Ma̱te̱yo̱ 26:39 - Tennet

³⁹ Uk zin enne reena idic niko, kar ku̱lu̱le̱ kicin lo̱o̱c, ala Ta̱mu̱ta̱dde̱n, azi ne, “Baba! Ming elema i̱nna̱ aara uduc ci piryanzeto ngatinanni. Korongi anna zoz cunne ku̱tu̱gu̱we̱ iróng een cinanni.”

Ma̱te̱yo̱ 26:39 ပူးပေါင်းရင်းမြစ်များ

Kananet 17:3

Atangu zin Aburami kicin ngu̱m cinne lo̱o̱c, kar Ta̱mu̱ta̱dde̱n kizek nonno ne,

Ma̱te̱yo̱ 20:22

U̱du̱wa̱k zin Ye̱su̱ nogo, “Iróng niga a̱gga̱yyu̱ zoz ci a̱jji̱nnu̱ ko̱. Auddu wo̱ye̱ atin de̱de̱ niga piryanzet ci kokko atin anna karuba ko̱?” Abarizet zin nege, azi ne, “I̱i̱ny, kanimnya!”

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 26:42

Utungek bo̱do̱k nogo kar kuk kala Ta̱mu̱ta̱dde̱n, azi ne, “Baba! Ming iróng i̱nna̱ aara uduc ci piryanzeto ngatinanni, tu̱gu̱ ki ci orongi i̱nna̱.”

Marko 13:22

A̱vvu̱ atin Ki̱ri̱sto̱nya̱ cik iróng een de̱de̱ ki a̱ri̱tto̱k wak iróng een de̱de̱, ogon kaal cik a̱vu̱la̱ kar ku̱lu̱te̱t ol balik atahala Ta̱mu̱ta̱dde̱n ming amuda nege gool ci alabane nogo.

Lu̱ka̱ 17:16

U̱ju̱ke̱k zin enne ele cinne zo̱o̱ cik Ye̱su̱ kar kaanyik nonno zany, een enne e̱e̱t ci Samariyo.

Kaviyak wak Abunna Ta̱mu̱ta̱dde̱no̱ eher Joni 11:41

I̱pi̱ktta̱ zin ol bee neci ngi̱lo̱ma̱ utuga ke̱, icin zin Ye̱su̱ ta̱mu̱-keng, kar zin kize ne, “Baba kaanyi zany, iziyu i̱nna̱ zoz cinanni.

Kaviyak wak Abunna Ta̱mu̱ta̱dde̱no̱ eher Joni 14:31

abunna zin ming a̱gga̱ ol cik lo̱o̱ta̱ ko̱ ming kirezi anna Baba, kar bo̱do̱k ku̱tu̱gu̱ kaal wak i̱lo̱ti̱ka̱ Baba ku̱tu̱gu̱. “I̱vi̱ta̱ i̱yo̱ko̱ niko, kotozzo zin naga.

Kaviyak wak Abunna Ta̱mu̱ta̱dde̱no̱ eher Joni 18:11

Izek Ye̱su̱ Peturu ne, “Bilo, bodek nya̱tu̱ba̱t cunne ko̱! Azi bong i̱nna̱ ne ko̱ngo̱o̱le̱ i̱yo̱ko̱ anna pirnanet ci aanya Baba kar kuk kipira ko̱?”

Kaviyak wak Abunna Ta̱mu̱ta̱dde̱no̱ eher Joni 5:19

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 5:30

Iróng wo̱ye̱ anna kogonni gi̱i̱ imma do̱ komize cinanni, kettedike e̱e̱t lo̱ki̱ko̱ ming kiziya zoz ngati Baba. Kettedi lo̱ki̱ko̱ cinanni ju̱rru̱m. Iróng kogonni gi̱i̱ ci orong zinin cinanni, abarik kogonni gi̱i̱ ci orong e̱e̱ti̱ bali i̱tto̱na̱na̱ ke̱.

Kaviyak wak Abunna Ta̱mu̱ta̱dde̱no̱ eher Joni 6:38

Ka̱kku̱ni̱ la̱du̱n ta̱mu̱-kenga iróng kokko kogonni gi̱i̱ ci korongi anna, abarik kokko kogonni gi̱i̱ ci orong Baatanni bali i̱tto̱na̱na̱ ke̱.

Buk wa To̱ni̱a̱u̱ 10:25

Baling okko Peturu i̱i̱zo̱ ce̱e̱zto̱, u̱ru̱me̱k Korneliosi nonno gool kar zin kakatek u̱zu̱ngtti̱ lo̱o̱c kar ki̱di̱ngdi̱nga̱n nonno.

Vilipia 2:8

Ogon bali enne ki e̱e̱ti̱ ci diiri, obodane enne ele cinne kar kelema daiz rok keete wa een ta̱la̱ke̱c!

I̱bu̱ru̱ 5:7

Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”