Ma̱te̱yo̱ 26:55 - Tennet

⁵⁵ Iizek zin Ye̱su̱ koole ne, “Ke̱e̱ni̱ anna ddi̱ki̱ryo̱i̱t ci kokkoye ol zara koorto ki gaala, a̱vvu̱nnu̱ ilanyai ki co̱o̱li̱te̱ ovvo a̱gga̱mnya̱ng annita? Kaave gon anna odohize reene ci Ce̱e̱z wa Ta̱mu̱ta̱dde̱no̱, kedemze, ngen zin a̱gga̱mta̱ng.

Ma̱te̱yo̱ 26:55 ပူးပေါင်းရင်းမြစ်များ

Ma̱te̱yo̱ 21:23

I̱tto̱ Ye̱su̱ re̱e̱nu̱n ci Ce̱e̱z wa Ta̱mu̱ta̱dde̱no̱ kar zin kakate de̱mzi̱ne̱t, i̱vi̱tta̱k zin nonno alaata cik olli wawaco Ce̱e̱ze̱ wa Ta̱mu̱ta̱dde̱no̱ ki ddi̱ki̱ryyo̱k wak Ya̱u̱do̱. Kar zin ki̱jji̱nne̱t nonno, “Ogoni i̱nna̱ kaal ne̱ko̱ alaanzete ci ngene? Ngene ci aanyi i̱nne̱t komiz necu?”

Ma̱te̱yo̱ 26:47

Baling ngen ozoz Ye̱su̱ niko, i̱ki̱ya̱ zin nuyaiti ci Ye̱su̱ co̱de̱ een zara Judas ki ol cik meelek giir, anyak ki ilanya ki co̱o̱li̱t. I̱tto̱na̱ nogo alaata cik olli wawaco ki lo̱ddi̱ki̱re̱ cik ollu.

Marko 10:1

Imma vu̱rrta̱, utungek Ye̱su̱ orog ci een zara Kapernaum lo̱o̱c. Uk zin enne o̱to̱ne̱ ci je̱e̱ni̱ rok lo̱o̱c ci ol cik een zara Ju̱de̱ya̱, kar zin kuzuca orog ci aave moro ci Jordani o̱to̱ne̱ ci je̱e̱ni̱. Eci wagon a̱vvu̱na̱k ol cik meelek nonno, edemez zin enne nogo.

Marko 12:35

Baling ngen Ye̱su̱ edemze reena Ce̱e̱ze̱ wa Ta̱mu̱ta̱dde̱no̱, i̱jji̱n zin enne ol, izek ne, “Azi gon de̱me̱zzo̱wa̱ wak lo̱ti̱nno̱u̱ ne een Ki̱ri̱sto̱ ngerrti Da̱vi̱de̱ ku̱?

Lu̱ka̱ 19:47

Kar enne odohize kedemezo Ce̱e̱ze̱ wa Ta̱mu̱ta̱dde̱no̱. Imma zin alaata cik olli wawaco ki de̱me̱zzo̱k wak lo̱ti̱nno̱k wak Musesi ki lo̱ddi̱ki̱re̱ wak Ya̱u̱da̱k orongit ku̱ru̱we̱t nonno ka̱da̱k.

Lu̱ka̱ 20:1

Anyak da̱ i̱i̱te̱n imma ci edemeze Ye̱su̱ ol reena Ce̱e̱ze̱ wa Ta̱mu̱ta̱dde̱no̱ kar bo̱do̱k kuwahek nogo kaviyak cik abunna, u̱lu̱tte̱ zin alaata cik olli wawaco ki de̱me̱zzo̱k wak lo̱ti̱nno̱u̱ ki lo̱ddi̱ki̱re̱ kar ki̱vi̱ta̱k nonno.

Lu̱ka̱ 4:20

Kar enne kunyum buk, kaanyik kobodek ol kar enne ka̱vvu̱ lo̱o̱ta̱. Egelemit zin ebere cik ollu do̱o̱k nonno Ce̱e̱ze̱ wa Lawinto,

Kaviyak wak Abunna Ta̱mu̱ta̱dde̱no̱ eher Joni 7:14

Baling ngen ol adak kwo̱o̱r, uk Ye̱su̱ Ce̱e̱ze̱ wa Ta̱mu̱ta̱dde̱no̱ kar kakate de̱mzi̱ne̱t.

Kaviyak wak Abunna Ta̱mu̱ta̱dde̱no̱ eher Joni 7:28

Baling ngen Ye̱su̱ edemez ol reena Ce̱e̱ze̱ wa Ta̱mu̱ta̱dde̱no̱, egereny zin oroot, ize ne, “A̱gga̱yya̱ng de̱de̱, a̱gga̱yyu̱ nginti ka̱kku̱ne̱? Iróng anna ka̱kku̱ni̱ ngintu do̱ o̱o̱we̱ cinanni, ma̱i̱je̱ e̱e̱ti̱ ci i̱tto̱na̱na̱ a̱du̱wa̱ zoz ci een de̱de̱. Iróng zin niga a̱gga̱yyu̱ nonno.

Kaviyak wak Abunna Ta̱mu̱ta̱dde̱no̱ eher Joni 8:2

Obodak bo̱do̱k zin enne re̱e̱nu̱n ci Ce̱e̱z wa Ta̱mu̱ta̱dde̱no̱ nge̱rre̱t ingani ri̱ri̱wo̱na̱; i̱vi̱tta̱k zin ol nonno, a̱vvu̱ zin lo̱o̱ta̱ kar kedemez nogo.

Kaviyak wak Abunna Ta̱mu̱ta̱dde̱no̱ eher Joni 8:20

Ozoz Ye̱su̱ zoz necu baling ngen enne edemze reene ci Ce̱e̱z wa Ta̱mu̱ta̱dde̱no̱, aave enne ojonun ki ngin wagon a̱ju̱ke̱ke̱ ol kaal wak amuce Ta̱mu̱ta̱dde̱n. Iróng zin e̱e̱ti̱ imma ngen eceb nonno, eci ngen i̱i̱ cinne kutube.