Ma̱te̱yo̱ 14:29 - Tennet

²⁹ A̱nne̱k Ye̱su̱ nonno ne, “I̱jja̱.” Itinga Peturu i̱bo̱wa̱ oto maame ta̱dde̱na̱ uk ngati Ye̱su̱.

Ma̱te̱yo̱ 14:29 ပူးပေါင်းရင်းမြစ်များ

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Marko 9:23

O̱bo̱de̱k zin Ye̱su̱ nonno, “Ming elemi e̱e̱ti̱ Ta̱mu̱ta̱dde̱n, obokce atin kaala do̱o̱k ngati e̱e̱t ci elemi zoz cinne.”

Buk wa To̱ni̱a̱u̱ 3:16

Kar tu̱we̱nte̱ ci zar cik Ye̱su̱, okko zin e̱e̱ti̱ ci acinnu niga ko̱ kar bo̱do̱k a̱gga̱c ko̱ kubunna kokkom ele kak. Tu̱we̱ne̱t zin wa ka̱tu̱yya̱ Ye̱su̱ nenen ci aanyik e̱e̱t necu kubunna ngati acinnu niga do̱o̱k ko̱ nenen.

Lu̱ka̱ 17:6

O̱bo̱de̱k zin enne nogo, “Ming anyakku niga tu̱we̱ne̱t ci dici oroot ku̱tu̱gu̱ ki laziyenti, a̱nne̱kku̱ wo̱ye̱ niga keet ci a̱ddi̱ki̱re̱ ko̱ ne, ‘Duca ele cunne ngatu kar bit rirek ele nyatapar ci a̱ddi̱ki̱re̱,’ kar atin keet neci kizik zoz cunno̱ng.

Roma 4:19

Ma baling ize Aburahami ma̱ti̱yo̱c anyak e̱rki̱nya̱ moten omoto, ngen enne a̱tu̱ Ta̱mu̱ta̱dde̱n zo̱ze̱ bali u̱du̱wa̱ enne ke̱. A̱gga̱ Aburahami ele niko ize ma̱ti̱yo̱c ere daiz, okko Sarah ngaa cinne ize ma̱ti̱yo̱c bu̱k, iróng ngen a̱ri̱ti̱.

Ma̱te̱yo̱ 21:21

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming anyakku niga tu̱we̱ne̱t kar iróng zi̱nze̱tti̱ engerye lak rama, ogonnu wo̱ye̱ niga kaal cik meelek ki i̱yo̱ko̱ anna ko̱, ki bo̱do̱k u̱gge̱ cik meelek. A̱nne̱kku̱ wo̱ye̱ niga bee cu ne, ‘Dong ele cunne, bit ju̱ke̱k nyatapar ci a̱ddi̱ki̱re̱,’ ogone atin ki ming a̱du̱wa̱nnu̱ niga ko̱.

Ma̱te̱yo̱ 17:20

U̱du̱wa̱k zin Ye̱su̱ nogo, “Iróng niga anyakku tu̱we̱ne̱t ci eleno, ka̱du̱wa̱kku̱ng zin ming wo̱ye̱ anyakku tu̱we̱ne̱t cidicilim ki laziyenti, a̱nne̱k wo̱ye̱ i̱nna̱ bee cu ne, ‘Tinga ngatu, bit ngati,’ Ingazi de̱de̱. I̱llo̱i̱ gi̱i̱ imma ci ommogjung.”

Ma̱te̱yo̱ 14:28

Abarizek Peturu nonno, a̱nne̱k ne, “Manyi, ming een i̱nne̱ta̱ de̱de̱, du̱wa̱ka̱ koto anna bu̱k maame ta̱dde̱na̱.”

Ma̱te̱yo̱ 14:30

Abarik baling icin Peturu ngoot, o̱to̱ngo̱o̱le̱ zin kar ki̱tto̱ maam idic idic, u̱tu̱lu̱ zin egereny, “Manyi eelawan!”