Ma̱te̱yo̱ 23:16 - Tennet

¹⁶ “O̱lle̱ ciggo̱k ol wak ovvoye ol mu̱hu̱ra̱! A̱nnu̱ ne, ‘Ming i̱tto̱ni̱k e̱e̱ti̱ imma zare cik Ce̱e̱z wa Ta̱mu̱ta̱dde̱no̱, i̱llo̱i̱ gi̱i̱ imma ci gerze; abarik ming i̱tto̱ni̱k e̱e̱ti̱ zare cik zu̱rte̱ni̱t ci een dhahab aave Ce̱e̱ze̱ wa Ta̱mu̱ta̱dde̱no̱ ko̱ volonga, a̱gga̱m atin zoz neci nonno.’

Ma̱te̱yo̱ 23:16 ပူးပေါင်းရင်းမြစ်များ

Ma̱te̱yo̱ 15:14

Utungtek nogo lo̱o̱c; ogon nege ki ol cik ru̱be̱ni̱k kar ku̱tu̱gu̱re̱t gonoggi cik ru̱be̱ni̱k bu̱k, i̱i̱na̱k atin nege do̱o̱k lowulang.”

Ma̱te̱yo̱ 23:13

“O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Ma̱te̱yo̱ 23:17

E̱e̱ggi̱nnu̱ a̱li̱ya̱k kar bo̱do̱k niga ogonnu ki ol wak ru̱be̱ni̱k! Gi̱i̱ jang ci ommog gooni ko̱, zu̱rte̱ni̱t ci een dhahab yo icima Ce̱e̱z wa Ta̱mu̱ta̱dde̱no̱ wa anyike zu̱rte̱ni̱t kize gi̱i̱ ci a̱li̱le̱?

Ma̱te̱yo̱ 23:19

E̱e̱ggi̱nnu̱ niga ru̱be̱ne̱! Gi̱i̱ jang ci ommog gooni, muci icima i̱te̱le̱ wa anyike muci kize gi̱i̱ ci a̱li̱le̱?

Ma̱te̱yo̱ 23:24

E̱e̱ggi̱nnu̱ ol cik ru̱be̱ni̱k, kar abalit ol u̱gge̱, ogonnu niga ki ol cik aara irongit da̱i̱nte̱ kar ku̱ku̱we̱t abarik naganaga uturur.

Ma̱te̱yo̱ 23:26

E̱e̱ggi̱nnu̱ ru̱be̱ne̱ niga Varacis! Utunyyet arrak uduc ecito, kar zin bo̱i̱c bo̱do̱k ki̱zi̱zi̱ niko.

Ga̱la̱ti̱a̱ 5:3

Ja ku̱du̱wa̱ bo̱do̱k, ming anyak e̱e̱t imma ci elemi zoz ci ettede ol vi̱ca̱vi̱cce̱t, anyik zin kuzute lo̱ti̱nno̱k ne̱k Musesi ko̱ do̱o̱k.

Je̱mi̱s 5:12

Gotonogga ki ngonogga tu̱we̱nta̱, ma i̱tto̱ni̱ku̱ zoz zare cik ta̱mu̱-kengo icima zare cik lo̱o̱tu̱ icima gi̱i̱ imma ci aave do̱. Ming een zoz ci elema i̱nna̱, lema, ming een zoz ci aburi i̱nna̱, tuburo, icima ettedekkung atin lo̱ki̱ko̱ i̱ge̱ta̱.