Ma̱te̱yo̱ 23:13 - Tennet

^13-14 “O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Ma̱te̱yo̱ 23:13 ပူးပေါင်းရင်းမြစ်များ

Ma̱te̱yo̱ 23:16

“O̱lle̱ ciggo̱k ol wak ovvoye ol mu̱hu̱ra̱! A̱nnu̱ ne, ‘Ming i̱tto̱ni̱k e̱e̱ti̱ imma zare cik Ce̱e̱z wa Ta̱mu̱ta̱dde̱no̱, i̱llo̱i̱ gi̱i̱ imma ci gerze; abarik ming i̱tto̱ni̱k e̱e̱ti̱ zare cik zu̱rte̱ni̱t ci een dhahab aave Ce̱e̱ze̱ wa Ta̱mu̱ta̱dde̱no̱ ko̱ volonga, a̱gga̱m atin zoz neci nonno.’

Ma̱te̱yo̱ 23:23

“O̱lle̱ nonga bai cik de̱me̱zzo̱k wak lo̱ti̱nno̱k cik Musesi ki ol cik een Varacis, niga ol cik a̱ru̱kku̱ talaben! Anyikku niga Ce̱e̱z wa Ta̱mu̱ta̱dde̱no̱ kaale cik e̱e̱ggi̱n omoto, aanycik co̱de̱ Ta̱mu̱ta̱dde̱n lo̱lo̱i̱t kaale cikidik eevanu niga ma̱ne̱ne̱. Abarik ibbeztu niga zoz ci riili oroot lo̱ti̱nno̱u̱, ti̱ri̱ze̱ne̱t ol do̱o̱k ju̱rru̱m, deten ki bunnat. Abunna ming ogonnu kaal cikidik ko̱ do̱o̱k, ma̱i̱je̱ ngatu ma ibbezzu kaal cik riilik oroot.

Ma̱te̱yo̱ 23:25

“O̱lle̱ ciggo̱k de̱me̱zzo̱k wak lo̱ti̱nno̱u̱ ki olli Varacis, a̱ru̱kku̱ talaben! U̱u̱nyyu̱ uduc eci re̱e̱nu̱no̱, imma ecito abbize kaala cik gerzek, alabanu niga ol kar ataltto niga do̱.

Ma̱te̱yo̱ 23:27

“O̱lle̱ bai ciggo̱k de̱me̱zzo̱k wak lo̱ti̱nno̱k ki ol cik een Varacis. A̱ru̱kku̱ talaben! Ogonnu niga ki ilometa cik a̱vi̱le̱ ki̱zi̱ze̱c eci re̱e̱nu̱no̱, imma ecito abbize emme cik ol wak a̱da̱i̱to̱ ki kaal cik gerzek ngoronyik ko̱ do̱o̱k.

Ma̱te̱yo̱ 23:29

“O̱lle̱ bai nonga ciggo̱k, de̱me̱zzo̱k wak lo̱ti̱nno̱u̱ ki ol wak een Varacis, a̱ru̱kku̱ talaben! Adimanekku niga ilomet a̱ri̱tto̱k wak zoz ci Ta̱mu̱ta̱dde̱no̱ ki̱zi̱ze̱c ki ol cik abunna.

Ma̱te̱yo̱ 3:7

I̱vi̱tta̱k ol cik een Varacis ki Saddocis cik meelek nonno kar ka̱gga̱mto̱zi̱k ba̱ti̱ti̱mo̱ nogo bu̱k. Abarik zin Joni a̱nne̱k nogo ne, “Niga cik ogonnu ki uwanya ko̱! Nya ci a̱a̱nyu̱ng utuhuyek Ta̱mu̱ta̱dde̱n bo̱i̱ci̱ kar i̱vi̱re̱t lo̱ki̱ko̱ cinne ko̱?

Lu̱ka̱ 11:52

“O̱lle̱ bai ciggo̱k ol wak anyak arizet cik lo̱ti̱nno̱u̱, eci niga alamnyu ol ngati a̱gga̱we̱ zoz. Ngen niga e̱le̱tti̱ne̱ i̱tto̱z ngin neci, kar niga alammit ol cik orong ki̱tto̱zo̱.”

