Ma̱te̱yo̱ 24:31 - Tennet

³¹ Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Ma̱te̱yo̱ 24:31 ပူးပေါင်းရင်းမြစ်များ

Lu̱ge̱z 19:16

Imma nge̱rre̱t i̱i̱nya̱we̱ wa een i̱i̱yo̱, a̱ju̱l ta̱mu̱ kar kabad, anyak di̱i̱zo̱c ci a̱ri̱re̱ biya ta̱dde̱na̱, kar kanyak ture ci abuwe. A̱bba̱ri̱te̱t ol do̱o̱k nyaperita.

Ma̱te̱yo̱ 13:41

Okko atin Ngerrti E̱e̱to̱ i̱tto̱n anjilonya waginnek ta̱mu̱-kenga, ovvo atin aluta ol ba̱a̱li̱nte̱ cinne wak ogon kaal wak gerzek mu̱nye̱nu̱ do̱o̱k.

Ma̱te̱yo̱ 24:22

Ming iróng Ta̱mu̱ta̱dde̱n etted i̱i̱nya̱ ne̱ke̱ kizeto idice, iróng wo̱ye̱ da̱ e̱e̱ti̱ imma aruge lo̱o̱ce̱ cu. Abarik okko atin Ta̱mu̱ta̱dde̱n auturan i̱i̱nya̱ ne̱ke̱ zo̱ze̱ ci ol balik atahala enne ke̱.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 24:32

“A̱gga̱c zoz necu keete ci een munec ko̱. Ming ovvo niga acinnu gon i̱ti̱li̱za̱ vu̱rre̱na̱ izeto varany, a̱gga̱yyu̱ niga niko ize lomot ojon.

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Marko 13:27

Kar enne ki̱tto̱n anjilonya ciginnek ku̱lu̱tta̱ ol balik atahala Ta̱mu̱ta̱dde̱n lo̱o̱co̱we̱ do̱o̱k, ngati aṯurneke looci kuk rok nginti aṯurneke ta̱mu̱-kengi.

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Kaviyak wak Abunna Ta̱mu̱ta̱dde̱no̱ eher Joni 11:52

Iróng een zu̱we̱ ci Ya̱u̱do̱ do̱, abarik ki dooli cik Ta̱mu̱ta̱dde̱no̱ azanonnik lo̱o̱cco̱k do̱o̱k, kar kanyahak nogo nginto̱de̱ kize orog co̱de̱.

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Evesos 1:10

I̱ye̱le̱kke̱t Ta̱mu̱ta̱dde̱n gi̱i̱ ci arike enne i̱i̱te̱n ci atin kar kidongte kaala waginnek eenyca ta̱mu̱-kenga ki lo̱o̱ta̱ do̱o̱k ko̱do̱ye̱ kar Ki̱ri̱sto̱ kabal nogo do̱o̱k.

1 Te̱se̱lo̱ni̱ka̱ 4:16

Eci Manyi Ye̱su̱ eliya alucak lo̱o̱c ta̱mu̱-kenga kar ddi̱ki̱ryo̱i̱ti̱ ci anjilonyau kozoz muluwe ci a̱bu̱le̱, kar zin ol kiziyet ture ci Ta̱mu̱ta̱dde̱no̱ ming abuwe. Ma̱i̱je̱ ol balik a̱da̱i̱to̱ ngati elemtta zoz ci Ki̱ri̱sto̱ ke̱, ingazi atin daiza kuruget.

2 Te̱se̱lo̱ni̱ka̱ 2:1

Imma zo̱ze̱ ci okko atin Manyitinna Ye̱su̱ Ki̱ri̱sto̱ obodak lo̱o̱c ki lutenet cinna, ka̱jji̱nnu̱ng i̱ge̱t gotonogget ki ngonogget tu̱we̱nta̱,

I̱bu̱ru̱ 12:19

Iziyyet nege muluk ci o̱ngo̱o̱le̱ nege oroot biye neci, ilalek Ta̱mu̱ta̱dde̱n abunna ming abiliz muluk neci.

O̱no̱zzo̱k 1:20

Icu zoz ci a̱lu̱gnye̱ zo̱ze̱ ci munyuny cik e̱e̱ggi̱n turgerem acinni i̱nna̱ a̱tte̱ cinanni a̱zzo̱ ko̱, ki kaal cik abilne tukulena ko̱: E̱e̱ggi̱n munyunya cik e̱e̱ggi̱n turgerem ko̱ anjilonya cik ke̱le̱ci̱a̱nya̱ cik een turgerem ko̱. Ovvo kaala cik e̱e̱ggi̱n turgerem abilne tukulena ko̱, e̱e̱ggi̱n ke̱le̱ci̱a̱nya̱ turgerem bu̱k.”

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 7:1

Imma bali vu̱rrta̱ kicina anna Joni anjilonya we̱c cik abile o̱to̱ cik lo̱o̱tu̱ e̱e̱ggi̱n we̱c ko̱, alam ngoot ci lo̱o̱tu̱ kar iróng ngooti a̱ti̱k lo̱o̱c, icima nyatapar ci a̱ddi̱ki̱re̱ icima keet imma.

O̱no̱zzo̱k 8:2

Kar anna kicin anjilonya turgerem cik abile ngu̱me̱ ci Ta̱mu̱ta̱dde̱no̱, kar kanycozik nogo tureta turgerem cik abu nege.