Ma̱te̱yo̱ 20:1 - Tennet

¹ A̱du̱wa̱k Ye̱su̱ nuyak ciginnek a̱nne̱k ne, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci een manyi ma̱na̱, okko orong ol cik a̱li̱ngli̱ng ma̱ne̱ cinne.

Ma̱te̱yo̱ 20:1 ပူးပေါင်းရင်းမြစ်များ

Ma̱te̱yo̱ 13:24

Oob bo̱do̱k Ye̱su̱ yabzinet imma ci azi ne, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci azacek i̱nyo̱mo̱ ma̱na̱.

Ma̱te̱yo̱ 13:31

Oobek zin bo̱do̱k Ye̱su̱ nogo yabzinet imma, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci azacek inyemenit cidici oroot ma̱na̱ cinne.

Ma̱te̱yo̱ 13:33

Oobek zin bo̱do̱k Ye̱su̱ nogo yabzinet imma ci azi ne, “Ogon ba̱a̱li̱ne̱t ci ta̱mu̱-kengo ki ngaa ci adima lata orocanek ki nyigit cik meertak. Ma̱i̱je̱ vu̱rrta̱ aabub kize a̱ppwa̱, kumukcar do̱o̱k, kibbit kuk tuwa.”

Ma̱te̱yo̱ 13:47

“Ogon ba̱a̱li̱ne̱t ci ta̱mu̱-kengo ki e̱e̱ti̱ ci avicek imutuk liil kar ka̱gga̱m u̱lu̱g cik meelek.

Ma̱te̱yo̱ 20:2

Elema zin enne ku̱ru̱k o̱ro̱bi̱ya̱c co̱de̱ ci een zi̱i̱t ci okko enne a̱li̱ngli̱nge̱ tu̱b i̱i̱te̱n co̱de̱, kar zin kaanyik nogo koot manato li̱ngli̱ngo̱n.

Ma̱te̱yo̱ 21:28

U̱du̱wa̱k zin Ye̱su̱ nogo tubzenet ci azi ne, “I̱no̱nnu̱ niga nya zo̱ze̱ ci kokko anna kozozi ko̱? Anyak e̱e̱ti̱ imma dooli rama kar ku̱du̱wa̱k ngerinne wa a̱ddi̱ki̱re̱ zoz ci azi ne, ‘Ngeranni, bit li̱ngli̱ngo̱n manato wazin necu.’

Ma̱te̱yo̱ 22:2

“Ogon ba̱a̱li̱ne̱t ci ta̱mu̱-kengo ki alaani ci adiman da̱i̱ne̱t ci adak ol eezene ci ngerinne.

Ma̱te̱yo̱ 23:37

Ilal Ye̱su̱ azi ne, “Olli Jerusalemi, olli Jerusalemi, ol cik u̱ru̱we̱t a̱ri̱tto̱k cik zoz ci Ta̱mu̱ta̱dde̱no̱ kar bo̱do̱k kovoccit du̱cca̱k biyene! Korongi gon ba̱li̱ye̱ kulut dooli ciggo̱k nga̱to̱de̱ kiwagon tuulici ming aluttek jooro ciginnek ṯaba, abarik iróng niga elemnyyu.

Ma̱te̱yo̱ 25:1

Ize zin bo̱do̱k Ye̱su̱ ne, “Katubzeke wo̱ye̱ ba̱a̱li̱ne̱t ci ta̱mu̱-kengo ki dooli cik nga̱a̱ye̱k een omoto ngen ka̱ta̱gu̱zzo̱ ki e̱e̱t imma ko̱, balik adima lombonya kar koot ku̱ru̱mtte̱k rucait gool.

Ma̱te̱yo̱ 25:14

Azi bo̱do̱k Ye̱su̱ ne, “Katubek ba̱a̱li̱ne̱t ci ta̱mu̱-kengo ki e̱e̱t ci eroni. Utu zin enne du̱cca̱k ciginnek do̱o̱k, kar kaanyik nogo o̱ro̱bi̱ya̱ abunna ming utene nege kaal cik ataline ming ngen enne eroni.

Ma̱te̱yo̱ 3:2

a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Marko 13:34

Atubo zoz necu ki e̱e̱t ci eroni: Ungnek enne kaal ce̱e̱z cinne kar kaanyik du̱cca̱k u̱gge̱ kebeit, ngen ngene ki li̱ngli̱ngo̱n cinne, kar ku̱du̱wa̱k e̱e̱t ci aave arana ko̱ kere manyi ce̱e̱z.

Kaviyak wak Abunna Ta̱mu̱ta̱dde̱no̱ eher Joni 15:1

“Kogonni anna ki keet wa een de̱de̱, kar Baba kize manyi keet.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.