Ma̱te̱yo̱ 22:17 - Tennet

¹⁷ I̱yo̱ko̱ du̱wa̱kke̱ta̱, i̱no̱ni̱ i̱nna̱ nya zo̱ze̱ cu? Abunna ka̱ru̱we̱ka̱ mucuru alaan ci a̱ddi̱ki̱re̱ Romi yo icima da̱ gerza?”

Ma̱te̱yo̱ 22:17 ပူးပေါင်းရင်းမြစ်များ

Ma̱te̱yo̱ 17:25

O̱bo̱de̱k zin Peturu nonno, azi ne, “I̱i̱ny, a̱ru̱k gon enne.” Baling i̱ki̱ya̱k Peturu ce̱e̱z, ozoz zin arrak Ye̱su̱ oowa. Azi ne, “I̱no̱ni̱ nya Si̱mo̱ne̱ zo̱ze̱ necu? Aluta alaata cik lo̱o̱tu̱ mucuru cigge̱k nga, aluta doolinne cigge̱k icima ngati ol u̱gge̱?”

Ma̱te̱yo̱ 22:18

Ma̱i̱je̱ Ye̱su̱ a̱gga̱ zoz ci gerze anyak nege zi̱nze̱tti̱nne̱. Ize zin ne, “Niga ol wak a̱ru̱kku̱ talaben, nya ming orongnyu annit ku̱yu̱we̱ ko̱?

Lu̱ka̱ 2:1

Okko e̱rki̱te̱ neci abale Agusto alaan ci a̱ddi̱ki̱re̱ Romi ke̱ lo̱o̱c, i̱tto̱n zin enne zoz ci ovvoye olli Romi do̱o̱k te̱he̱ri̱ne̱t zar o̱ro̱gjo̱we̱.

Lu̱ka̱ 20:22

Abunna ngatinna ming ka̱ru̱we̱ka̱ mucuru alaan ci a̱ddi̱ki̱re̱ Romi yo icima gerza?”

Lu̱ka̱ 3:1

Baling ize e̱rki̱nya̱ cik abale Tiberiasi alaan ci a̱ddi̱ki̱re̱ Romi ol omoto ki tu̱r, een da̱ Pontius Pilato ddi̱ki̱ryo̱i̱t ci gaala cik Ju̱de̱ya̱, kar zin bo̱do̱k He̱ro̱di̱ kize alaan ci Ga̱li̱li̱, okko gotoniya Vilipi een alaan ci I̱tu̱ri̱a̱ ki Tirikontes, kar Lucano kize alaan ci Abelin,

Buk wa To̱ni̱a̱u̱ 17:7

abarik een Jason ci bali ivata nogo ce̱e̱ze̱ cinne. Ibbez nege lo̱ti̱nno̱k cik alaan ci a̱ddi̱ki̱re̱ Romi do̱o̱k, azi nege ne, anyak alaan imma ci een zara Ye̱su̱.”

Buk wa To̱ni̱a̱u̱ 25:8

U̱du̱wa̱ zin Pa̱u̱lo̱ zoz cinne, azi ne, “Ngen anna ku̱du̱l lo̱ti̱nno̱k cik olli Ya̱u̱do̱ icima kadanga zoz ci obod ki Ce̱e̱z wa Ta̱mu̱ta̱dde̱no̱ icima alaan ci a̱ddi̱ki̱re̱ Romi.”

Buk wa To̱ni̱a̱u̱ 28:22

Abarik zin i̱yo̱ko̱ korongnya kar kizikta i̱no̱ni̱ cunne, eci ka̱gga̱yya̱ ozoz ol zoz ci gerze obod ki ol wak a̱tu̱ Ye̱su̱ lo̱o̱co̱we̱ do̱o̱k.”

Buk wa To̱ni̱a̱u̱ 5:37

Ma bali vu̱rrta̱, i̱ki̱ya̱ e̱e̱ti̱ imma ci een zara Judas wa Ga̱li̱li̱ i̱i̱nya̱we̱ wak a̱gi̱le̱ gaala olli o̱ro̱gjo̱we̱. A̱gga̱mi̱t bo̱do̱k ol cik meelek de̱mzi̱ne̱t cinne. Kar vu̱rrta̱ u̱ru̱we̱t bo̱do̱k ol nonno ka̱da̱k, kar ol balik orkor ki nonno ke̱ azzante do̱o̱k.