Ma̱te̱yo̱ 25:6 - Tennet

⁶ “Imma ba̱a̱li̱n kenga, ozoz mului ci azi ne, ‘Icu rucait ngatu, i̱vi̱ta̱ u̱ru̱mtte̱k nonno gool!’

Ma̱te̱yo̱ 25:6 ပူးပေါင်းရင်းမြစ်များ

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Ma̱te̱yo̱ 24:44

E̱re̱yyo̱ zin bo̱do̱k niga ju̱rru̱m i̱i̱nya̱ do̱o̱k, eci Ngerrti E̱e̱to̱ a̱kku̱ atin i̱i̱te̱ne̱ ci iróng niga a̱gga̱yyu̱.”

Ma̱te̱yo̱ 25:1

Ize zin bo̱do̱k Ye̱su̱ ne, “Katubzeke wo̱ye̱ ba̱a̱li̱ne̱t ci ta̱mu̱-kengo ki dooli cik nga̱a̱ye̱k een omoto ngen ka̱ta̱gu̱zzo̱ ki e̱e̱t imma ko̱, balik adima lombonya kar koot ku̱ru̱mtte̱k rucait gool.

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 25:5

Baling iróng rucaiti ngen a̱kku̱ ataman, a̱vvu̱to̱ zin nege do̱o̱k lo̱o̱ta̱ a̱gga̱mtta̱ unyaha kar ka̱ta̱gu̱zzo̱.

Ma̱te̱yo̱ 25:7

“Itingazzo zin dooli wak ere rucait ko̱ do̱o̱k kar zin katalanyccek lombonya cigge̱k.

Lu̱ka̱ 12:20

“Ma̱i̱je̱ Ta̱mu̱ta̱dde̱n a̱nne̱k nonno ne, ‘I̱nna̱ tarbaloiti! Okko ba̱a̱li̱n cu rugeti cunne a̱zze̱ ngatunne. Ngene zin ci atin amuda kaal balik adimanek i̱nna̱ ele cunne ko̱?’

Lu̱ka̱ 12:46

Okko atin alaani ci du̱ca̱i̱t neci oboda i̱i̱te̱n ci iróng enne a̱gga̱we̱. Edez atin enne nonno kar kaanyik ki̱li̱ngli̱ng ngati ol wak iróng a̱tu̱we̱.

1 Te̱se̱lo̱ni̱ka̱ 4:16

Eci Manyi Ye̱su̱ eliya alucak lo̱o̱c ta̱mu̱-kenga kar ddi̱ki̱ryo̱i̱ti̱ ci anjilonyau kozoz muluwe ci a̱bu̱le̱, kar zin ol kiziyet ture ci Ta̱mu̱ta̱dde̱no̱ ming abuwe. Ma̱i̱je̱ ol balik a̱da̱i̱to̱ ngati elemtta zoz ci Ki̱ri̱sto̱ ke̱, ingazi atin daiza kuruget.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”