Ma̱te̱yo̱ 24:29 - Tennet

²⁹ “Bo̱do̱k ataman niko vu̱rrte̱ ci i̱i̱nya̱ ne̱k piryenzeta ke̱, “‘Ukce atin i̱i̱ kize gi̱da̱ng, kar bo̱do̱k nyelowi bu̱k iróng alanyiti; i̱i̱na̱k atin munyunya lo̱o̱c, kar kaala cik eel ta̱mu̱-kenga omoti veelek.’

Ma̱te̱yo̱ 24:29 ပူးပေါင်းရင်းမြစ်များ

Ma̱te̱yo̱ 24:21

Eci a̱kku̱ atin zin piryanzet ci ommog veelek lo̱o̱c, a̱li̱be̱ne̱ atin Ce̱e̱z wa Ta̱mu̱ta̱dde̱no̱, ngati bali kanante ci lo̱o̱tu̱ rok i̱yo̱ko̱, iróng atin piryanzet necu a̱kku̱ bo̱do̱k.

Ma̱te̱yo̱ 24:8

Abarik een ne̱ko̱ ulla wu̱ce̱zi̱ ci ngen akane arrak oowa kiwagon wu̱ce̱z ci ngaa ci orong ukcai.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.