Ma̱te̱yo̱ 22:29 - Tennet

²⁹ O̱bo̱de̱k zin Ye̱su̱ nogo, “Abaccu niga oroot eci iróng niga a̱gga̱yyu̱ Waraga ci Ta̱mu̱ta̱dde̱no̱, icima komiz cinne.

Ma̱te̱yo̱ 22:29 ပူးပေါင်းရင်းမြစ်များ

Kananet 18:14

Anyak gi̱i̱ imma ci okkomi kommog Manyi? Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Ma̱te̱yo̱ 22:28

I̱yo̱ko̱ zin, du̱wa̱kke̱ta̱, een atin ngaa neci ngaa ci ngene ming ovvo ol ingazi daiza? Eci enne abaito ki nogo do̱o̱k ngati e̱e̱ggi̱nne̱ turgerem.”

Marko 12:24

O̱bo̱de̱k zin Ye̱su̱ nogo izek ne, “Abaccu niga eci iróng niga a̱gga̱yyu̱ Waraga ci Ta̱mu̱ta̱dde̱no̱ icima komiz cinne.

Lu̱ka̱ 1:37

I̱llo̱i̱ zin gi̱i̱ imma ci ommog Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 20:9

Ngen zin bu̱k nege ka̱gga̱c zoz wa e̱he̱rye̱ Warage ci Ta̱mu̱ta̱dde̱no̱ azi ne, ingazi atin Ye̱su̱ daiza.

Buk wa To̱ni̱a̱u̱ 26:8

Nyaa ming odoi zi̱nze̱tti̱ cuggo̱k ko̱, ming ingane Ta̱mu̱ta̱dde̱n ol wak a̱da̱i̱to̱ daiza ko̱?

Roma 15:4

Eci kaala ne̱k e̱he̱rye̱ Warage ci Ta̱mu̱ta̱dde̱no̱ do̱o̱k ko̱, e̱he̱rye̱ kar kedemezet agit zoz wa een de̱de̱, kar naga go̱o̱le̱ ci kanime no̱ngi̱tto̱n ki zoz ci a̱du̱wa̱kke̱t zoz ci Ta̱mu̱ta̱dde̱no̱, kar atin kartik zi̱nze̱tti̱ zoz ci atin a̱kku̱ ke̱.

1 Ko̱ri̱nto̱ 15:34

Abunna zin ming i̱no̱nnu̱ ju̱rru̱m kar utunget mu̱nye̱n, eci anyak ol u̱gge̱ ngatinno̱ng cik iróng a̱gga̱ Ta̱mu̱ta̱dde̱n. Ka̱du̱wa̱ niko zo̱ze̱ ci adakkung a̱li̱ya̱ni̱.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.