Ma̱te̱yo̱ 13:23 - Tennet

²³ Ma̱i̱je̱ i̱nyo̱mo̱na̱ ne̱k i̱i̱na̱k nginti abunna ko̱, ogon ki ol wak aziye zoz ci Ta̱mu̱ta̱dde̱no̱, a̱gga̱ kaviyak ju̱rru̱m. Ogon nege ki labina cik a̱bbi̱re̱ oroot.”

Ma̱te̱yo̱ 13:23 ပူးပေါင်းရင်းမြစ်များ

Ma̱te̱yo̱ 12:33

U̱du̱wa̱ bo̱do̱k Ye̱su̱ tubzenet ci azi ne, “Iróng keet ci abunna a̱bbi̱rna̱ o̱ya̱u̱ cik gerzek. Iróng zin bo̱do̱k keet ci gerze a̱bbi̱rna̱ o̱ya̱u̱ cik een da̱i̱ne̱t, a̱gga̱ ol keet ci emede o̱ya̱u̱ ciginnek.

Ma̱te̱yo̱ 13:8

I̱i̱na̱k i̱nyo̱mo̱na̱ uggak nginti abunna todowaci kar zin ki̱bbi̱re̱to̱ ju̱rru̱m, otorye i̱nyo̱mo̱na̱ ne̱ke̱ kizeto meele kommog balik arire ke̱.

Ma̱te̱yo̱ 3:10

E̱re̱ye̱ melei egeroi ju̱rru̱m kar ketengedak keen cik iróng a̱bbi̱rna̱ o̱ya̱u̱ cik abunna, kar ku̱ju̱kto̱zi̱k gwo̱o̱.

Ma̱te̱yo̱ 3:8

U̱tu̱gu̱z kaal cik abunna kar ol ka̱gga̱yyu̱ng elemttau niga Ta̱mu̱ta̱dde̱n de̱de̱ zi̱nze̱tti̱nne̱ ciggo̱k.

Marko 10:15

Ka̱du̱wa̱kku̱ng zoz ci een de̱de̱, ming iróng e̱e̱ti̱ imma elemi ba̱a̱li̱ne̱t ci Ta̱mu̱ta̱dde̱no̱ ki i̱yo̱ko̱ dooli cik kidik ko̱, iróng atin enne i̱i̱zo̱ ba̱a̱li̱ne̱t neci.”

Marko 4:20

Ogon uggak ki i̱nyo̱mo̱na̱ wak arire lobonowa, aziye zoz, elemi zoz neci, kar ki̱bbi̱re̱to̱ labina lak moten i̱i̱yo̱, icima moten torkonom icima obet cik meelek kommogit i̱nyo̱mo̱ balik arire ke̱.”

Lu̱ka̱ 13:9

Ming a̱bbi̱re̱ atin keet necu atilola, abunna! Ming iróng a̱bbi̱re̱, kengedak atin zin lo̱o̱c.’”

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Lu̱ka̱ 8:8

Itazak bo̱do̱k i̱nyo̱mo̱na̱ uggak nginti een to̱ri̱cto̱. Itingazzo i̱nyo̱mo̱na̱ ne̱ko̱ ki̱bbi̱re̱to̱ ju̱rru̱m kommogit balik arir nege ke̱.” Baling u̱du̱wa̱ enne tubzenet necu, kar kize ne, “Ming anyak e̱e̱ti̱ iin cik aziknene, anyik nonno kiziyo.”

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 8:47

Aziye ol cik Ta̱mu̱ta̱dde̱no̱ zoz ci a̱du̱wa̱ enne. Iróng niga aziknnu zoz ci Ta̱mu̱ta̱dde̱no̱ eci niga iróng e̱e̱ggi̱nnu̱ ol ciginnek.”

Buk wa To̱ni̱a̱u̱ 16:14

Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱.

Buk wa To̱ni̱a̱u̱ 17:11

Abunna da̱ ol cik Berea oroot ommog cik Te̱se̱lo̱ni̱ka̱, elemtta nege zoz ci Ta̱mu̱ta̱dde̱no̱ talninta oroot. Ikebit zin nege Waraga ci Ta̱mu̱ta̱dde̱no̱ odohize, acin kaal cik edemez Pa̱u̱lo̱ ko̱ ming een de̱de̱.

2 Ko̱ri̱nto̱ 9:10

Aanyik Ta̱mu̱ta̱dde̱n ol wak e̱e̱vye̱ i̱nyo̱mo̱ kar keevtto, kar bo̱do̱k kaanyik da̱i̱ne̱t, kar kotor bunnat ci anyakku niga kize a̱ppwa̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 4:17

Iróng zin anna korongi muci cuggo̱k, abarik korongi kaal cik okko Ta̱mu̱ta̱dde̱n a̱mu̱yu̱kku̱ng.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

2 Te̱se̱lo̱ni̱ka̱ 2:10

ki kaale cik mu̱nye̱nu̱ a̱lu̱te̱ ol cik ovvo daiza. A̱da̱i̱ nege eci utuburet rezinet zoz ci een de̱de̱ kar zin nege ku̱mu̱dda̱ ti̱ri̱ze̱ne̱t.

I̱bu̱ru̱ 4:2

Kizikta naga e̱le̱tti̱ne̱ kaviyak cik abunna balik uwahekket ol ke̱, ki baling aziye olli Ya̱u̱do̱ balik aavtte balala ke̱. Baling iziyyet nege kaviyak ne̱ke̱ nu̱nu̱n, iróng zoz neci eela nogo, eci iróng nege a̱tu̱ Ta̱mu̱ta̱dde̱n.

I̱bu̱ru̱ 6:7

Ogon ol uggak ki looci ci aṯilne ta̱mu̱ oroot, kar ol cik lo̱o̱c neci kanyyait da̱i̱ne̱t. A̱mu̱yu̱k Ta̱mu̱ta̱dde̱n todowa ne̱ke̱.

I̱bu̱ru̱ 8:10

Een necu olom ci een jor kogonni atin anna kadimani atin ki ce̱e̱z ci Israilo, i̱i̱te̱n neci, u̱du̱wa̱ Manyi, karike atin anna ti̱lo̱wi̱ne̱t cinanni o̱o̱tti̱ cigge̱k, kar keteherik zi̱nze̱tti̱nne̱ cigge̱k. Ke̱e̱ni̱ atin anna Ta̱mu̱ta̱dde̱n cinne̱ng, ovvo nege e̱e̱ggi̱n ol cigannik.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.