Ma̱te̱yo̱ 18:31 - Tennet

³¹ Baling icinnet du̱cca̱ha̱ uggak zoz neci, utuburet nege nong oroot. Oot zin u̱du̱kta̱k alaan zoz neci veelek.

Ma̱te̱yo̱ 18:31 ပူးပေါင်းရင်းမြစ်များ

Kananet 37:2

Een necu zoz ci Ya̱ko̱bo̱. Baling izeto e̱rki̱nya̱ cik Yosevo omoto ki turgerem, uuwa kaal ki gotonoggi wak baatinne, e̱e̱ggi̱n ngaai cik baatinne a̱rri̱ta̱ logoz ciko ko̱ Bilhah ki Zilpah, kar enne Yosevo kanyahak baatinne kaal cik gerzek ogon gotonoggja.

Ma̱te̱yo̱ 14:9

Adak zin alaani ele, eci enne u̱du̱wa̱ zoz neci ngati aavtte e̱re̱nno̱wa̱ to. Kar zin enne kutu e̱e̱t ci ebek nonno abunna ming anyahak do̱le̱c gi̱i̱ ci orong zinin cinne ke̱.

Ma̱te̱yo̱ 18:28

“Imma baling utungek du̱ca̱i̱ti̱ necu alaan lo̱o̱c, uk zin enne rok e̱e̱t ci een nga̱bo̱le̱ni̱t cinne, adak da̱ o̱ro̱bi̱ya̱ o̱bo̱n co̱de̱ (100) cik e̱e̱ggi̱n ziik. A̱gga̱m zin enne elem ci e̱e̱t neci kar kize ne, ‘Ru̱g o̱ro̱bi̱ya̱ cigannik i̱yo̱ko̱ niko.’

Ma̱te̱yo̱ 18:30

“Ma̱i̱je̱, manyi o̱ro̱bi̱ya̱ abure. Abarik, orong o̱ro̱bi̱ya̱ ciginnek ku̱ru̱kte̱ i̱yo̱ko̱ niko. Okolek zin e̱e̱t neci lagam kecebe, kar atin koogjai ming u̱ru̱k o̱ro̱bi̱ya̱ ne̱ke̱.

Ma̱te̱yo̱ 18:32

“Utu zin alaani du̱ca̱i̱t bali een nga̱bo̱le̱ni̱t cinne ke̱, kar kizek ne, ‘E̱e̱ni̱ i̱nna̱ du̱ca̱i̱t ci gerze! Kutungei anna i̱nne̱t nga̱bo̱lo̱ bali okkoye i̱nna̱ ke̱, eci i̱nna̱ ilaleka oroot.

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Lu̱ka̱ 14:21

“I̱mi̱re̱ zin du̱ca̱i̱ti̱ kar ku̱du̱wa̱k ddi̱ki̱ryo̱i̱t cinne. Kar zin enne komoze kar ku̱du̱wa̱k du̱ca̱i̱t cinne, ‘Bit reena go̱o̱lo̱we̱ ataman ki loritwane cik o̱rgu̱ kar nyaha ol cik amati, ol cik nganynganyik zoona ki cik ru̱be̱ni̱k ki cik ngoolik.’

Lu̱ka̱ 19:41

Baling ojongoz Ye̱su̱ Jerusalem kar kicin orog neci a̱ddi̱ki̱re̱ ke̱, kar zin u̱tu̱lu̱we̱k.

Roma 12:15

Ming atalne ol, ataltto niga bu̱k ki nogo. Ming anyak e̱e̱ti̱ u̱lu̱wa̱, u̱tu̱lu̱z niga bu̱k.

2 Ko̱ri̱nto̱ 11:21

Eci adaka annit a̱li̱ya̱ni̱ kar kizetta ne iróng naga kokkomna zo̱ze̱ neci. Ming odong nege e̱le̱tti̱, anna bu̱k, ma̱i̱je̱ ngatu, een gi̱i̱ ci tarbali kar ku̱tu̱gu̱.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

I̱bu̱ru̱ 13:3

Eelta ol cik e̱ce̱bje̱ lagama, u̱tu̱gu̱z ki ci een i̱ge̱t e̱le̱tti̱ne̱ cik e̱ce̱bi̱nnu̱ lagama. Eelta ol wak a̱gi̱d ol, ogon ki i̱yo̱ko̱ a̱gi̱ddu̱ng ol i̱ge̱t e̱le̱tti̱ne̱.