Ma̱te̱yo̱ 27:2 - Tennet

² E̱ce̱bi̱t zin nege Ye̱su̱ kar ko̱o̱tte̱ ngati Pilato ddi̱ki̱ryo̱i̱t ci gaala cik Romi.

Ma̱te̱yo̱ 27:2 ပူးပေါင်းရင်းမြစ်များ

Kananet 22:9

Baling u̱zu̱cca̱ nege ngin bali a̱du̱wa̱k Ta̱mu̱ta̱dde̱n nonno zoz cinne ke̱, eteheeny zin Aburahami i̱te̱le̱ nginati kar zin ketevetek rimma cik gwo̱o̱ya̱k. A̱gga̱m zin ngerinne I̱sa̱ko̱ kar keceb, kar zin kabahek rimma ne̱ke̱.

Ma̱te̱yo̱ 20:19

Kar zin nege ka̱gga̱mte̱ya̱ annit ol wak iróng een Ya̱u̱d, kar atin nege komomoztan, bak a̱ru̱ka̱ kar zin kotodoyya keet ci een ta̱la̱ke̱c. Imma i̱i̱nya̱we̱ cik een i̱i̱yo̱ kingazi atin anna daiza dee!”

Ma̱te̱yo̱ 28:14

Ming izik ddi̱ki̱ryo̱i̱ti̱ Pilato zoz necu, kozozikka atin naga nonno. Arannu̱ng atin zoz necu no̱ngi̱tto̱ne̱.”

Lu̱ka̱ 13:1

Imma i̱i̱te̱ne̱ neci ele, anyak da̱ ol u̱gge̱ cik u̱du̱kta̱k Ye̱su̱ zoz ci ol cik Ga̱li̱li̱ ongotan Pilato bi̱ye̱ cigge̱k ki wawa cigge̱k.

Lu̱ka̱ 20:20

Acin nege nonno oroot, kar ki̱tto̱ntta̱ volongnyok wak alaba talaben azi ne ke̱e̱ggi̱nna̱ ol cik kabunanna. Orong nege ka̱gga̱mi̱t Ye̱su̱ zo̱ze̱ ci ozoz enne kar kaanycik nonno ddi̱ki̱ryo̱i̱t ci gaalau.

Lu̱ka̱ 23:1

Itingazzo zin zu̱we̱ do̱o̱k kar ko̱o̱tte̱ Ye̱su̱ rok Pilato ddi̱ki̱ryo̱i̱t ci gaala cik Romi.

Lu̱ka̱ 23:12

Imma wazin neci izeto Pilato ki He̱ro̱d gonen, imma ba̱li̱ye̱ amarno nege gerzet.

Lu̱ka̱ 3:1

Baling ize e̱rki̱nya̱ cik abale Tiberiasi alaan ci a̱ddi̱ki̱re̱ Romi ol omoto ki tu̱r, een da̱ Pontius Pilato ddi̱ki̱ryo̱i̱t ci gaala cik Ju̱de̱ya̱, kar zin bo̱do̱k He̱ro̱di̱ kize alaan ci Ga̱li̱li̱, okko gotoniya Vilipi een alaan ci I̱tu̱ri̱a̱ ki Tirikontes, kar Lucano kize alaan ci Abelin,

Kaviyak wak Abunna Ta̱mu̱ta̱dde̱no̱ eher Joni 18:12

E̱ce̱bi̱t aciiri ki ddi̱ki̱ryo̱i̱t wa a̱ddi̱ki̱rne̱ aciiru ki lo̱ddi̱ki̱re̱ wak Ya̱u̱do̱ ke̱ Ye̱su̱.

Kaviyak wak Abunna Ta̱mu̱ta̱dde̱no̱ eher Joni 18:24

I̱tto̱ni̱k zin bo̱do̱k e̱e̱ti̱ ci een Annas Ye̱su̱ kuk ngati ngen e̱ce̱bi̱ne̱ niko kuk ngati alaan ci a̱ddi̱ki̱re̱ wawaco Kaipas.

Kaviyak wak Abunna Ta̱mu̱ta̱dde̱no̱ eher Joni 18:28

I̱nya̱ma̱ni̱t zin ol cik e̱e̱ggi̱n Ya̱u̱d Ye̱su̱ ce̱e̱ze̱ ci Kaipasi o̱o̱tte̱ ngati ddi̱ki̱ryo̱i̱t ci gaala cik Romi. Aala da̱ looci, kar zin ol cik e̱e̱ggi̱n Ya̱u̱d iróng orong ku̱tu̱lle̱t e̱le̱tti̱ ngati i̱zo̱we̱ orog ci e̱e̱t neci. Orong da̱ nege kar kadait I̱i̱te̱n wa Va̱rda̱ngi̱nto̱.

