u̱ru̱mto̱ ki e̱e̱t ci orog ci een zara Cyrene, een zara Si̱mo̱ne̱, adangttek zin nonno kodong ta̱la̱ke̱c ci Ye̱su̱.

Ma̱te̱yo̱ 27:32 ပူးပေါင်းရင်းမြစ်များ

Ma̱te̱yo̱ 16:24

Iizek zin Ye̱su̱ nuyak ne, “Ming orong e̱e̱ti̱ kize to̱ni̱a̱t cinanni, anyik kutungek kaal cik lo̱o̱tu̱ irez enne ko̱, do̱o̱k, kar zin kodong ta̱la̱ke̱c cinne piryanzeto kar zin kunuwan.

Ma̱te̱yo̱ 5:41

Ming adangeki e̱e̱ti̱ imma abunna ming i̱nya̱ma̱ni̱ nonno do̱yo̱i̱t, abarik nyaman nonno Mailnya cik e̱e̱ggi̱n rama.

Marko 15:21

Imma goola, u̱ru̱mto̱ nege ki e̱e̱t ci azi zar ne Si̱mo̱ne̱ ci orog ci een Cyrene. Een enne be̱e̱ti̱ Alizanduru ki Ruvos. Etted da̱ enne orog abanyca, ommogtek zin nonno ki̱ti̱k ta̱la̱ke̱c.

Lu̱ka̱ 23:26

Baling ovvo aciiri ovvoye nonno reena, a̱gga̱mi̱t zin nege Si̱mo̱ne̱ ci a̱kku̱ o̱rge̱ ci een Cyrene, a̱kku̱nna̱k da̱ enne Jerusalem kar zin nege ka̱gga̱mi̱t nonno kaanycik kodong ta̱la̱ke̱c vu̱rrte̱ ci Ye̱su̱.

Kaviyak wak Abunna Ta̱mu̱ta̱dde̱no̱ eher Joni 19:17

Odong zin Ye̱su̱ ta̱la̱ke̱c neci kar kuwe ngati een zara oo ci e̱e̱t ci a̱da̱ha̱, awu ol zo̱ze̱ ci ol cik e̱e̱ggi̱n Aramaik a̱nne̱k ne Gologota.

Buk wa To̱ni̱a̱u̱ 11:20

Imma ol uggak wak balik aavtte ngati aburuk maama een Cyprus ki orog ci een Cyrene, oot ngati een Antiyok kar ka̱ka̱tte̱ uwaktek ol cik iróng een Ya̱u̱d kaviyak cik abunna obod ki Manyi Ye̱su̱.

Buk wa To̱ni̱a̱u̱ 13:1

Anyak ba̱li̱ye̱ ke̱le̱ci̱a̱ ci aave o̱rge̱ ci Antiyoki a̱ri̱tto̱k ki de̱me̱zzo̱k ciko: Barnabas, Si̱mo̱ne̱ wa een zara uggak ne Niger, ki Lucius wa Cyrene, ki Manaen wa bali ingazi ki alaan He̱ro̱d Antipas nga̱to̱de̱ bali ngen e̱e̱ggi̱n dooli ke̱, kar zin Saul.

Buk wa To̱ni̱a̱u̱ 2:10

Phrygia, Pamphylia, Masir, kar orog ci een Cyrene ci aave lo̱o̱ce̱ ci Libiya; ki ol cik a̱vvu̱ o̱rge̱ ci a̱ddi̱ki̱re̱ een Roma,

Buk wa To̱ni̱a̱u̱ 6:9

Adang zin da̱ ol uggak nonno, e̱e̱ggi̱n ol ne̱ke̱ Ya̱u̱d cik o̱ro̱gjo̱k cik Alikzandria ki Cyrene ki lo̱o̱cco̱k cik Cilicia ki Asia, arumo nege Ce̱e̱ze̱ wa Lawinto, ci awu ol kize nginti ol cik iróng e̱e̱ggi̱n du̱cca̱k. A̱ka̱tte̱ ol ne̱ko̱ adangto ki Stephen,

Buk wa To̱ni̱a̱u̱ 7:58

u̱tu̱gu̱rre̱t zin ol nonno o̱o̱tte̱ orog abanyca kar zin kovoccit biyene. Kar zin bbacaha karta ru̱u̱ma̱ni̱ cigge̱k kanyakta ki̱vi̱ta̱ ku̱ju̱kte̱k zo̱o̱ cik e̱e̱t ci een zara Saul.