Ma̱te̱yo̱ 25:41 - Tennet

⁴¹ “Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 25:41 ပူးပေါင်းရင်းမြစ်များ

2 Peturu 2:4

Iróng Ta̱mu̱ta̱dde̱n alalnek anjilonya balik ogon mu̱nye̱n ke̱, abarik a̱ju̱ke̱k nogo koot ngati mu̱u̱hu̱ri̱ gwo̱o̱ya̱ ki̱ki̱ya̱ i̱i̱te̱ni̱ ci lo̱ki̱ko̱.

2 Te̱se̱lo̱ni̱ka̱ 1:9

Edez atin Manyi nogo udut kar kanyik ka̱vvu̱to̱ reena alaanzete cinne.

Ma̱te̱yo̱ 13:42

Kar atin nege ku̱ju̱kte̱k nogo gwo̱o̱ ci apadpadi udut, nginti a̱lu̱we̱ nege oroot kar kuruwet nyigit.

Ma̱te̱yo̱ 13:40

“Alutai zin atin lobali kar kutuze gwo̱o̱ye̱ ci apadpadi. Zoz zin atin ci okko ogone i̱i̱te̱ne̱ ci atin okko aṯurneke looci.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Ma̱te̱yo̱ 7:23

Kovocak atin anna nogo zoz, ‘Iróng anna ka̱gga̱yyu̱ng. Oot reena ngatinanni niga ol wak gon ogonnu mu̱nye̱n ko̱.’

Ma̱te̱yo̱ 3:12

Ogon enne ki e̱e̱ti̱ ci anyak uduc ci aanye labi kar kidima lotulany kutuz gwo̱o̱ye̱ ci iróng adite, kar kidima labi cik caalek ku̱du̱te̱k de̱he̱r.”

I̱bu̱ru̱ 6:8

Imma ol cik ogon ki looci ci anyak biila kar kize do̱ro̱ngo̱t, iróng a̱bbi̱re̱, otor Ta̱mu̱ta̱dde̱n lo̱o̱c neci. Imma vu̱rrta̱ atuz atin ol biila ne̱ke̱.

Ma̱te̱yo̱ 13:50

Kar ol cik gerzek anyak mu̱nye̱n ku̱ju̱kto̱zi̱k gwo̱o̱ ci apadpadi udut, kar nege ku̱tu̱lu̱zzo̱ kiriyet nyigit.”

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

Lu̱ka̱ 16:24

Utu zin enne nonno, ‘Baba, Aburaham, eelawa annita kar i̱tto̱n Lazaru ku̱du̱nye̱k va̱lla̱i̱t maam kar ki̱ki̱ya̱ kalalizan a̱ha̱t cinanni, eci anna kutuze gwo̱o̱ye̱ cu!’

Lu̱ka̱ 13:27

“Ma̱i̱je̱ atin enne abariz zoz cunno̱ng, ‘Iróng anna ka̱gga̱yyu̱ng icima a̱vvu̱nnu̱ niga nga. Oto, niga ol wak gon ogonnu kaal cik gerzek ko̱.’

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Ma̱te̱yo̱ 18:8

Ming aanyi a̱zzi̱ti̱ icima zoc cunne ba̱ci̱, ettedak tu̱. Abunna ming aave baiza ngati e̱e̱ni̱ ngool, gerza ming aave baiza ngati anyahe azzin ki zo̱o̱ do̱o̱k ming a̱tu̱be̱ kar bit gwo̱o̱ye̱ ci iróng adite udut.

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Ma̱te̱yo̱ 4:10

Obodike Ye̱su̱ nonno, “Nyehe ngatinanni, Sitan, e̱he̱rye̱ buwe ci Ta̱mu̱ta̱dde̱no̱ azi ne, ‘Di̱ngdi̱nga̱n Manyi Ta̱mu̱ta̱dde̱n kar li̱ngli̱ngo̱zi̱k nonno do̱.’”

Ma̱te̱yo̱ 25:42

Eci adaka ba̱li̱ye̱ magiz, iróng niga aanyang da̱i̱ne̱t. A̱ru̱ka̱ ba̱li̱ye̱ koor, iróng niga aanyang maam cik kaudi.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.