Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ma̱te̱yo̱ 23:34 - Tennet

34 Ki̱tto̱na̱kku̱ng a̱ri̱tto̱k wak zoz ci Ta̱mu̱ta̱dde̱no̱ ki ol wak egenyi ki de̱me̱zzo̱k. A̱ru̱kku̱ atin niga u̱gge̱ ka̱da̱i̱to̱ kar ododek ta̱la̱ke̱c; kar atin bo̱do̱k u̱ru̱we̱t u̱gge̱ Ce̱e̱zi̱nne̱ wak Lawinto, aliyanu nogo o̱ro̱gjo̱we̱.

အခန်းကိုကြည့်ပါ။ ကော်ပီ




Ma̱te̱yo̱ 23:34
36 ပူးပေါင်းရင်းမြစ်များ  

Ming a̱gi̱ddu̱ng ol o̱rge̱ emani, u̱lu̱ge̱t oot o̱rge̱ emani. Ka̱du̱wa̱kku̱ng zoz ci een de̱de̱, iróng atin azucannu o̱ro̱gjo̱k cik Israilo veelek ming ngen Ngerrti E̱e̱to̱ kobodak lo̱o̱c.


Kar zin kizek nogo ne, “Imma zin de̱me̱zo̱i̱ti̱ wa lo̱ti̱nno̱u̱ wa edemeze zo̱ze̱ ci ba̱a̱li̱ne̱t ci ta̱mu̱-kengo ko̱, ogon ki e̱e̱ti̱ ci een manyi ce̱e̱z. Anyaha kaal cik een jor ki wak unuweto de̱he̱ra̱ re̱e̱nu̱n.”


I̱yo̱ko̱ zin, a̱du̱wa̱nnu̱ niga e̱le̱tti̱ cuggo̱k ma̱ci̱gja̱, e̱e̱ggi̱nnu̱ niga dooli cik ol balik a̱ru̱k a̱ri̱tto̱k wak zoz ci Ta̱mu̱ta̱dde̱no̱ ke̱.


kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.


Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.


O̱bo̱de̱k bo̱do̱k Ye̱su̱ nogo, ize ne, “A̱vvu̱t labak ki i̱yo̱ko̱ ming i̱tto̱na̱na̱ Baba ko̱, ki̱tto̱nnu̱ng anna i̱ge̱t bu̱k.”


Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”


Imma i̱i̱ cu u̱lu̱ca̱i̱ a̱ri̱tto̱wa̱ uggak Jerusalema oot rok Antiyok.


Aanyik aciir ciginnek ku̱ru̱we̱t Je̱mi̱s wa een gotoni Jon ko̱ nya̱tu̱ba̱ta̱ ka̱da̱k.


Anyak ba̱li̱ye̱ ke̱le̱ci̱a̱ ci aave o̱rge̱ ci Antiyoki a̱ri̱tto̱k ki de̱me̱zzo̱k ciko: Barnabas, Si̱mo̱ne̱ wa een zara uggak ne Niger, ki Lucius wa Cyrene, ki Manaen wa bali ingazi ki alaan He̱ro̱d Antipas nga̱to̱de̱ bali ngen e̱e̱ggi̱n dooli ke̱, kar zin Saul.


Ulutet lo̱ddi̱ki̱re̱ uggak cik een Ya̱u̱d a̱vvu̱ o̱ro̱gjo̱we̱ cik een Antiyok ki Iconium kar ku̱tu̱yya̱ o̱o̱tti̱ cik ollu. Ovvocit zin ol Pa̱u̱lo̱ biyene kar ku̱tu̱gu̱rte̱k orog abanyca, i̱no̱n nege azi ne, a̱da̱ha̱.


Ozozzit zin Judasi ki Silas balik e̱e̱ggi̱n a̱ri̱tto̱k ke̱ oroot, i̱lo̱t nogo kar abunna okkomi tu̱we̱nta̱.


I̱ta̱k zoz cinne zi̱nze̱tti̱ cigge̱k. U̱tu̱yya̱ zin nege to̱ni̱a̱k ecito kar ki̱bi̱cce̱t nogo a̱lle̱ne̱. U̱du̱kta̱k nogo a̱nne̱k ne, ma ozozu zoz ci obod ki Ye̱su̱ dee, kar kanycik nogo koot.


Imma ol wak a̱gga̱ zoz ci Ta̱mu̱ta̱dde̱no̱, a̱gga̱ nege uwai cinna̱ng ko̱ ming anyak genyiz wa een de̱de̱. Kar genyizi neci iróng een genyiz ci lo̱o̱c necu, iróng bu̱k een genyiz ci alaat wak anyak doiz ci abale lo̱o̱c necu, eci doizi ci anyak nege ko̱ aṯurneke atin.


Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.


Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.


ngati alamnyet ming iróng kuwaheka ol wak iróng een Ya̱u̱d kaviyak wak Ta̱mu̱ta̱dde̱no̱ abunna, wak atin eela nogo. Imma go̱o̱le̱ necu, otorte ba̱ci̱no̱wa̱ cigge̱k, utubur Ta̱mu̱ta̱dde̱n nong. Edez atin Ta̱mu̱ta̱dde̱n nogo zo̱ze̱ necu vu̱rrta̱.


Ovoc ol u̱gge̱ ka̱da̱i̱to̱. Ovvo uggak ngatinne̱ng etted ol rugetet ne pur. Ovvo uggak akane nyazuwata. Ovvo ne̱k anyigzai ke̱ aim ceremwa cik eezau ki cik a̱zza̱nnu̱, aminye ol kipirta ne twa̱c.


Ovvo olli lo̱o̱tu̱ atalne ki ci adak nege kwo̱o̱r go̱o̱le̱ ci i̱tto̱ne̱ nege muci cigge̱k, eci a̱ri̱tto̱wa̱ cik e̱e̱ggi̱n rama ko̱ i̱gi̱dde̱t ol cik abak lo̱o̱ta̱ ko̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