Ma̱te̱yo̱ 22:11 - Tennet

¹¹ “Imma baling okko alaani a̱kku̱ abunna okko acin e̱re̱nno̱k, icin zin enne e̱e̱t co̱de̱ ci iróng aim ru̱u̱ma̱ni̱ cik rucentak.

Ma̱te̱yo̱ 22:11 ပူးပေါင်းရင်းမြစ်များ

Ma̱te̱yo̱ 13:30

Anyik labi ki̱ti̱li̱zza̱ ki lobali nga̱to̱de̱ zee nginti kovvo kettedane. Imma i̱i̱te̱ne̱ neci ka̱du̱wa̱k atin anna ol wak ettedde zoz cu: Arrak etteda lobali kar e̱ce̱bi̱t bungbungei kar kutuzze; kar u̱lu̱tta̱ labi anyakttak de̱he̱r.’”

Ma̱te̱yo̱ 22:10

Oot zin du̱cca̱ha̱ go̱o̱lo̱we̱ kar kanyakta ol do̱o̱k ce̱e̱z ecito, cik gerzek icima cik abunna, kibbitet zin e̱re̱nno̱wa̱ ce̱e̱z neci.

Ma̱te̱yo̱ 3:12

Ogon enne ki e̱e̱ti̱ ci anyak uduc ci aanye labi kar kidima lotulany kutuz gwo̱o̱ye̱ ci iróng adite, kar kidima labi cik caalek ku̱du̱te̱k de̱he̱r.”

Roma 13:14

Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

Roma 3:22

A̱kku̱ gool ci zoz ci abunna ko̱ ngati Ta̱mu̱ta̱dde̱no̱, kar ol do̱o̱k kubunnta, elemi enne e̱e̱t ming a̱tu̱ Ye̱su̱ Ki̱ri̱sto̱ kize ti̱ri̱zo̱i̱t cinne.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 5:3

Eci ming kovvo naga kaavtte ki Ta̱mu̱ta̱dde̱n ta̱mu̱-kenga, kanyak atin naga kaal do̱o̱k.

Ga̱la̱ti̱a̱ 3:27

Ming a̱gga̱mtta̱u̱ ba̱ti̱ti̱mo̱, izetu ol cik Ki̱ri̱sto̱, u̱tu̱gu̱zzu̱ ki enne, ogon ki ci aim e̱e̱ti̱ ru̱u̱m ci een jor.

Evesos 4:24

kar ka̱a̱nyu̱ng izet ol cik een jor. A̱ri̱ta̱nnu̱ng Ta̱mu̱ta̱dde̱n kar anyait bunnat ki baiz ci a̱li̱le̱ ming ogonnu ki enne zo̱ze̱ ci een de̱de̱.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”

O̱no̱zzo̱k 19:8

Anyozik nonno ru̱u̱m ci voori een waruc, alanyit ki̱zi̱zi̱, anyozik nonno kitimanek ele.” (I̱ye̱la̱ ru̱u̱m neci voori aburuc nyatirani ko̱ kaal wak abunna ogon ol wak Ta̱mu̱ta̱dde̱no̱ a̱li̱le̱.)

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.

O̱no̱zzo̱k 3:18

Ki̱lo̱tu̱ng abunna ming uutanu dhahab ngatinanni ci aahe gwo̱o̱ya̱ ju̱rru̱m kize caala, kar atin niga izet jain; kar anyait ru̱u̱ma̱ni̱ cik voorik kar u̱bu̱nge̱t a̱li̱ya̱n cik aavtiyyu niga nga̱dhi̱ri̱r ko̱; kar aartik ya̱ni̱ ebere cuggo̱k kar icinto ju̱rru̱m.