Buk wa To̱ni̱a̱u̱ 12:6

Imma bali ba̱a̱l ming ngen alaani He̱ro̱di̱ kanyahak nonno lo̱ki̱ko̱ ke̱, adunge bali Peturu orgene ci aciir cik een rama, e̱ce̱bje̱ enne ziiye cik een rama, ovvo bo̱do̱k aciiri uggak ebek aran ci lagamo.

Buk wa To̱ni̱a̱u̱ 21:33

I̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ eceb Pa̱u̱lo̱ kar zin enne ku̱du̱wa̱k ol kecebit nonno diditai cik e̱e̱ggi̱n rama. Kar zin enne ki̱jji̱no̱, een enne ngene, u̱tu̱gu̱ enne nyaa?

Buk wa To̱ni̱a̱u̱ 22:25

Baling e̱ce̱bi̱t aciiri Pa̱u̱lo̱ kar orong ki̱bi̱cce̱t, izek Pa̱u̱lo̱ ddi̱ki̱ryo̱i̱t wa aciiru bali abile ke̱ ne, “Abunna dim ming a̱bi̱ccu̱ e̱e̱t ci Romi ngati ngen urubta ba̱ci̱ imma ci u̱tu̱gu̱ enne?”

Buk wa To̱ni̱a̱u̱ 22:29

Ataman niko, utungtek zin ol balik orong ki̱jji̱nne̱t nonno ke̱ lo̱o̱c, iróng ngen a̱jji̱nne̱. O̱to̱ngo̱o̱le̱ zin ddi̱ki̱ryo̱i̱ti̱ wa a̱ddi̱ki̱re̱ ko̱ bu̱k lo̱o̱c baling umuda enne eceb da̱ enne Pa̱u̱lo̱, e̱e̱t ci Romi.

Buk wa To̱ni̱a̱u̱ 24:27

Ma baling edeccai e̱rki̱to̱wa̱ cik e̱e̱ggi̱n rama, aragiz ddi̱ki̱ryo̱i̱ti̱ ci gaalau imma lo̱o̱c, ci een zara Porcius Vestus, eci bali Ve̱li̱ce̱ orong Ya̱u̱d katalit nonno, utungek zin enne Pa̱u̱lo̱ kecebe lagama.

Buk wa To̱ni̱a̱u̱ 28:20

Eci zo̱ze̱ necu, korongi anna kurumto ki i̱ge̱t kar kozoziung ko̱ nenen necu. Kecebje anna zo̱ze̱ ci arike olli Israilo do̱o̱k zi̱nze̱tti̱ cigge̱k.”

Buk wa To̱ni̱a̱u̱ 3:13

Eci Ta̱mu̱ta̱dde̱n ci Aburahami, ki I̱sa̱ko̱ ki Ya̱ko̱bo̱ ki ji̱ji̱ti̱gga̱c nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱.

Buk wa To̱ni̱a̱u̱ 4:27

De̱de̱ u̱ru̱mto̱ He̱ro̱di̱ ki Pontius Pilato nga̱to̱de̱ ki i̱do̱ngi̱ ki olli Israilo o̱rge̱ cu adawa du̱ca̱i̱t cunne a̱li̱le̱ Ye̱su̱, wa bali atahala i̱nna̱.

Buk wa To̱ni̱a̱u̱ 9:2

kar ki̱jji̱n waraga ci i̱tto̱ni̱k lo̱ddi̱ki̱re̱ cik aavtte o̱rge̱ ci een zara Damascus, kar abunna ming amuda enne ngaai icima odot cik annu zoz ci Manyi Ye̱su̱, okko enne okkoye nogo lagama Jerusalema.

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

I̱bu̱ru̱ 13:3

Eelta ol cik e̱ce̱bje̱ lagama, u̱tu̱gu̱z ki ci een i̱ge̱t e̱le̱tti̱ne̱ cik e̱ce̱bi̱nnu̱ lagama. Eelta ol wak a̱gi̱d ol, ogon ki i̱yo̱ko̱ a̱gi̱ddu̱ng ol i̱ge̱t e̱le̱tti̱ne̱.