Ma̱te̱yo̱ 2:13 - Tennet

¹³ Baling ovvo e̱re̱nno̱wa̱ a̱mi̱re̱, ma̱i̱je̱ anjilo ci Manyi i̱ye̱le̱k Yosevo o̱no̱zo̱we̱ ele a̱nne̱k ne, “Tinga je̱e̱na̱, i̱yi̱k niye do̱le̱c necu ki yaatinne bite lo̱o̱ce̱ ci Masiro! Bit a̱vvu̱ nginati zee, ku̱du̱wa̱i̱ kizei ne, mi̱re̱ eci alaani ci een He̱ro̱d, orong do̱le̱c necu kar ku̱ru̱k ka̱da̱k.”

Ma̱te̱yo̱ 2:13 ပူးပေါင်းရင်းမြစ်များ

Lu̱ge̱z 1:22

Aanyik alaani ci Masiro ol ciginnek zoz cu: “Ming a̱rri̱ta̱i̱ do̱le̱c ci maci, u̱ju̱ktte̱k liil ci een zara Nail, abarik aanycik dooli cik nga̱a̱ye̱k kuruget.”

Ma̱te̱yo̱ 1:20

Imma zin baling ngen enne i̱no̱n zoz necu niko, i̱ki̱ya̱k nonno anjilo ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak.

Ma̱te̱yo̱ 10:23

Ming a̱gi̱ddu̱ng ol o̱rge̱ emani, u̱lu̱ge̱t oot o̱rge̱ emani. Ka̱du̱wa̱kku̱ng zoz ci een de̱de̱, iróng atin azucannu o̱ro̱gjo̱k cik Israilo veelek ming ngen Ngerrti E̱e̱to̱ kobodak lo̱o̱c.

Ma̱te̱yo̱ 2:12

Imma vu̱rrta̱, u̱du̱wa̱k Ta̱mu̱ta̱dde̱n nogo o̱no̱zo̱we̱ a̱nne̱k ne, ma ngen ovvoyyu rok alaan ci een He̱ro̱d. Idimtta zoz necu aartik iin, i̱mi̱rtte̱ oot lo̱o̱ce̱ cinne̱ng go̱o̱le̱ immane.

Ma̱te̱yo̱ 2:14

Imma bali ba̱a̱li̱n neci, itinga Yosevo uwe do̱le̱c ki yaatinne rok lo̱o̱c ci Masiro.

Ma̱te̱yo̱ 2:16

Baling okko He̱ro̱di̱ a̱gga̱ u̱lu̱te̱t e̱re̱nno̱wa̱ ne̱ke̱ nonno niko, omoze, izek aciir ne, u̱ru̱we̱t dooli cik macik aavtte Betelema ko̱ do̱o̱k ki cik aavtte ojonun anyak e̱rki̱nya̱ ram ki dooli cikidik veelek.

Ma̱te̱yo̱ 2:22

Baling okko enne aziye azi ne, ize do̱le̱c ci een Archelaus ci He̱ro̱di̱ alaan ci Ju̱de̱ya̱, o̱to̱ngo̱o̱le̱ iróng ngen okko nginati. Imma bali o̱no̱zo̱we̱ u̱du̱wa̱k Ta̱mu̱ta̱dde̱n nonno a̱nne̱k ne, bit zin lo̱o̱ce̱ ci Ga̱li̱li̱.

Buk wa To̱ni̱a̱u̱ 10:22

O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.”

Buk wa To̱ni̱a̱u̱ 10:7

Baling okko a̱mi̱re̱ anjilo ci ozozek nonno ko̱, utu Korneliosi du̱cca̱k ciginnek e̱e̱ggi̱n rama ki aciiroc cinne co̱de̱ zinino.

Buk wa To̱ni̱a̱u̱ 12:11

Bali vu̱rrta̱, i̱ki̱ya̱ Peturu a̱gga̱ zoz neci, kar kize ne, “I̱yo̱ko̱ zin ka̱gga̱wa̱ anna ming een Manyi ci i̱tto̱na̱ anjilo cinne ki̱ki̱ya̱ keelawa annit azzine cik He̱ro̱di̱ ki kaal do̱o̱k balik gerzek orong olli Ya̱u̱do̱ ogonika annit ke̱.”

Buk wa To̱ni̱a̱u̱ 12:7

Ataman niko, i̱ki̱ya̱ anjilo ci Manyi atukul lagam kize voor per. Otomowe enne Peturu kar abunna ingazi, kar kizek ne, “Tinga je̱e̱na̱ ataman!” Ki nginti i̱i̱na̱ ziiya ngati Peturu niko.

Buk wa To̱ni̱a̱u̱ 16:36

U̱du̱wa̱k ddi̱ki̱ryo̱i̱ti̱ Pa̱u̱lo̱, a̱nne̱k ne, “Oogttaung olli lo̱ki̱ko̱, i̱yo̱ko̱ oot labak.”

Buk wa To̱ni̱a̱u̱ 5:19

Imma bali ba̱a̱l i̱ki̱ya̱ anjilo ci Manyi kar koo tatug ci lagamo kar zin to̱ni̱a̱ha̱ kiyokta.

Buk wa To̱ni̱a̱u̱ 7:19

A̱gga̱m alaani neci ol cigga̱c gerzet kar gon kadangek ji̱ji̱ti̱gga̱c ku̱ju̱ktte̱k zari dooli cik macik ngen a̱rri̱ta̱i̱ jor abunna ming ovvo a̱da̱i̱.

O̱no̱zzo̱k 12:14

Anyozik ngaa neci ṯaabana rama cik u̱du̱va̱ni̱t wa a̱ddi̱ki̱re̱ ko̱, kar atin enne ku̱ku̱l kuk balala ngati idimane kize cinne, ngati azunne Ta̱mu̱ta̱dde̱n nonno e̱rki̱nya̱ i̱i̱yo̱ ki cikidik, kar ka̱vvu̱ reena ngati iróng u̱ggu̱li̱ ci a̱ddi̱ki̱re̱ ko̱ azuca.

O̱no̱zzo̱k 12:4

Okko ku̱u̱l cinne a̱vi̱la̱ munyuny lo̱lo̱i̱t cidici ta̱mu̱-kenga ku̱ju̱ke̱k lo̱o̱c. Ibil zin u̱ggu̱li̱ ngu̱me̱ ci ngaa ci orong kutuyai ko̱, kar atin enne kadak do̱le̱c ci ngaa neci ming okko a̱rri̱ta̱i̱.

O̱no̱zzo̱k 12:6

I̱vi̱r zin ngaa neci uk balala nginti adimanek nonno Ta̱mu̱ta̱dde̱n, kar atin kuzute nonno nginati gwo̱o̱nya̱ i̱bbo̱ng co̱de̱ ki obet rama ki moten torkonom (1,260).