Kaviyak wak Abunna Ta̱mu̱ta̱dde̱no̱ eher Joni 9:22

Ozoz ciko baatinne ki yaatinne niko eci nege o̱ngo̱o̱le̱ lo̱ddi̱ki̱re̱ cik Ya̱u̱do̱ zo̱ze̱ ci azi ne, ming elema e̱e̱ti̱ imma zoz ci Ye̱su̱ een enne Ki̱ri̱sto̱, ottoit ma anyikku ki̱tto̱zzo̱ Ce̱e̱z wa Lawinto.

Kaviyak wak Abunna Ta̱mu̱ta̱dde̱no̱ eher Joni 9:24

U̱tu̱ya̱ bo̱do̱k lak ram e̱e̱t bali a̱rri̱ta̱i̱ kize ru̱be̱n ke̱, kar zin kizeto ne, “Anyik Ta̱mu̱ta̱dde̱n zany, ka̱gga̱yya̱ een e̱e̱ti̱ ci oo ebere cigunnek ko̱ een e̱e̱t ci mu̱nye̱nu̱.”

Kaviyak wak Abunna Ta̱mu̱ta̱dde̱no̱ eher Joni 9:34

O̱bo̱dde̱k zin nonno, a̱nne̱k ne, “A̱rri̱ta̱i̱ ba̱li̱ye̱ i̱nna̱ mu̱nye̱ne̱, i̱yo̱ko̱ edemezet wo̱ye̱ i̱nna̱ agita?” Kar zin kotoit nonno kuk reena Ce̱e̱z wa Lawinto.

Buk wa To̱ni̱a̱u̱ 13:8

Imma Bar-Ye̱su̱ wa a̱ru̱k agura, een zara uggak Elymas, abure zoz cinne̱ng, abarik orong kalam ddi̱ki̱ryo̱i̱t ngati a̱tu̱we̱ zoz ci Ye̱su̱.

Buk wa To̱ni̱a̱u̱ 5:28

Izek ne, “Ka̱du̱wa̱kku̱ng ka̱nne̱kku̱ng ne, ma bo̱do̱k edemezu ol zoz ci obod ki Ye̱su̱, icinnet da̱ niga u̱tu̱gu̱zzu̱ nya! Azzanteu de̱mzi̱ne̱t cinno̱ng ko̱ Jerusalem veelek, kar zin bo̱do̱k orongit ming aanyettu kizetta ol cik ka̱ru̱ka̱ e̱e̱t neci ka̱da̱k!”

Buk wa To̱ni̱a̱u̱ 5:40

I̱ta̱k zoz cinne zi̱nze̱tti̱ cigge̱k. U̱tu̱yya̱ zin nege to̱ni̱a̱k ecito kar ki̱bi̱cce̱t nogo a̱lle̱ne̱. U̱du̱kta̱k nogo a̱nne̱k ne, ma ozozu zoz ci obod ki Ye̱su̱ dee, kar kanycik nogo koot.

Buk wa To̱ni̱a̱u̱ 8:1

Aave bali Sauli nginati, kar kelema zoz ci a̱ru̱we̱ ol Stephen ka̱da̱k. Imma i̱i̱te̱ne̱ neci ize gi̱de̱ne̱t a̱ppwa̱ ke̱le̱ci̱e̱ ci aave Jerusalema, azzante zin ol do̱o̱k lo̱o̱ce̱ ci Ju̱de̱ya̱ ki Samariya, kize to̱ni̱a̱k do̱ cik ngen aavtte.

2 Ti̱mo̱te̱yo̱ 3:8

Abure ol ne̱ko̱ zoz ci Ta̱mu̱ta̱dde̱no̱ ki bali ming abure ol cik e̱e̱ggi̱n zara Jannes ki Jambares zoz ci Musesi ke̱. A̱ma̱li̱ltte̱ o̱o̱tti̱ cigge̱k, utuburet tu̱we̱ne̱t wa een de̱de̱.

2 Ti̱mo̱te̱yo̱ 4:15

Zuute ele cunne, eci enne adang zoz ci kuwaheka ol ko̱ oroot.