Ma̱te̱yo̱ 18:10 - Tennet

^10-11 “Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 18:10 ပူးပေါင်းရင်းမြစ်များ

Ma̱te̱yo̱ 1:20

Imma zin baling ngen enne i̱no̱n zoz necu niko, i̱ki̱ya̱k nonno anjilo ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak.

Ma̱te̱yo̱ 12:20

Eela atin enne ol wak ogon ki yaya cik u̱mu̱rgu̱lte̱, iróng atin enne egerzan e̱e̱t ci u̱tu̱gu̱ ki gwa̱a̱ ci okko adite, abarik eela atin ol kar ku̱tu̱gu̱we̱ zoz ci een de̱de̱.

Ma̱te̱yo̱ 18:14

Ogon zin bo̱do̱k niko ngatinna, iróng Baatunne ta̱mu̱-kenga orong do̱le̱c co̱de̱ ṯok ki̱zzi̱ doolinne cik cikidik ko̱.”

Ma̱te̱yo̱ 18:6

“Abarik ming aanyik e̱e̱ti̱ imma do̱le̱c cidici elemanna annit ko̱ ku̱tu̱gu̱ mu̱nye̱n, agano ming kecebek e̱e̱t neci rabaz i̱i̱nya̱ kar ku̱ju̱kte̱k nyatapar ci a̱ddi̱ki̱re̱ orgen.”

Ma̱te̱yo̱ 2:13

Baling ovvo e̱re̱nno̱wa̱ a̱mi̱re̱, ma̱i̱je̱ anjilo ci Manyi i̱ye̱le̱k Yosevo o̱no̱zo̱we̱ ele a̱nne̱k ne, “Tinga je̱e̱na̱, i̱yi̱k niye do̱le̱c necu ki yaatinne bite lo̱o̱ce̱ ci Masiro! Bit a̱vvu̱ nginati zee, ku̱du̱wa̱i̱ kizei ne, mi̱re̱ eci alaani ci een He̱ro̱d, orong do̱le̱c necu kar ku̱ru̱k ka̱da̱k.”

Ma̱te̱yo̱ 2:19

Ma bali vu̱rrta̱, ngati a̱da̱he̱ He̱ro̱di̱, i̱ye̱le̱k anjilo ci Manyi Yosevo ele baling ngen Yosevo ngen aave Masire ke̱.

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Lu̱ka̱ 1:19

Abarizek zin anjilo nonno, “Ke̱e̱ni̱ anna Gaburel. Kabili anna ngati aave Ta̱mu̱ta̱dde̱n, i̱tto̱na̱i̱ anna kar ki̱ki̱ya̱ kozozein kar ku̱du̱wa̱ kaviyak cik abunna ko̱.

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

Lu̱ka̱ 16:22

“I̱ki̱ya̱ zin i̱i̱te̱ni̱ imma, a̱da̱k zin e̱e̱ti̱ ci gon alaye ko̱ kar zin anjilonya cik Ta̱mu̱ta̱dde̱no̱ kodongit nonno koot kaarttek abanyit ci Aburahami ta̱mu̱-kenga. A̱da̱k zin bo̱do̱k e̱e̱ti̱ wa bali een i̱to̱i̱t ko̱, a̱da̱ye̱k zin ol nonno lo̱o̱k.

Buk wa To̱ni̱a̱u̱ 10:3

Imma bali i̱i̱te̱n imma ngati okko ki yo̱mo̱n, een i̱i̱ i̱i̱yo̱, anyak da̱ Kornelio o̱no̱zzo̱k, icin enne anjilo ci Ta̱mu̱ta̱dde̱no̱, ci a̱kku̱nna̱k nonno kar kize ne, “Kornelio!”

Buk wa To̱ni̱a̱u̱ 12:15

A̱nne̱k ol nonno ne, “Adaki i̱nne̱t ngamoni.” Baling adang enne nogo a̱nne̱k ne, een de̱de̱, kar zin nege kizeto ne, “Een i̱yo̱ko̱ anjilo cinne.”

