Ma̱te̱yo̱ 22:5 - Tennet

⁵ “Imma ol balik u̱du̱wa̱k enne kar ki̱vi̱ta̱k da̱i̱ne̱t ce̱e̱za̱ ko̱ iróng edeconik zoz neci, abarik ovvo li̱ngli̱ngo̱n cinne̱ng, okko neci manato, okko co̱de̱ cuwa okko ataline kaal ciginnek.

Ma̱te̱yo̱ 22:5 ပူးပေါင်းရင်းမြစ်များ

Kananet 19:14

Uk zin Loti u̱du̱wa̱k kawunyya ciginnek, balik owo dooli ciginnek ke̱. A̱nne̱k ne, “Amadantte ngatu ataman, eci Manyi orong atidic ki̱li̱b orog cu.” Ma̱i̱je̱ kawunyya ciginnek azi ne amice i̱yo̱ko̱ enne.

Kananet 25:34

Aanyik zin Ya̱ko̱bo̱ I̱sa̱u̱ umune ki u̱u̱ci̱ cik merdenu. Adak zin I̱sa̱u̱ kuudek ki u̱u̱ci̱, itinga je̱e̱na̱ kar kuk. Ibbez zin I̱sa̱u̱ a̱bu̱ze̱t cinne.

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 22:4

“I̱tto̱n zin bo̱do̱k alaani du̱cca̱k u̱gge̱ dee kar kizek ne, ‘U̱du̱kta̱k ol balik kawa anna ke̱, kidimana anna da̱i̱ne̱t: Kotodonga anna tomonya cik adiye. Ubunntta kaala do̱o̱k. I̱vi̱tta̱k da̱i̱ne̱t cik rucentak.’

Ma̱te̱yo̱ 22:6

A̱gga̱mi̱t zin ol ne̱ke̱ uggak du̱cca̱k kar kodomit nogo bak a̱ru̱k ka̱da̱i̱to̱.

Kaviyak wak Abunna Ta̱mu̱ta̱dde̱no̱ eher Joni 2:16

Kar zin kizek ol wak utene loberuknya ko̱ ne, “O̱o̱tte̱ kaal ne̱ko̱ ngati! Iróng Ce̱e̱z ci Baba een Ce̱e̱z ci ataline ol kaal.”

Buk wa To̱ni̱a̱u̱ 2:13

Ma̱i̱je̱ abarik ol uggak aarane nogo, azi ne, “Uudet nege merte ci a̱ppwe̱.”

Buk wa To̱ni̱a̱u̱ 24:25

Ma baling ozoz Pa̱u̱lo̱ zoz ci obod ki bunnat, ki zoz ci anyahe ol urutoit baiza, ki lo̱ki̱ko̱ ci atin a̱kku̱, o̱to̱ngo̱o̱le̱ zin Ve̱li̱ce̱ lo̱o̱c kar zin kize ne, “Ke̱le̱zo̱wa̱ anna ki zoz cunne i̱yo̱ko̱! Okko wo̱ye̱ i̱nna̱ labak. Ming karuba anna i̱i̱te̱n, kawuyi wo̱ye̱ atin anna i̱nne̱t dee.”

Roma 2:4

I̱no̱ni̱ i̱nna̱ bunnat ci Ta̱mu̱ta̱dde̱no̱ a̱ppwe̱, icima ki zinin cinne alali ci iróng atin enne aburneki nong? Iróng i̱nna̱ a̱gga̱ zoz ci orong Ta̱mu̱ta̱dde̱n ngatunne abunna ming ungnek mu̱nye̱n lo̱o̱c kar bodak nonno?

Roma 8:6

Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

2 Ti̱mo̱te̱yo̱ 3:4

Ovolonge atin nege gonoggi, kar zin ku̱tu̱gu̱zzo̱ kaal cik e̱e̱ggi̱n darace, odong e̱le̱tti̱. Irez kaal cik lo̱o̱tu̱, abarik uunge Ta̱mu̱ta̱dde̱n.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.