“Kar zin vu̱rrta̱, i̱ye̱la̱i̱ zin gool ci a̱kku̱nne̱ Ngerrti E̱e̱to̱ ta̱mu̱-kenga, kar atin ol cik lo̱o̱tu̱ do̱o̱k ku̱tu̱lu̱zzo̱. Kar atin kicinnet Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.
“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.
Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”
Ming adak a̱li̱ya̱ni̱ e̱e̱t zo̱ze̱ cinanni, okko atin Ngerrti E̱e̱to̱ bu̱k adak a̱li̱ya̱ni̱ zo̱ze̱ cinne ming i̱ki̱ya̱k enne di̱ngdi̱ngo̱n cinne ki di̱ngdi̱ngo̱n ci Baatinne ki anjilonya cik a̱li̱le̱.
Uzuca zoz gotonogget wak a̱tu̱we̱ azi ne iróng nuyaiti wa irez Ye̱su̱ ko̱ a̱da̱i̱. Ma̱i̱je̱ Ye̱su̱ ngen kize ne iróng enne a̱da̱i̱; azi abarik ne, “Ming korongi anna nonno kurug kobodak anna lo̱o̱c, nya ci gerze ngatinno̱ng?”
Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”
Kabile atin naga e̱co̱de̱ e̱co̱de̱ i̱i̱te̱ne̱ neci ngu̱me̱ ci Ta̱mu̱ta̱dde̱no̱, bak koobek nonno kaal cik abunna ki kaal cik gerzek kogon ba̱li̱ye̱ naga lo̱o̱ta̱ ngatu.
Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.
Eci a̱gga̱yyu̱ niga, ming ogon e̱e̱ti̱ kaal cik abunna, okko atin Manyi amuc nonno kaale ne̱k abunna u̱tu̱gu̱ enne ke̱, ming een e̱e̱ti̱ nu̱nu̱n du̱ca̱i̱t icima iróng een du̱ca̱i̱t.
ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.
Eci Manyi Ye̱su̱ eliya alucak lo̱o̱c ta̱mu̱-kenga kar ddi̱ki̱ryo̱i̱ti̱ ci anjilonyau kozoz muluwe ci a̱bu̱le̱, kar zin ol kiziyet ture ci Ta̱mu̱ta̱dde̱no̱ ming abuwe. Ma̱i̱je̱ ol balik a̱da̱i̱to̱ ngati elemtta zoz ci Ki̱ri̱sto̱ ke̱, ingazi atin daiza kuruget.
Gotonogga ki ngonogga tu̱we̱nta̱, inimet no̱ngi̱tto̱n baiza zee ki̱ki̱ya̱ Manyi. Icinnet ol wak e̱e̱vi̱ye̱ ming e̱re̱ye̱ ki̱bbi̱r ma̱na̱, anime ere ta̱mu̱ ci lomoto.
Eci niga awuyyu nonno kize Be̱e̱ti̱nno̱ng, iróng zin Ta̱mu̱ta̱dde̱n ahal ol, abait baiz ci ogon ki ci abakku i̱do̱ngi̱ne̱ lo̱o̱ta̱ ngatu, kar o̱to̱ngo̱o̱ltte̱ Ta̱mu̱ta̱dde̱n.
Imma e̱e̱ti̱ ci een zara Enok wa een do̱le̱c ci do̱le̱c ci Adami, u̱du̱wa̱ zoz ci ol ne̱ko̱: “Icinnet, a̱kku̱ Manyi ki ol ciginnek a̱li̱le̱ meelek giir,
Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.
Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.
Kar zin anna kicin ol wak a̱da̱i̱to̱, cik a̱ddi̱ki̱re̱ ki cik kidik bu̱k, abile nege o̱o̱we̱ ci lecero, o̱o̱ye̱ zin buwani. Oowe zin bui imma, een neci buk ci rugeto. Ettedozik lo̱ki̱ko̱ ol wak a̱da̱i̱to̱ go̱o̱le̱ bali ogone nege kaal ki ming e̱he̱rye̱ buwanine.