Buk wa To̱ni̱a̱u̱ 12:23

Ataman niko, eci He̱ro̱di̱ iróng a̱di̱ngdi̱nga̱n Ta̱mu̱ta̱dde̱n, aanyik zin anjilo ci Manyi nonno ka̱gga̱m morizi, kar u̱lu̱ta̱ kadait nonno ka̱da̱k.

Buk wa To̱ni̱a̱u̱ 27:23

Imma be̱le̱ja̱ a̱kku̱nna̱ka̱ anjilo ngati Ta̱mu̱ta̱dde̱n ci kala anna ko̱ kar bo̱do̱k ki̱li̱ngli̱nge̱k nonno, i̱ki̱ya̱ ibil abanyca ngatinanni,

Buk wa To̱ni̱a̱u̱ 5:19

Imma bali ba̱a̱l i̱ki̱ya̱ anjilo ci Manyi kar koo tatug ci lagamo kar zin to̱ni̱a̱ha̱ kiyokta.

Roma 14:10

I̱nne̱t ele, nya ming apahek i̱nna̱ gonoggu wak a̱tu̱we̱ ki i̱nna̱ zoz ko̱? Icima nya ming ibbezi i̱nna̱ goonu? A̱kku̱ atin i̱i̱te̱ni̱ ci kovvo naga do̱o̱k kabile ngu̱me̱ ci Ta̱mu̱ta̱dde̱no̱, kar kapahekket agit do̱o̱k lo̱ki̱ko̱.

Roma 14:21

Abunna zin ming iróng adai i̱di̱ng icima audi merte icima ogoni gi̱i̱ imma ci anyike gotonogget ki ngonogget tu̱we̱nta̱ ki̱tto̱zo̱ mu̱nye̱n.

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

1 Ko̱ri̱nto̱ 11:22

Iróng niga anyakku ce̱e̱zi̱ cik adainu kar uudet merten nginati? Ma ibbezzu ke̱le̱ci̱a̱ ci Ta̱mu̱ta̱dde̱no̱, kar etezit ol cik iróng anyak da̱i̱ne̱t. Ku̱tu̱gu̱we̱u̱ng wo̱ye̱ anna i̱ge̱t nya? Abunna kirezung zo̱ze̱ necu? Iróng een niko.

1 Ko̱ri̱nto̱ 16:11

Ma anyikku e̱e̱t imma ngatinno̱ng kutubur nonno. Abarik i̱tto̱nta̱ nonno labak kar enne ki̱ki̱ya̱ kobodan. Kere zin anna nonno ki gonoggi wak orkora bu̱k ko̱.

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 10:10

Ovvo uggak ngatinno̱ng azi ne, “Egernyeket Pa̱u̱lo̱ waraga cinne ko̱ ozoz zoz ci okkomi. Abarik ming okko enne arume ki agit ngatu, acin ol een tarbal, iróng a̱gga̱ zoz.”

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

1 Te̱se̱lo̱ni̱ka̱ 4:8

Ming abure e̱e̱ti̱ imma de̱mzi̱ne̱t necu, iróng abure e̱e̱t ci diiri, abure abarik Ta̱mu̱ta̱dde̱n wa aanyik ol Vongiz ci A̱li̱le̱.

1 Ti̱mo̱te̱yo̱ 4:12

Ma anyik ol kibbeztin eci i̱nna̱ e̱e̱ni̱ idica, abarik anyik ol cik a̱tu̱we̱ kicinnet gool ci uwahe i̱nna̱ zoz ci Ta̱mu̱ta̱dde̱no̱, gool ci owowonu ki ol, gool ci ireze Ta̱mu̱ta̱dde̱n ki ol, gool ci a̱tu̱we̱ Ta̱mu̱ta̱dde̱n, ki gool ci abahe labak.

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

I̱bu̱ru̱ 9:24

Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.

O̱no̱zzo̱k 8:2

Kar anna kicin anjilonya turgerem cik abile ngu̱me̱ ci Ta̱mu̱ta̱dde̱no̱, kar kanycozik nogo tureta turgerem cik abu nege.