Ma̱te̱yo̱ 17:20 - Tennet

^20-21 U̱du̱wa̱k zin Ye̱su̱ nogo, “Iróng niga anyakku tu̱we̱ne̱t ci eleno, ka̱du̱wa̱kku̱ng zin ming wo̱ye̱ anyakku tu̱we̱ne̱t cidicilim ki laziyenti, a̱nne̱k wo̱ye̱ i̱nna̱ bee cu ne, ‘Tinga ngatu, bit ngati,’ Ingazi de̱de̱. I̱llo̱i̱ gi̱i̱ imma ci ommogjung.”

Ma̱te̱yo̱ 17:20 ပူးပေါင်းရင်းမြစ်များ

Ma̱te̱yo̱ 13:31

Oobek zin bo̱do̱k Ye̱su̱ nogo yabzinet imma, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci azacek inyemenit cidici oroot ma̱na̱ cinne.

Ma̱te̱yo̱ 14:29

A̱nne̱k Ye̱su̱ nonno ne, “I̱jja̱.” Itinga Peturu i̱bo̱wa̱ oto maame ta̱dde̱na̱ uk ngati Ye̱su̱.

Ma̱te̱yo̱ 17:17

O̱bo̱de̱k zin Ye̱su̱ nogo, a̱nne̱k ne, “Niga ol cik aditennung iina ko̱, iróng anyakku tu̱we̱ne̱t! Kabak atin anna ki i̱ge̱t rok atinga kar zin elemtta zoz ci Ta̱mu̱ta̱dde̱no̱? Anyaktang do̱le̱c ngatu.”

Ma̱te̱yo̱ 17:19

I̱vi̱tta̱k zin nuyaha Ye̱su̱ lo̱mu̱k kar ki̱jji̱nto̱, “Nya ming iróng naga kottoka kuuloc ko̱?”

Ma̱te̱yo̱ 17:9

Ma baling ovvo aluccai biya, i̱ti̱lo̱ zin Ye̱su̱ nogo, a̱nne̱k ne, “Ma a̱du̱wa̱kku̱ e̱e̱t imma zoz necu ming ngen Ngerrti E̱e̱to̱ kitinga daiza.”

Ma̱te̱yo̱ 21:21

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming anyakku niga tu̱we̱ne̱t kar iróng zi̱nze̱tti̱ engerye lak rama, ogonnu wo̱ye̱ niga kaal cik meelek ki i̱yo̱ko̱ anna ko̱, ki bo̱do̱k u̱gge̱ cik meelek. A̱nne̱kku̱ wo̱ye̱ niga bee cu ne, ‘Dong ele cunne, bit ju̱ke̱k nyatapar ci a̱ddi̱ki̱re̱,’ ogone atin ki ming a̱du̱wa̱nnu̱ niga ko̱.

Ma̱te̱yo̱ 8:26

O̱bo̱de̱k zin Ye̱su̱ nogo: “Niga ol cik anyakku tu̱we̱ne̱t cidici ko̱, o̱ngo̱o̱li̱nnu̱ niga nya?” Itinga zin enne je̱e̱na̱ kar kegerenyek ngoot ki maam cik apalpalane ko̱. Ibil zin ngooti neci kize nyatapari do̱o̱k lai.

Marko 11:22

O̱bo̱de̱k zin Ye̱su̱ nonno, “Anyait niga do̱o̱k tu̱we̱ne̱t ngati Ta̱mu̱ta̱dde̱no̱.

Marko 11:23

Ka̱du̱wa̱ki̱ zoz ci een de̱de̱, ming a̱nne̱k e̱e̱ti̱ imma bee necu ne, ‘Tinga, bit ju̱ke̱k ele nyatapar ci a̱ddi̱ki̱re̱,’ imma ngatu iróng anyak zi̱nze̱tti̱ rama, abarik elemi zoz ci a̱du̱wa̱ enne ko̱ okko akati mo̱o̱le̱t, ogonek atin Ta̱mu̱ta̱dde̱n nonno.

Marko 4:31

Ogon ki bu̱ra̱co̱c ci bolbolento, wa zin idicilim gon arirek i̱nna̱ lo̱o̱c ko̱.

Marko 9:23

O̱bo̱de̱k zin Ye̱su̱ nonno, “Ming elemi e̱e̱ti̱ Ta̱mu̱ta̱dde̱n, obokce atin kaala do̱o̱k ngati e̱e̱t ci elemi zoz cinne.”

Lu̱ka̱ 1:37

I̱llo̱i̱ zin gi̱i̱ imma ci ommog Ta̱mu̱ta̱dde̱n.”

Lu̱ka̱ 17:6

O̱bo̱de̱k zin enne nogo, “Ming anyakku niga tu̱we̱ne̱t ci dici oroot ku̱tu̱gu̱ ki laziyenti, a̱nne̱kku̱ wo̱ye̱ niga keet ci a̱ddi̱ki̱re̱ ko̱ ne, ‘Duca ele cunne ngatu kar bit rirek ele nyatapar ci a̱ddi̱ki̱re̱,’ kar atin keet neci kizik zoz cunno̱ng.

Lu̱ka̱ 18:27

O̱bo̱de̱k zin Ye̱su̱ nogo, “Ovvo kaala cik ommog e̱e̱t ci diiri ko̱ iróng ommog Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 11:40

Ize zin Ye̱su̱ ne, “Ngen ba̱li̱ye̱ ku̱du̱wa̱i̱n, ming a̱tu̱ zoz cinanni, acinni atin doiz ci Ta̱mu̱ta̱dde̱no̱?”

1 Ko̱ri̱nto̱ 12:9

Aanyik bo̱do̱k Vongizi ci A̱li̱le̱ ol u̱gge̱ doiz ci tu̱we̱nto̱. Aanyik bo̱do̱k ol u̱gge̱ doiz ci alawek nege ol cik omori Ta̱mu̱ta̱dde̱n kar kubunnta mo̱ri̱zo̱we̱.

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

I̱bu̱ru̱ 3:19

I̱yo̱ko̱ zin, iróng nege i̱i̱zo̱ lo̱o̱c cinne i̱ye̱be̱ze̱ enne, eci iróng nege a̱tu̱ Ta̱mu̱ta̱dde̱n.