Ma̱te̱yo̱ 26:29 - Tennet

²⁹ Ka̱du̱wa̱kku̱ng zoz ci een de̱de̱, iróng atin anna kaudi vi̱no̱ ki i̱ge̱t nga̱to̱de̱ uduce necu zee bak kovvo kaude ki i̱ge̱t atin ba̱a̱li̱nte̱ ci Baba.”

Ma̱te̱yo̱ 26:29 ပူးပေါင်းရင်းမြစ်များ

Ma̱te̱yo̱ 13:43

Ma̱i̱je̱ zin ol wak ogon kaal wak abunna, ataltali e̱le̱tti̱ kiwagon koor ba̱a̱li̱nte̱ ci Be̱e̱ti̱nne̱ng. Ming anyak e̱e̱ti̱ iin, anyik kiziyo ju̱rru̱m.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 18:20

Eci ming alute ol cik een rama icima i̱i̱yo̱ zo̱ze̱ ci zar cigannik, kaave anna orgene cinne̱ng.”

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 26:28

eci e̱e̱ggi̱n ne̱ko̱ bi̱ye̱ cigannik olomo ci Ta̱mu̱ta̱dde̱no̱ ki ol ciginnek. A̱vvu̱ bi̱ye̱ta̱ ne̱ko̱ abunna aara ol cik meelek mu̱nye̱n.

Ma̱te̱yo̱ 26:30

Baling e̱be̱nni̱t nege tegel kar zin koot Biye ci I̱ngi̱ro̱u̱.

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Marko 14:25

Ka̱du̱wa̱kku̱ng zin zoz ci een de̱de̱, iróng atin anna bo̱do̱k kaudi merte cu udut zee kuk kuud merte ci een jor ba̱a̱li̱nte̱ ci Ta̱mu̱ta̱dde̱no̱.”

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Lu̱ka̱ 15:32

Abarik abunna kadak naga kwo̱o̱r kar katalit, eci gotonnu icu a̱da̱k ba̱li̱ye̱ kar i̱yo̱ko̱ urug bo̱do̱k; i̱zzi̱ enne ba̱li̱ye̱ umudai zin.’”

Kaviyak wak Abunna Ta̱mu̱ta̱dde̱no̱ eher Joni 15:11

Ku̱du̱wa̱u̱ng ri̱t ba̱li̱ye̱ anna i̱ge̱t zoz cu kar talninet cinanni ka̱vvu̱ ngatinno̱ng, kar talninet cinno̱ng ki̱ddi̱ki̱r.

Kaviyak wak Abunna Ta̱mu̱ta̱dde̱no̱ eher Joni 16:22

Ogon zin atin bo̱do̱k ngatinno̱ng ki i̱yo̱ko̱: I̱yo̱ko̱ zin ize i̱i̱ cunno̱ng ci omozinnu icu, kacinnung zin atin anna i̱ge̱t bo̱do̱k kar bo̱do̱k ataltto, i̱llo̱i̱ zin e̱e̱t imma ci okko okkoye talinet cunno̱ng to.

Kaviyak wak Abunna Ta̱mu̱ta̱dde̱no̱ eher Joni 17:13

“Kobodaki i̱nne̱t ta̱mu̱-kenga, ku̱du̱wa̱ha̱ ba̱li̱ye̱ kaal ne̱ke̱ baling ngen kaavtiya ki nogo bu̱k lo̱o̱ta̱, kar demezyaha cigannik katalto oroot ngatinanni.

Buk wa To̱ni̱a̱u̱ 10:41

Iróng ol do̱o̱k acin nonno, abarik een bbacak wak atahala Ta̱mu̱ta̱dde̱n ba̱li̱ye̱ la̱du̱n ki agit ol balik kadaktowa kar bo̱do̱k kuudewa ki nonno baling itinga enne daiza ke̱.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

O̱no̱zzo̱k 14:3

E̱be̱nte̱k nege lo̱ng ci een jor lecer ci alaano ki kaal we̱c wak aruge ko̱ ki lo̱ddi̱ki̱re̱. I̱llo̱i̱ rok e̱e̱t imma ci edemez lo̱ng neci kize ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) do̱ niko cik a̱gga̱ lo̱ng neci, ol balik a̱ti̱ri̱z Ta̱mu̱ta̱dde̱n nogo lo̱o̱ta̱ ngatu.

O̱no̱zzo̱k 7:17

Okko Nyoon ci aave lecera orgena ko̱ een atin tuwayoit cinne̱ng; okkoye atin enne nogo rok e̱be̱re̱c ci maam cik rugetak. Kar atin Ta̱mu̱ta̱dde̱n ki̱ti̱vi̱l ti̱la̱lo̱ eberene cigge̱k do̱o̱k ne lai.”