Ma̱te̱yo̱ 22:16 - Tennet

¹⁶ I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Ma̱te̱yo̱ 22:16 ပူးပေါင်းရင်းမြစ်များ

Ma̱te̱yo̱ 22:24

“De̱me̱zo̱i̱t, a̱du̱wa̱kke̱t Musesi zoz ci azi ne, ming a̱da̱i̱ e̱e̱ti̱ ngen ngaa cinne ki̱ti̱ra̱ dooli, anyik gotoni kurumte ki ngaa neci kar ki̱ti̱ra̱ dooli cik ovvo e̱e̱ggi̱n cik gotoni bali a̱da̱k ke̱.

Ma̱te̱yo̱ 22:26

A̱da̱k bo̱do̱k gotoniya neci ming ngen ki̱ti̱ra̱ dooli u̱gge̱, kar ngaa necu kurumte ki gotoni mac imma bo̱do̱k, zee bak arumze ki gotonoggi mac cinne do̱o̱k turgerem.

Ma̱te̱yo̱ 26:18

U̱du̱wa̱k zin Ye̱su̱ nogo, azi ne, “Ming ovvo niga ovvoyyu orgato acinnu atidic e̱e̱t imma, u̱du̱ktta̱k nonno izet ne, azi de̱me̱zo̱i̱ti̱ ne, ‘Utubte annit gwo̱o̱ya̱ kar kadakta ki nuyak cigannik da̱i̱ne̱t cik I̱i̱te̱n wa Va̱rda̱ngi̱nto̱ ce̱e̱ze̱ cunne.’”

Ma̱te̱yo̱ 26:49

I̱ki̱ya̱k zin Judasi Ye̱su̱ kar kizza kize ne, “Kizzayyo, de̱me̱zo̱i̱t!” Kar kizza nonno.

Marko 10:17

Baling akate Ye̱su̱ we̱t, i̱vi̱ra̱k e̱e̱ti̱ imma nonno kar kakatek u̱zu̱ngti̱nne̱, kar zin ki̱jji̱no̱, ize ne, “De̱me̱zo̱i̱t ci abunna, ku̱tu̱gu̱ nya kar kumuda baiz ci aave udut?”

Marko 12:13

Imma bali vu̱rrta̱, i̱tto̱nta̱ zin olli Varacisi u̱gge̱ ki olli alaan He̱ro̱di̱ ol u̱gge̱ abunna ovvo a̱gga̱m Ye̱su̱ zo̱ze̱ ci ozoz enne utuga.

Marko 12:14

I̱vi̱tta̱k zin nege nonno kar zin kizettek ne, “De̱me̱zo̱i̱t, ka̱gga̱yi̱ gon naga e̱e̱ni̱ i̱nna̱ e̱e̱t ci abunna. Iróng e̱e̱ti̱ imma alabanin, eci i̱nna̱ irezi ol do̱o̱k. Abarik edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ ci een de̱de̱. Abunna zin ming ka̱ru̱we̱ka̱ mucuru alaan ci a̱ddi̱ki̱re̱ Romi yo, gerza da̱?

Marko 3:6

Oot zin olli Varacis reena akate orongit ki olli alaan He̱ro̱di̱ gool ci kar ku̱ru̱kte̱ Ye̱su̱ ka̱da̱k.

Marko 8:15

A̱nne̱k Ye̱su̱ nogo ne, “U̱zu̱tte̱ e̱le̱tti̱, egenyyit ngati nyigit cik meertak Varacisi ki He̱ro̱d.”

Lu̱ka̱ 20:21

I̱jji̱nne̱t zin volongnyowa nonno, “De̱me̱zo̱i̱t, ka̱gga̱yya̱ naga ming ozozi kar demez zoz ci een de̱de̱, iróng i̱nna̱ engeri ol, abarik edemezi gool ci Ta̱mu̱ta̱dde̱no̱ zo̱ze̱ ci een de̱de̱.

Lu̱ka̱ 7:40

O̱bo̱de̱k zin Ye̱su̱ nonno, “Si̱mo̱ne̱, kanyai anna zoz ci korongi ku̱du̱wa̱i̱n.” Ize zin bo̱do̱k Si̱mo̱ne̱ ne, “Du̱wa̱ka̱n de̱me̱zo̱i̱t.”

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 18:37

Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

Kaviyak wak Abunna Ta̱mu̱ta̱dde̱no̱ eher Joni 7:18

Imma e̱e̱ti̱ ci ozoz zoz o̱o̱we̱ cinne do̱, orong ki̱di̱ngdi̱nga̱ni̱t ol nonno, abarik e̱e̱ti̱ wa ozoz zoz ci e̱e̱t wa i̱tto̱na̱na̱ ko̱, a̱di̱ngdi̱nga̱n nonno, een e̱e̱t ci ozoz zoz ci een de̱de̱, iróng enne anyak volong.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

2 Ko̱ri̱nto̱ 5:16

I̱yo̱ko̱ zin, ka̱gga̱yya̱ irez Ki̱ri̱sto̱ ol do̱o̱k, iróng zin naga ngen ki̱no̱na̱ ki ol do̱o̱k, ngati ol ne̱k ngen kelemtta zoz ci Ta̱mu̱ta̱dde̱no̱ ko̱. Baling ngen naga kelemtta zoz ci Ki̱ri̱sto̱, ki̱no̱ni̱ zoz cinne ki ol wak ngen kelemtta. Iróng zin naga i̱yo̱ko̱ ngen ki̱no̱na̱ kiwagon ba̱li̱ye̱ ke̱.

Ga̱la̱ti̱a̱ 1:10

Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.

Ga̱la̱ti̱a̱ 2:6

Imma Jerusalema, anyak alaat wak riilik Ce̱e̱ze̱ wa Ta̱mu̱ta̱dde̱no̱, i̱llo̱i̱ wo̱ye̱ gi̱i̱ imma ci otornik nege de̱mzi̱ne̱t cinanni ko̱, eci ol do̱o̱k atubo ngu̱me̱ ci Ta̱mu̱ta̱dde̱no̱.

1 Te̱se̱lo̱ni̱ka̱ 2:4

Kuwaktteung naga i̱ge̱t zoz ci Ta̱mu̱ta̱dde̱no̱ ki bali ming atahalait enne ke̱ kar kaanyyet li̱ngli̱ngo̱n ci kuwaheka ol kaviyak cik abunna. Iróng korongnya katanantta ol cik diirik, Ta̱mu̱ta̱dde̱n do̱ niko. Eci enne a̱gga̱ zi̱nze̱tti̱ cigga̱k.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.