Ma̱te̱yo̱ 17:27 - Tennet

²⁷ Abarik, iróng zin naga korongnya kodomta nogo, luce zin i̱nna̱ bit nyatapara kar ju̱ke̱k agolo maam. Ming a̱gga̱mu̱ u̱lu̱gi̱t, oo utug ci u̱lu̱gi̱t neci a̱gga̱mi̱ i̱nna̱ oowa ko̱, aruba atidic i̱nna̱ o̱ro̱bi̱ya̱c wa a̱ddi̱ki̱re̱ een zi̱i̱t. Dima o̱ro̱bi̱ya̱c kar zin ru̱we̱k Ce̱e̱z wa Ta̱mu̱ta̱dde̱no̱ mucuru cigannik ki cigunnek.”

Ma̱te̱yo̱ 17:27 ပူးပေါင်းရင်းမြစ်များ

Kananet 1:28

U̱mu̱yu̱k Ta̱mu̱ta̱dde̱n nogo kar kizek ne, “I̱ti̱rre̱t ibbizitanit lo̱o̱c do̱o̱k, abalit kaal cik abak nyatapare ci a̱ddi̱ki̱re̱ ki iballi ki elegje cik abak lo̱o̱ta̱ do̱o̱k.”

Jonah 1:17

I̱tto̱na̱ zin Manyi u̱lu̱gi̱t ci a̱ddi̱ki̱re̱ abunna ming a̱ku̱k Jonah, a̱vvu̱ zin Jonah kenge ci u̱lu̱gto̱ i̱i̱nya̱ i̱i̱yo̱ ki ba̱a̱li̱nno̱k i̱i̱yo̱.

Jonah 2:10

Kar zin Manyi ku̱du̱wa̱k u̱lu̱gi̱t, kar zin enne katazahak Jonah liil ti̱ti̱m.

Ma̱te̱yo̱ 17:26

O̱bo̱de̱k zin Peturu Ye̱su̱, “A̱gga̱ma̱ nege o̱ro̱bi̱ya̱ ngati ol u̱gge̱.” Izek zin Ye̱su̱ nonno ne, “Abunna zin, iróng ol a̱gga̱ma̱ o̱ro̱bi̱ya̱ ngati ol cik ce̱e̱z cinne!

Ma̱te̱yo̱ 18:6

“Abarik ming aanyik e̱e̱ti̱ imma do̱le̱c cidici elemanna annit ko̱ ku̱tu̱gu̱ mu̱nye̱n, agano ming kecebek e̱e̱t neci rabaz i̱i̱nya̱ kar ku̱ju̱kte̱k nyatapar ci a̱ddi̱ki̱re̱ orgen.”

Ma̱te̱yo̱ 18:8

Ming aanyi a̱zzi̱ti̱ icima zoc cunne ba̱ci̱, ettedak tu̱. Abunna ming aave baiza ngati e̱e̱ni̱ ngool, gerza ming aave baiza ngati anyahe azzin ki zo̱o̱ do̱o̱k ming a̱tu̱be̱ kar bit gwo̱o̱ye̱ ci iróng adite udut.

Ma̱te̱yo̱ 5:29

Ming aanyi e̱be̱re̱ci̱ ci a̱zzo̱ ko̱ mu̱nye̱n, agano abarik ming otokcak e̱be̱re̱c co̱de̱ tu̱, gerza ming a̱ju̱ko̱ni̱k ele do̱o̱k gwo̱o̱ ci alanyit udut.

Ma̱te̱yo̱ 5:30

Kar bo̱do̱k ming amaraki a̱zzi̱ti̱ ci a̱zzo̱ mu̱nye̱n, agano abarik ming ettedak tu̱, gerza abarik ming a̱ju̱ko̱ni̱k ele do̱o̱k gwo̱o̱ wa alanyit udut.”

Marko 9:42

Azi bo̱do̱k Ye̱su̱ ne, “Ming aanyik e̱e̱ti̱ imma dooli cikidik elemi zoz cinne ko̱ ki̱tto̱zo̱ mu̱nye̱n, agano oroot ming a̱ju̱ko̱ni̱k enne nyatapar ci a̱ddi̱ki̱re̱ ki bee ci a̱ddi̱ki̱re̱ ecebonik i̱nya̱ cinne.

Marko 9:43

Ming okkoyyi a̱zzi̱ti̱ cunne kar tu̱gu̱ ba̱ci̱, tedak tu̱. Abunna zin ming i̱i̱zo̱ nginti baizo a̱tte̱ co̱de̱, ngati wo̱ye̱ i̱i̱zo̱ nginti baizo azzine do̱o̱k, okko gwo̱o̱ya̱, ngati iróng gwa̱a̱ adite.

Lu̱ka̱ 17:2

Maya oroot ming a̱ju̱ko̱ni̱k enne nyatapar ci a̱ddi̱ki̱re̱ ki rabaz ci kecebek i̱nya̱ cinne, eci gerza ming aanyik enne dooli wa kidik ku̱tu̱gu̱zzo̱ mu̱nye̱n.

Kaviyak wak Abunna Ta̱mu̱ta̱dde̱no̱ eher Joni 6:61

Imma Ye̱su̱ a̱gga̱ niko ming ungungunet nuyaha waginnek zo̱ze̱ necu, iizek zin nogo ne, “Aburnnu nong zo̱ze̱ necu?”

Roma 14:21

Abunna zin ming iróng adai i̱di̱ng icima audi merte icima ogoni gi̱i̱ imma ci anyike gotonogget ki ngonogget tu̱we̱nta̱ ki̱tto̱zo̱ mu̱nye̱n.

1 Ko̱ri̱nto̱ 8:13

I̱yo̱ko̱ zin, ming kanyike anna gotona tu̱we̱nta̱ kadak gi̱i̱ ci iróng enne orong kar ku̱tu̱gu̱ mu̱nye̱n, iróng bo̱do̱k anna ngen kadai da̱i̱ne̱t ne̱ke̱ udut, gerza ming kanyike nonno ku̱tu̱gu̱ mu̱nye̱n.

1 Ko̱ri̱nto̱ 8:9

Abunna zin ming egenyyu, u̱tu̱gu̱z kaal cik acinnu niga abunna ngatinno̱ng go̱o̱le̱ ci iróng anyike ol cik amuje o̱o̱tti̱ ku̱tu̱gu̱zzo̱ mu̱nye̱n.

2 Ko̱ri̱nto̱ 6:3

Iróng naga kalamnyya ol ngati a̱tu̱we̱ zoz ci Ye̱su̱, abunna iróng ol atin ibbez li̱ngli̱ngo̱n cinna ngati ka̱li̱ngli̱nge̱k Ta̱mu̱ta̱dde̱n.

2 Ko̱ri̱nto̱ 8:9

A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.

1 Te̱se̱lo̱ni̱ka̱ 5:22

Utuburet kaal cik gerzek ogon lo̱rye̱nti̱ ko̱ udut.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.