Ma̱te̱yo̱ 13:40 - Tennet

⁴⁰ “Alutai zin atin lobali kar kutuze gwo̱o̱ye̱ ci apadpadi. Zoz zin atin ci okko ogone i̱i̱te̱ne̱ ci atin okko aṯurneke looci.

Ma̱te̱yo̱ 13:40 ပူးပေါင်းရင်းမြစ်များ

Ma̱te̱yo̱ 12:32

Ming ozoz e̱e̱ti̱ imma gerzet zare cik Ngerrti E̱e̱to̱, alalnek atin Ta̱mu̱ta̱dde̱n nonno, ma̱i̱je̱ e̱e̱ti̱ ci ozoz gerzet zare cik Vongiz ci A̱li̱le̱, iróng atin Ta̱mu̱ta̱dde̱n alalnek nonno, bu̱u̱le̱ cu icima bu̱u̱le̱ ci a̱kku̱ ke̱.”

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 13:39

Okko mo̱dde̱nti̱ ci arir lobali ko̱ een lo̱rye̱ni̱t. Okko te̱di̱ne̱t labi een i̱i̱te̱n ci okko Ta̱mu̱ta̱dde̱n etted lo̱ki̱ko̱ ci lo̱o̱tu̱, imma ol wak etted labi ko̱ een anjilonya cik Ta̱mu̱ta̱dde̱no̱.

Ma̱te̱yo̱ 13:49

Ogon zin atin zoz necu niko, ming uṯurei looci. A̱vvu̱ atin anjilonya cik Ta̱mu̱ta̱dde̱no̱ kar ki̱vi̱ta̱ katahalit ol cik gerzek olle cik abunna.

Ma̱te̱yo̱ 24:3

Imma bali vu̱rrta̱, a̱vvu̱ Ye̱su̱ lo̱o̱ta̱ Biye ci I̱ngi̱ro̱u̱. I̱vi̱tta̱k zin nuyaha ciginnek nonno do̱ kar ki̱jji̱nne̱t, a̱nne̱k ne, “Akane atin zoz ci ozozi i̱nna̱ ko̱ atinga? Ming okko i̱nna̱ obodak lo̱o̱c, nya ci a̱kku̱ oowa kar ki̱ye̱la̱ ṯurnenet ci lo̱o̱tu̱?”

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

I̱bu̱ru̱ 9:26

Ming riil zoz ci apahek tuwayowa Ta̱mu̱ta̱dde̱n kaal odohize, aanyik weda Ye̱su̱ Ki̱ri̱sto̱ ele cinne Ta̱mu̱ta̱dde̱n kize wawac odohize odohize kanante ci lo̱o̱tu̱. Abarik aanyik enne ele cinne kize wawac lak co̱de̱, kar kaara mu̱nye̱n bu̱u̱llo̱k ki bu̱u̱llo̱k.