Ma̱te̱yo̱ 19:21 - Tennet

²¹ Abariz zin Ye̱su̱, “Ming orongi i̱nna̱ ize e̱e̱t ci iróng anyai mu̱nye̱n, bit tuwoyi i̱jjo̱ cigunnek do̱o̱k, kar anyik o̱ro̱bi̱ya̱ ol cik amati, kar zin kaala cigunnek kadazze ta̱mu̱-kenga. Kar i̱jja̱ zin nuwan.”

Ma̱te̱yo̱ 19:21 ပူးပေါင်းရင်းမြစ်များ

Marko 10:21

Egelem zin Ye̱su̱ nonno talninta, kar kize ne, “Anyak gi̱i̱ co̱de̱ ci a̱zze̱ni̱ki̱n, bit tuwoyi kaal cigunnek do̱o̱k kar zin anyik o̱ro̱bi̱ya̱ ol cik amati, kar zin nyak jainzet cunne ta̱mu̱-kenga. Kar zin i̱jja̱ nuwan kar ize nuyait cinanni.”

Lu̱ka̱ 18:22

Baling izik Ye̱su̱ zoz necu, izek enne nonno ne, “Ngen gi̱i̱ co̱de̱ akilane ngatunne. Tuwek kaal cik anyai i̱nna̱ do̱o̱k kar anyik o̱ro̱bi̱ya̱ ol cik amati, kar atin i̱nna̱ nyak de̱he̱r ta̱mu̱-kenga, kar zin i̱jja̱, nuwan.”

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 14:33

Ogon bo̱do̱k go̱o̱le̱ necu, ming iróng e̱e̱ti̱ imma ngatinno̱ng ungnek kaal cik anyak enne lo̱o̱c, iróng enne wo̱ye̱ een nuyait cinanni.

Buk wa To̱ni̱a̱u̱ 2:45

Utene kaal cik anyak nege ki i̱jjo̱ cigge̱k, aanycik zin nege ol cik amati.

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Lu̱ka̱ 9:23

Izek zin enne nogo do̱o̱k ne: “Ming orong e̱e̱ti̱ imma kunuwan, anyik kimigzoi ele cinne kar kodong ta̱la̱ke̱c cinne odohize kar kunuwan.

Kaviyak wak Abunna Ta̱mu̱ta̱dde̱no̱ eher Joni 10:27

Aziye eezena cigannik muluk cinanni, ka̱gga̱ nogo, kar nege kunuyan.

Ma̱te̱yo̱ 5:48

Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Lu̱ka̱ 16:9

Ka̱du̱wa̱kku̱ng anna i̱ge̱ta̱, i̱li̱ngli̱ngte̱ i̱to̱kze̱t ci lo̱o̱tu̱ abunna ming amudannu gonogget, ming okko i̱to̱kze̱t neci edeccai, kar atin ol kelemtaung i̱ge̱ta̱ baize ci abakku udut.

Ma̱te̱yo̱ 19:28

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming kuwa anna Ngerrti E̱e̱to̱ ka̱vvu̱ lecere cinanni ba̱a̱li̱nte̱ ci Ta̱mu̱ta̱dde̱no̱ di̱ngdi̱ngo̱nta̱, ovvo niga ol balik e̱e̱ggi̱nnu̱ to̱ni̱a̱k wagannik ko̱ bu̱k kaavtte ki annit lecerete cik een omoto ki rama, ettedekku atin lo̱ki̱ko̱ booryyok wak Israilo e̱e̱ggi̱n omoto ki rama ko̱.

Ma̱te̱yo̱ 16:24

Iizek zin Ye̱su̱ nuyak ne, “Ming orong e̱e̱ti̱ kize to̱ni̱a̱t cinanni, anyik kutungek kaal cik lo̱o̱tu̱ irez enne ko̱, do̱o̱k, kar zin kodong ta̱la̱ke̱c cinne piryanzeto kar zin kunuwan.

Lu̱ka̱ 6:40

Iróng do̱le̱c ci cu̱ku̱lo̱ ommog de̱me̱zo̱i̱t cinne, ma̱i̱je̱ e̱e̱ti̱ imma ci amuda de̱mzi̱ne̱t ju̱rru̱m ogon atin enne ki de̱me̱zo̱i̱ti̱ cinne.

Lu̱ka̱ 5:27

Kar bali vu̱rrta̱, uk Ye̱su̱ reena kar kicin e̱e̱t wagon aluta mucuru olle ko̱, azi zar ne Le̱vi̱, ming aave arane ci ngin wa a̱gga̱ma̱ enne ol mucuru ko̱. A̱nne̱k zin Ye̱su̱ nonno ne, “Nuwan!”

Marko 8:34

Utu zin Ye̱su̱ koole ki nuyak waginnek ki̱vi̱ta̱k nonno kar kizek nogo ne, “Ming orong e̱e̱ti̱ imma kunuwan, abunna ming erehek ele cinne, kar kodong ta̱la̱ke̱c cinne kar kunuwan.

Ma̱te̱yo̱ 9:9

Bali ngati owoye Ye̱su̱ goola, icin e̱e̱t wa een zara Ma̱te̱yo̱, a̱gga̱ma̱ gon o̱ro̱bi̱ya̱ wak een mucuru olle, kar kizek nonno ne, “Nuwa annita” Itinga Ma̱te̱yo̱ je̱e̱na̱ kar kunu nonno.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

Marko 2:14

Baling owo enne ti̱ti̱ma̱, icin Le̱vi̱, ngerrti Alipeyosi ming aave ngati a̱gga̱me̱ ol mucuru. A̱nne̱k zin Ye̱su̱ nonno ne, “Nuwan” Itinga zin Le̱vi̱ kar kunu nonno.

Ma̱te̱yo̱ 8:22

U̱du̱wa̱k zin Ye̱su̱ nonno a̱nne̱k ne, “I̱jja̱ nuwan, anyik ol wak a̱da̱i̱to̱ ka̱da̱c gonoggi cik a̱da̱i̱to̱.”

Ma̱te̱yo̱ 4:19

A̱nne̱k Ye̱su̱ nogo ne, “I̱vi̱ta̱ unuyang kar kedemezung gga̱mi̱ne̱t ol.”

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 6:9

Een zin cu zoz ci a̱du̱wa̱ baiz ci obod ki Nowa. Een da̱ enne e̱e̱t ci abunna olle balik abak ki nonno e̱rki̱to̱we̱ ne̱ke̱. Owowo enne ba̱li̱ye̱ ki Ta̱mu̱ta̱dde̱n.

Ma̱te̱yo̱ 19:20

O̱bo̱de̱k zin e̱e̱ti̱ neci Ye̱su̱, “Kazunne anna ti̱lo̱wi̱ne̱t ne̱ko̱ do̱o̱k. Nya bo̱do̱k ci ngen a̱zze̱ to?”

Ma̱te̱yo̱ 19:22

Baling izik lo̱gu̱t neci zoz ci a̱du̱wa̱ Ye̱su̱ ko̱, etteda zinin, kar odotek zin enne Ye̱su̱ lo̱o̱c, eci enne anyak kaal cik meelek, een enne bo̱to̱ro̱c oroot.