Ma̱te̱yo̱ 16:13 - Tennet

¹³ Baling i̱vi̱tta̱k Ye̱su̱ ki nuyak orog ci een Kesarea, Vilipia, i̱jji̱n zin enne to̱ni̱a̱k ciginnek, azi ne, “I̱no̱n ol azi ne, een Ngerrti E̱e̱to̱ ngene?”

Ma̱te̱yo̱ 16:13 ပူးပေါင်းရင်းမြစ်များ

Ma̱te̱yo̱ 12:32

Ming ozoz e̱e̱ti̱ imma gerzet zare cik Ngerrti E̱e̱to̱, alalnek atin Ta̱mu̱ta̱dde̱n nonno, ma̱i̱je̱ e̱e̱ti̱ ci ozoz gerzet zare cik Vongiz ci A̱li̱le̱, iróng atin Ta̱mu̱ta̱dde̱n alalnek nonno, bu̱u̱le̱ cu icima bu̱u̱le̱ ci a̱kku̱ ke̱.”

Ma̱te̱yo̱ 12:40

Aave bali Jonah kenge ci u̱lu̱gto̱ wazinnok i̱i̱yo̱ ki ba̱a̱li̱nno̱k i̱i̱yo̱. Ogon zin atin Ngerrti E̱e̱to̱ bu̱k niko, aave atin lo̱o̱ta̱ ecito wazinnok i̱i̱yo̱ ki ba̱a̱li̱nno̱k i̱i̱yo̱.

Ma̱te̱yo̱ 12:8

Eci Ngerrti E̱e̱to̱ ci een Manyi I̱i̱te̱n wa Yu̱bze̱nto̱.”

Ma̱te̱yo̱ 13:37

O̱bo̱de̱k zin Ye̱su̱ nogo, a̱nne̱k ne, “Een e̱e̱ti̱ ci azacek i̱nyo̱mo̱ cik abunna ma̱na̱ ko̱ Ngerrti E̱e̱to̱.

Ma̱te̱yo̱ 13:41

Okko atin Ngerrti E̱e̱to̱ i̱tto̱n anjilonya waginnek ta̱mu̱-kenga, ovvo atin aluta ol ba̱a̱li̱nte̱ cinne wak ogon kaal wak gerzek mu̱nye̱nu̱ do̱o̱k.

Ma̱te̱yo̱ 15:21

Utungek zin Ye̱su̱ orog ci een Ga̱li̱li̱ lo̱o̱c kar zin kuk o̱ro̱gjo̱we̱ cik een Tyre ki Sidon.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Ma̱te̱yo̱ 9:6

Abunna abarik ming a̱gga̱yyu̱ anyak Ngerrti E̱e̱to̱ doiz ci okkomi lo̱o̱ta̱ ngatu ci alalneke enne ol mu̱nye̱n.” Imma zin zo̱ze̱ neci, a̱nne̱k zin Ye̱su̱ e̱e̱t ci nganynganyi zoona ko̱ ne, “Tinga je̱e̱na̱, lut kwe̱e̱n cunne bit ce̱e̱za̱.”

Marko 10:45

Eci Ngerrti E̱e̱to̱ iróng a̱kku̱ kar ol ki̱li̱ngli̱ngte̱k nonno, abarik a̱li̱ngli̱nge̱k enne ol, kar kaanyik ele cinne kize wawac ci ol cik meelek.”

Marko 8:38

Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”

Kaviyak wak Abunna Ta̱mu̱ta̱dde̱no̱ eher Joni 1:51

Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Kaviyak wak Abunna Ta̱mu̱ta̱dde̱no̱ eher Joni 12:34

O̱bo̱dde̱k zin koole nonno, izettek ne, “Kizikta ba̱li̱ye̱ lo̱ti̱nno̱we̱ azi ne okko atin Ki̱ri̱sto̱ aruge udut. Azi zin bo̱do̱k i̱nna̱ ne ‘Okko atin Ngerrti E̱e̱to̱ odongnye kuk ta̱mu̱-kenga ku̱’? Ma dim ngene ci een ‘Ngerrti E̱e̱to̱’?”

Kaviyak wak Abunna Ta̱mu̱ta̱dde̱no̱ eher Joni 3:14

I̱i̱ri̱m ba̱li̱ye̱ Musesi balala keeta uwat ci adimanai zu̱rte̱nta̱, okko atin Ngerrti E̱e̱to̱ i̱i̱ri̱mze̱ keeta niko bu̱k,

Kaviyak wak Abunna Ta̱mu̱ta̱dde̱no̱ eher Joni 5:27

Aanyik zin Ngerinne komiz ci ettede lo̱ki̱ko̱ ci ollu eci enne een Ngerrti E̱e̱to̱.

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 7:56

Kar zin Stepheni ku̱du̱wa̱k nogo zoz ci icin enne, “Izikto da̱ ju̱rru̱m! Kicina ta̱mu̱-keng ming o̱o̱ye̱ kar zin Ngerrti E̱e̱to̱ abile a̱tte̱ ci a̱zzo̱ ngati Ta̱mu̱ta̱dde̱no̱.”