Ma̱te̱yo̱ 19:22 - Tennet

²² Baling izik lo̱gu̱t neci zoz ci a̱du̱wa̱ Ye̱su̱ ko̱, etteda zinin, kar odotek zin enne Ye̱su̱ lo̱o̱c, eci enne anyak kaal cik meelek, een enne bo̱to̱ro̱c oroot.

Ma̱te̱yo̱ 19:22 ပူးပေါင်းရင်းမြစ်များ

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 14:9

Adak zin alaani ele, eci enne u̱du̱wa̱ zoz neci ngati aavtte e̱re̱nno̱wa̱ to. Kar zin enne kutu e̱e̱t ci ebek nonno abunna ming anyahak do̱le̱c gi̱i̱ ci orong zinin cinne ke̱.

Ma̱te̱yo̱ 16:26

Abunna ni̱i̱ ming amuda e̱e̱ti̱ kaal cik lo̱o̱tu̱ do̱o̱k, imma ngatu utunga baiz cinne? Nya wo̱ye̱ ci ataline e̱e̱ti̱ kar kuruba baiz?

Ma̱te̱yo̱ 19:21

Abariz zin Ye̱su̱, “Ming orongi i̱nna̱ ize e̱e̱t ci iróng anyai mu̱nye̱n, bit tuwoyi i̱jjo̱ cigunnek do̱o̱k, kar anyik o̱ro̱bi̱ya̱ ol cik amati, kar zin kaala cigunnek kadazze ta̱mu̱-kenga. Kar i̱jja̱ zin nuwan.”

Ma̱te̱yo̱ 19:23

Kar zin Ye̱su̱ kizek nuyak ciginnek ne, “Ka̱du̱wa̱kku̱ng zin zoz ci een de̱de̱, okkomi kak ngati e̱e̱t ci een bo̱to̱ro̱c ngati i̱zo̱we̱ ba̱a̱li̱ne̱t ci ta̱mu̱-kengo.

Ma̱te̱yo̱ 6:24

“Iróng zin e̱e̱ti̱ co̱de̱ a̱li̱ngli̱nge̱k ol rama lak co̱de̱. Ogon ki i̱yo̱ko̱, icima abure co̱de̱ kar kirez co̱de̱. Arike wo̱ye̱ enne co̱de̱ zinin, kar kebezbezan co̱de̱. Iróng wo̱ye̱ niga a̱li̱ngli̱ngnyu̱ kaal rama, Ta̱mu̱ta̱dde̱n ki zoz ci o̱ro̱bi̱ya̱u̱.

Marko 10:22

Baling izik e̱e̱ti̱ neci zoz necu, angarunyan ngu̱m. Uk zin etteda gool cinne, eci enne anyak kaal cik meelek.

Marko 6:26

Baling aziye alaan He̱ro̱di̱ zoz necu niko, u̱u̱c zinin oroot, ma̱i̱je̱ eci enne u̱du̱l keet ki bo̱do̱k zo̱ze̱ ci e̱re̱nno̱k waginnek ko̱, iróng zin enne ngen abure zoz cinne.

Lu̱ka̱ 18:23

Baling izik enne zoz necu, utubur enne nong oroot, eci enne een i̱to̱i̱t oroot.

Kaviyak wak Abunna Ta̱mu̱ta̱dde̱no̱ eher Joni 16:20

Ku̱du̱wa̱u̱ng anna i̱ge̱t zoz ci een de̱de̱, a̱lu̱yyu̱ atin niga kar bo̱do̱k atalit, imma olli lo̱o̱tu̱ atalne. Abalaccu atin niga oroot, abarik atin balaci cunno̱ng ukce kize talninet.

Evesos 5:5

Abunna ming a̱gga̱yyu̱ zoz ci een de̱de̱ icu, ming een e̱e̱ti̱ a̱li̱ya̱i̱t, icima a̱ppwa̱ zinin, iróng enne anyak ngin imma ba̱a̱li̱nte̱ ci Ki̱ri̱sto̱ ki ci Ta̱mu̱ta̱dde̱no̱. Ma zinin ci a̱ppwe̱ atubo ki e̱e̱t ci a̱di̱ngdi̱nga̱n to̱do̱yyo̱k cik orong zinin cinne kommog Ta̱mu̱ta̱dde̱n.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.