Ma̱te̱yo̱ 24:14 - Tennet

¹⁴ Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Ma̱te̱yo̱ 24:14 ပူးပေါင်းရင်းမြစ်များ

Ma̱te̱yo̱ 10:7

Ma ngati ovvoyyu, uwaktek ol zoz ci Ta̱mu̱ta̱dde̱no̱, izektek ne, ‘Ize ojon ba̱a̱li̱ne̱t ci ta̱mu̱-kengo.’

Ma̱te̱yo̱ 18:19

“Ka̱du̱wa̱kku̱ng bo̱do̱k zoz cu dee, ming elemtta ol cik een rama zo̱ze̱ emani lo̱o̱ta̱ ngatu kaale cik a̱jji̱nnu̱, ogon atin Baba bu̱k ta̱mu̱-kenga.

Ma̱te̱yo̱ 24:3

Imma bali vu̱rrta̱, a̱vvu̱ Ye̱su̱ lo̱o̱ta̱ Biye ci I̱ngi̱ro̱u̱. I̱vi̱tta̱k zin nuyaha ciginnek nonno do̱ kar ki̱jji̱nne̱t, a̱nne̱k ne, “Akane atin zoz ci ozozi i̱nna̱ ko̱ atinga? Ming okko i̱nna̱ obodak lo̱o̱c, nya ci a̱kku̱ oowa kar ki̱ye̱la̱ ṯurnenet ci lo̱o̱tu̱?”

Ma̱te̱yo̱ 24:6

Aziknnu atin niga du̱wa̱ du̱wa̱ cik oronnou ki oronnok cik aavtte ojonun ki cik aavtte reena, abarik zin, ma o̱ngo̱o̱li̱nnu̱. Eci kaala a̱vvu̱ arrak atin, ma̱i̱je̱ ṯurnenet ci lo̱o̱tu̱ okko atin annuwa vu̱rrta̱.

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Ma̱te̱yo̱ 9:35

A̱lu̱c Ye̱su̱ o̱ro̱gjo̱k do̱o̱k, edemez ol Ce̱e̱zi̱nne̱ wak Lawinto, uwahek ol kaviyak cik abunna obod ki ba̱a̱li̱ne̱t ci Ta̱mu̱ta̱dde̱no̱, kar bo̱do̱k kangaru ol wak omori mo̱ri̱zo̱we̱ cik aavtte do̱ do̱.

Marko 13:10

Imma ngen looci kuṯurei, abunna ming uwahekku kaviyak cik abunna arrak ol lo̱o̱co̱we̱ do̱o̱k.

Lu̱ka̱ 2:1

Okko e̱rki̱te̱ neci abale Agusto alaan ci a̱ddi̱ki̱re̱ Romi ke̱ lo̱o̱c, i̱tto̱n zin enne zoz ci ovvoye olli Romi do̱o̱k te̱he̱ri̱ne̱t zar o̱ro̱gjo̱we̱.

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Lu̱ka̱ 4:5

Uwe zin bo̱do̱k lo̱rye̱nti̱ nonno ngati aave ta̱dde̱na̱ kar kuk ki̱ye̱le̱k nonno lo̱o̱cco̱k cik lo̱o̱tu̱ do̱o̱k.

Buk wa To̱ni̱a̱u̱ 1:2

rok i̱i̱te̱n bali odonge Ta̱mu̱ta̱dde̱n nonno okkoye ta̱mu̱-kenga ke̱. Aanyik zin enne ti̱lo̱wi̱ne̱t go̱o̱le̱ ci Vongiz ci A̱li̱le̱to̱ni̱a̱k balik atahala enne ke̱.

Buk wa To̱ni̱a̱u̱ 11:28

Imma co̱de̱ ngatinne̱ng ci een zara Agabas, itinga je̱e̱na̱ Vongize ci Ta̱mu̱ta̱dde̱no̱ kar ku̱du̱wa̱ zoz ci azi ne, edeca atin magiz lo̱o̱cco̱k cik Romi ko̱ do̱o̱k. Akane zoz necu e̱rki̱te̱ bali abale Claudiusi alaani ci a̱ddi̱ki̱re̱ lo̱o̱c.

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Buk wa To̱ni̱a̱u̱ 17:6

Baling iróng nege ngen amuda nogo, u̱tu̱gu̱rre̱t zin Jason ki ol u̱gge̱ wak a̱tu̱we̱ kar ko̱o̱tte̱ ngati ddi̱ki̱ryyo̱k cik o̱rgu̱, egereny azi ne, “Pa̱u̱lo̱ ki Silas wak a̱lu̱t ol lo̱o̱co̱we̱ do̱o̱k ko̱ cik i̱vi̱ta̱ ngintu,

Buk wa To̱ni̱a̱u̱ 19:27

Anyak zin abarik zoz ci gerze a̱kku̱, iróng zin een li̱ngli̱ngo̱nte̱ cinna ko̱ do̱, abarik ki ce̱e̱z wa ta̱mu̱ta̱dde̱n wa a̱ddi̱ki̱re̱ een Artemis ko̱ bu̱k, iróng atin ol ngen edeconik ta̱mu̱ta̱dde̱n wa ala ol cik lo̱o̱c ci een Asia ki lo̱o̱co̱we̱ do̱o̱k ko̱, iróng atin ngen a̱gga̱ ta̱mu̱ta̱dde̱n cinna a̱ddi̱ki̱re̱ ko̱.”

Buk wa To̱ni̱a̱u̱ 20:25

“I̱yo̱ko̱, ka̱gga̱ anna iróng atin niga ngen acinnang udut, ommogje niga ol balik kuwaheke anna nogo ba̱a̱li̱ne̱t ci Ta̱mu̱ta̱dde̱no̱ ke̱.

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

I̱bu̱ru̱ 1:6

Baling i̱tto̱na̱k Ta̱mu̱ta̱dde̱n Ngerinne wa o̱de̱ ṯok lo̱o̱c, “I̱lo̱te̱k anjilonya waginnek do̱o̱k abunna ming a̱di̱ngdi̱nga̱n nonno.”

I̱bu̱ru̱ 2:5

Ngen Ta̱mu̱ta̱dde̱n ku̱du̱wa̱k i̱i̱te̱n imma anjilonya ciginnek zoz ci ovvo atin nege abale lo̱o̱c ci een jor, ci kozoz naga zoz cinne ko̱.

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.

O̱no̱zzo̱k 16:14

E̱e̱ggi̱n ne̱ko̱ kuulo cik lo̱rye̱nta̱k ogon kaal cik a̱vu̱la̱, kar zin koot reena ngati alaat cik lo̱o̱tu̱ do̱o̱k, kar kuluta nogo koot koorit illa i̱i̱te̱ne̱ ci a̱ddi̱ki̱re̱ Ta̱mu̱ta̱dde̱no̱ wa anyak Komiz do̱o̱k.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.