Ma̱te̱yo̱ 17:17 - Tennet

¹⁷ O̱bo̱de̱k zin Ye̱su̱ nogo, a̱nne̱k ne, “Niga ol cik aditennung iina ko̱, iróng anyakku tu̱we̱ne̱t! Kabak atin anna ki i̱ge̱t rok atinga kar zin elemtta zoz ci Ta̱mu̱ta̱dde̱no̱? Anyaktang do̱le̱c ngatu.”

Ma̱te̱yo̱ 17:17 ပူးပေါင်းရင်းမြစ်များ

Lu̱ge̱z 10:3

Oot zin Musesi ki Aaron rok alaan kar kizettek ne, “Icu zoz ci a̱du̱wa̱ Manyi Ta̱mu̱ta̱dde̱n ci olli I̱bu̱ru̱, azi ne, ‘Rok atinga iróng i̱nna̱ aziyi zoz cinanni? Anyik ol cigannik ku̱lu̱ge̱t, abunna ovvo nege alayan.

Lu̱ge̱z 16:28

A̱nne̱k zin Manyi Muses ne, “Aburnnu atin ngati iróng azunnu lo̱ti̱nno̱k cigannik rok atinga?

Ma̱te̱yo̱ 13:58

Iróng zin Ye̱su̱ ngen ogon kaal u̱gge̱ cik a̱vu̱la̱ eci ol ne̱ke̱ iróng elemi nonno.

Ma̱te̱yo̱ 16:8

A̱gga̱ Ye̱su̱ i̱no̱ni̱ cinne̱ng kar kizek nogo ne, “Niga ol cik anyakku tu̱we̱ne̱t cidici ko̱, nya ming ozozu do̱ zoz ci iróng anyakku á̱há̱t ko̱?

Ma̱te̱yo̱ 17:16

Kanyahak ba̱li̱ye̱ anna nonno nuyak cigunnek, iróng nege uule kar kangaruwet nonno.”

Ma̱te̱yo̱ 17:18

Itizik zin Ye̱su̱ kuuloc ci lo̱rye̱nto̱, kar kiyowa ngati do̱le̱co̱, kar zin enne kubunna i̱i̱ neci ele niko.

Ma̱te̱yo̱ 6:30

Ming een gool ci aimze Ta̱mu̱ta̱dde̱n arte cik zarak, wak alize wazin cu kar loza ku̱ju̱kto̱zi̱k gwo̱o̱, iróng wo̱ye̱ aimizzung i̱ge̱ta̱? Eeh ol wak anyakku tu̱we̱ne̱t cidici ko̱.

Ma̱te̱yo̱ 8:26

O̱bo̱de̱k zin Ye̱su̱ nogo: “Niga ol cik anyakku tu̱we̱ne̱t cidici ko̱, o̱ngo̱o̱li̱nnu̱ niga nya?” Itinga zin enne je̱e̱na̱ kar kegerenyek ngoot ki maam cik apalpalane ko̱. Ibil zin ngooti neci kize nyatapari do̱o̱k lai.

Marko 16:14

Ma bali vu̱rrta̱ i̱ye̱le̱k Ye̱su̱ ele nuyak ciginnek omoto ki co̱de̱ ngati adaine. Egerenyek zin enne nogo zo̱ze̱ ci iróng nege anyak tu̱we̱ne̱t, kar bo̱do̱k kokkomit nogo o̱o̱tti̱ abure iróng elemi zoz ci ol balik icinnet nonno ngati itingai enne daiza.

Marko 9:19

O̱bo̱de̱k zin Ye̱su̱ nogo, “Eehi, i̱ge̱t bu̱u̱l ci iróng anyakku tu̱we̱ne̱t ko̱, kabak wo̱ye̱ anna ki i̱ge̱t u̱u̱mu̱c? Anyaktta lo̱gu̱t necu rok annita.”

Lu̱ka̱ 24:25

Izek zin Ye̱su̱ nogo ne, “E̱e̱ggi̱nnu̱ niga tarbale de̱de̱, kar odoi i̱ge̱t zi̱nze̱tti̱ ngati a̱tu̱yyu̱ zo̱zzo̱k cik u̱du̱kta̱ a̱ri̱tto̱wa̱!

Lu̱ka̱ 9:41

O̱bo̱de̱k zin Ye̱su̱ nogo, “Eeh, iróng anna kelemi bu̱u̱l ci gerze ko̱, kabak atin anna ki i̱ge̱t rok atinga? Nyaha ngerunne ngintu.”

Kaviyak wak Abunna Ta̱mu̱ta̱dde̱no̱ eher Joni 20:27

Izek zin Ye̱su̱ Tomas ne, “Arik da̱ vallak cigunnek ngintu, kar cin azzin cigannik; nyaha bo̱do̱k azzin u̱u̱m ma̱ryo̱i̱t cinanni. Ma anyike zinin kodok, abunna ming a̱tu̱we̱.”

Buk wa To̱ni̱a̱u̱ 13:18

uzute enne nogo balala e̱rki̱nya̱ moten we̱c,

Buk wa To̱ni̱a̱u̱ 2:40

U̱du̱wa̱k Peturu nogo zo̱zzo̱k cik meelek; kar kilalek nogo azi ne, “Eelta e̱le̱tti̱ ciggo̱k bu̱u̱le̱ ci gerze ko̱.”

2 Ko̱ri̱nto̱ 11:1

Korongnyung izikttang annit ju̱rru̱m, ma wo̱ye̱ nu̱nu̱n kozozi kiwagon e̱e̱ti̱ ci tarbali, izikttang annit niko.