Ma̱te̱yo̱ 17:18 - Tennet

¹⁸ Itizik zin Ye̱su̱ kuuloc ci lo̱rye̱nto̱, kar kiyowa ngati do̱le̱co̱, kar zin enne kubunna i̱i̱ neci ele niko.

Ma̱te̱yo̱ 17:18 ပူးပေါင်းရင်းမြစ်များ

Ma̱te̱yo̱ 12:22

Imma i̱i̱te̱n imma anyakttak ol Ye̱su̱ e̱e̱t ci anyak kuulo cik lo̱rye̱nta̱k kar bo̱do̱k kize ru̱be̱n, adite iina, angaru zin Ye̱su̱ nonno, kar enne kicine bak ozozi.

Ma̱te̱yo̱ 15:28

Abarizek zin Ye̱su̱ nonno, “Ngaa cu, anyai i̱nna̱ tu̱we̱ne̱t ci a̱ppwe̱. Kelema zin anna zoz cunne.” Kar zin buweenyinne kubunna i̱i̱ neci ele niko.

Ma̱te̱yo̱ 17:17

O̱bo̱de̱k zin Ye̱su̱ nogo, a̱nne̱k ne, “Niga ol cik aditennung iina ko̱, iróng anyakku tu̱we̱ne̱t! Kabak atin anna ki i̱ge̱t rok atinga kar zin elemtta zoz ci Ta̱mu̱ta̱dde̱no̱? Anyaktang do̱le̱c ngatu.”

Ma̱te̱yo̱ 17:19

I̱vi̱tta̱k zin nuyaha Ye̱su̱ lo̱mu̱k kar ki̱jji̱nto̱, “Nya ming iróng naga kottoka kuuloc ko̱?”

Ma̱te̱yo̱ 9:22

Utuhuwe Ye̱su̱ kar kicin ngaa necu kar kizek ne, “Ma o̱ngo̱o̱le̱, angaruwi tu̱we̱ne̱t cunne.” Imma nginati angaruwe ngaa necu kubunna.

Marko 1:34

angaru zin Ye̱su̱ ol cik meelek anyak mo̱ri̱zzo̱k cik aavtte do̱ do̱. Ottok enne kuulo cik lo̱rye̱nta̱k, ma̱i̱je̱ ngatu iróng enne anyik kuulo kozozit ma̱rri̱t kuulo a̱gga̱ een enne ngene.

Marko 5:8

Izek zin Ye̱su̱ nonno ne, “Iyowa ngati e̱e̱t necu, i̱nna̱ kuuloci ci lo̱rye̱nto̱.”

Lu̱ka̱ 4:41

Iyokta zin kuulo cik lo̱rye̱nta̱k ngati ol cik meelek giir, kegerenyit, “E̱e̱ni̱ i̱nna̱ Ngerrti Ta̱mu̱ta̱dde̱no̱!” Ma̱i̱je̱ enne egerenyek nogo, iróng aanyik nogo kozozit, eci nege a̱gga̱ ming een enne Ki̱ri̱sto̱.

Lu̱ka̱ 8:29

Ottok zin Ye̱su̱ kuulo koot twa̱ ngati e̱e̱t neci. Aminye da̱ gon kuulo nonno, ming nu̱nu̱n e̱ce̱bje̱ azzina ki zo̱o̱ ciginnek kar bo̱do̱k kebehe, a̱du̱l enne didita kar kuulo kuwe nonno ngati aave enne do̱.

Lu̱ka̱ 9:42

Imma baling ngen do̱le̱c neci a̱kku̱, u̱ju̱ktte̱k kuulo nonno lo̱o̱c kataval. Ma̱i̱je̱ Ye̱su̱ egerenyek kuulo cik lo̱rye̱nta̱k, angaru zin enne do̱le̱c kar kaanyik baatinne.

Buk wa To̱ni̱a̱u̱ 16:18

Ozoz enne niko i̱i̱nya̱ cik meelek. U̱u̱c zinin ci Pa̱u̱lo̱ kar kutuhuwe kizek kuuloc ne, “Zare cik Ye̱su̱ Ki̱ri̱sto̱, ka̱du̱wa̱ki̱, iyowa ngati do̱le̱c cu!” Iyowa kuuloci neci ataman niko.