Ma̱te̱yo̱ 13:38 - Tennet

³⁸ Okko ma̱na̱ een lo̱o̱c ci kaavtte ko̱, ovvo i̱nyo̱mo̱na̱ cik abunna ko̱, e̱e̱ggi̱n dooli cik ba̱a̱li̱ne̱t ci ta̱mu̱-kengo. Ovvo lobali e̱e̱ggi̱n dooli cik lo̱rye̱nta̱k.

Ma̱te̱yo̱ 13:38 ပူးပေါင်းရင်းမြစ်များ

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 13:19

Ogon i̱nyo̱mo̱na̱ wak i̱i̱na̱k gool ko̱ ki ol wak iziyyet zoz ci kaviyak cik ba̱a̱li̱ne̱t ci Ta̱mu̱ta̱dde̱no̱, kar ngatu iróng a̱gga̱. A̱kku̱ lo̱rye̱nti̱ kar ki̱ki̱ya̱ kaama kaviyak ne̱ke̱ zi̱nze̱tti̱nne̱ cigge̱k.

Ma̱te̱yo̱ 24:14

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Ma̱te̱yo̱ 5:37

Ming elema i̱nna̱ zoz neci, lema, ming aburi, tuburo, ming anyak zoz imma ci ommog necu, a̱kku̱ lo̱rye̱nta̱.

Ma̱te̱yo̱ 8:12

Imma ol wak ovvo atin aavtte ba̱a̱li̱nte̱ ci ta̱mu̱-kengo ko̱, otowonik re̱e̱nu̱n ngati mu̱hu̱ri̱. A̱lu̱ atin nege nyigite cik lo̱o̱tu̱.”

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Kaviyak wak Abunna Ta̱mu̱ta̱dde̱no̱ eher Joni 12:24

Ka̱du̱wa̱kku̱ng zoz ci een de̱de̱, iróng labitot aave udut ming iróng i̱i̱na̱k lo̱o̱c kumunye, orong kumunye arrak. Ming okko i̱i̱na̱k lo̱o̱c umunye kar ki̱ti̱li̱zza̱, anyaha i̱nyo̱mo̱ cik meelek.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Buk wa To̱ni̱a̱u̱ 13:10

“E̱e̱ni̱ i̱nna̱ do̱le̱c ci lo̱rye̱nto̱ kar bo̱do̱k ize mo̱dde̱ni̱t ci kaal cik abunna do̱o̱k. Anyai i̱nna̱ baiz ci a̱lu̱te̱ ol ki ci alabane kaal cik ollu. Alami wo̱ye̱ i̱nna̱ gool wa abunna Manyi?

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 1:23

Eci Ta̱mu̱ta̱dde̱n a̱a̱nyu̱ng i̱ti̱rrtta̱i̱ bo̱do̱k, iróng een kaale cik aditai, abarik iróng aditai udut, go̱o̱le̱ ci kabahe kar kinimet zoz ci Ta̱mu̱ta̱dde̱no̱.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.