Ma̱te̱yo̱ 21:11 - Tennet

¹¹ O̱bo̱dde̱k zin koole gonoggi, a̱nne̱k ne, “Een necu Ye̱su̱, a̱ri̱to̱i̱t wa a̱kku̱ o̱rge̱ ci een Nazeret, Ga̱li̱li̱ya̱.”

Ma̱te̱yo̱ 21:11 ပူးပေါင်းရင်းမြစ်များ

Ma̱te̱yo̱ 2:23

Oot zin nege a̱vvu̱to̱ o̱rge̱ ci een Nazeret. Ize ne, ize zoz bali u̱du̱wa̱ Ta̱mu̱ta̱dde̱n ke̱, de̱de̱, ki baling a̱du̱wa̱ a̱ri̱to̱i̱ti̱ azi ne, “Akanonik atin do̱le̱c zara cik azi ne, Nazarene.”

Ma̱te̱yo̱ 21:10

Baling i̱tto̱ Ye̱su̱ Jerusalem, u̱ku̱lte̱k ol do̱o̱k je̱e̱n, kar zin ki̱jji̱nto̱, “Ngene gon necu?”

Ma̱te̱yo̱ 21:26

Abarik ming kizetta ne, ‘A̱kku̱ zoz neci ngati e̱e̱t ci diiri,’ ko̱ngo̱o̱le̱ naga ol, eci nege do̱o̱k i̱no̱n ming een Joni a̱ri̱to̱i̱t ci zoz ci Ta̱mu̱ta̱dde̱no̱.”

Ma̱te̱yo̱ 21:46

Orongit zin nege ke̱ce̱bbi̱t Ye̱su̱, ma̱i̱je̱ nege o̱ngo̱o̱le̱ kar ke̱ce̱bbi̱t nonno, eci zu̱we̱ a̱gga̱ een enne a̱ri̱to̱i̱t de̱de̱.

Marko 6:15

Ovvo ol uggak azi ne, “Een enne E̱li̱ja̱.” Ngen bo̱do̱k uggak ommog zoz ci azi ne, “Een enne a̱ri̱to̱i̱t ci zoz ci Ta̱mu̱ta̱dde̱no̱, atubo ki a̱ri̱tto̱k balik reentik.”

Lu̱ka̱ 13:33

Imma zin kaale do̱o̱k, korongi anna koto wazin necu ki loza kar i̱i̱te̱n ci reng, i̱llo̱i̱ atin a̱ri̱to̱i̱t imma ci okko a̱da̱i̱ reena Jerusalema!

Lu̱ka̱ 24:19

I̱jji̱n zin Ye̱su̱ nogo iizek ne, “Kaal jang?” O̱bo̱dde̱k zin nege, “Kaal cik obod ki Ye̱su̱ wa Nazereti, een bali enne a̱ri̱to̱i̱t ci zoz ci Ta̱mu̱ta̱dde̱no̱, anyak komiz ci a̱ppwe̱ oroot zoza ki kaale wak u̱tu̱gu̱ enne ngati Ta̱mu̱ta̱dde̱no̱ ki olle do̱o̱k.

Lu̱ka̱ 7:16

O̱to̱ngo̱o̱ltte̱ zin nege do̱o̱k kar zin kinnatit Ta̱mu̱ta̱dde̱n, kizeto ne, “I̱ye̱la̱i̱ a̱ri̱to̱i̱ti̱ ci a̱ddi̱ki̱re̱ orgene cinna. I̱ki̱ya̱ Ta̱mu̱ta̱dde̱n eela ol ciginnek.”

Lu̱ka̱ 7:39

Baling icin Varacisi bali awa nonno ke̱ zoz necu, a̱nne̱k zin ele cinne ne, “Ming een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱, a̱gga̱ wo̱ye̱ enne ngene ci u̱u̱m nonno ko̱, kar bo̱do̱k ka̱gga̱ ngaa ci ogon ku̱ cu, een enne ngaa ci mu̱nye̱nu̱.”

Kaviyak wak Abunna Ta̱mu̱ta̱dde̱no̱ eher Joni 1:21

I̱jji̱nne̱t zin nege nonno, “E̱e̱ni̱ zin i̱nna̱ ngene? E̱e̱ni̱ i̱nna̱ E̱li̱ja̱?” O̱bo̱de̱k zin enne nogo a̱nne̱k ne, “A̱zze̱ to.” I̱jji̱nne̱t zin bo̱do̱k nege nonno dee, “E̱e̱ni̱ i̱nna̱ a̱ri̱to̱i̱t ci muluk ci Ta̱mu̱ta̱dde̱no̱ wa bali u̱du̱ya̱i̱ okko atin i̱tto̱na̱i̱ ke̱?” O̱bo̱de̱k Joni nogo a̱nne̱k ne, “A̱zze̱ to.”

Kaviyak wak Abunna Ta̱mu̱ta̱dde̱no̱ eher Joni 1:25

I̱jji̱nne̱t zin nonno, “Ming iróng i̱nna̱ e̱e̱ni̱ Ki̱ri̱sto̱ wa atahalai, icima a̱ri̱to̱i̱t ci zoz ci Ta̱mu̱ta̱dde̱no̱ wa een E̱li̱ja̱, icima a̱ri̱to̱i̱t ci u̱du̱ya̱i̱ okko atin a̱kku̱ ke̱, a̱gga̱me̱k ol ba̱ti̱ti̱mo̱ nya?”

Kaviyak wak Abunna Ta̱mu̱ta̱dde̱no̱ eher Joni 4:19

Izek zin ngaa neci Ye̱su̱ ne, “Ddi̱ki̱ryo̱i̱t, kacinni e̱e̱ni̱ i̱nna̱ a̱ri̱to̱i̱t ci zoz ci Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 6:14

Baling icinnet ol kaal cik a̱vu̱la̱ u̱tu̱gu̱ Ye̱su̱ ko̱, izeto ne, “De̱de̱, een e̱e̱ti̱ necu a̱ri̱to̱i̱t ci bali azi ne a̱kku̱nna̱k atin lo̱o̱c ke̱ nenen necu.”

Kaviyak wak Abunna Ta̱mu̱ta̱dde̱no̱ eher Joni 7:40

Baling iziyyet ol ne̱ke̱ zoz ci Ye̱su̱, izeto uggak ne, “Een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱.”

Kaviyak wak Abunna Ta̱mu̱ta̱dde̱no̱ eher Joni 9:17

Imma bali vu̱rrta̱, i̱mi̱ro̱zi̱k bo̱do̱k e̱e̱t wanai ru̱be̱ni̱ ke̱, kar zin kizettek ne, “Anyak zoz ci ozozi ci obod ki e̱e̱t ci oo ebere cigunnek ko̱, azi i̱nna̱ ne zo̱ze̱ cinne?” O̱bo̱de̱k zin e̱e̱ti̱ neci nogo, izek ne, “Een e̱e̱ti̱ neci a̱ri̱to̱i̱t ci zoz ci Ta̱mu̱ta̱dde̱no̱.”

Buk wa To̱ni̱a̱u̱ 7:37

“U̱du̱wa̱k Musesi eliya ol cik Israilo, a̱nne̱k ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t ci zoz cinne orgene cunno̱ng ki i̱yo̱ko̱ anna ko̱.’