Ma̱te̱yo̱ 13:22 - Tennet

²² Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 13:22 ပူးပေါင်းရင်းမြစ်များ

Ma̱te̱yo̱ 12:32

Ming ozoz e̱e̱ti̱ imma gerzet zare cik Ngerrti E̱e̱to̱, alalnek atin Ta̱mu̱ta̱dde̱n nonno, ma̱i̱je̱ e̱e̱ti̱ ci ozoz gerzet zare cik Vongiz ci A̱li̱le̱, iróng atin Ta̱mu̱ta̱dde̱n alalnek nonno, bu̱u̱le̱ cu icima bu̱u̱le̱ ci a̱kku̱ ke̱.”

Ma̱te̱yo̱ 13:39

Okko mo̱dde̱nti̱ ci arir lobali ko̱ een lo̱rye̱ni̱t. Okko te̱di̱ne̱t labi een i̱i̱te̱n ci okko Ta̱mu̱ta̱dde̱n etted lo̱ki̱ko̱ ci lo̱o̱tu̱, imma ol wak etted labi ko̱ een anjilonya cik Ta̱mu̱ta̱dde̱no̱.

Ma̱te̱yo̱ 13:40

“Alutai zin atin lobali kar kutuze gwo̱o̱ye̱ ci apadpadi. Zoz zin atin ci okko ogone i̱i̱te̱ne̱ ci atin okko aṯurneke looci.

Ma̱te̱yo̱ 13:7

I̱i̱na̱k i̱nyo̱mo̱na̱ uggak biila orgen, i̱ti̱li̱za̱ i̱nyo̱mo̱na̱ ne̱ke̱ biilane, iróng amuda gool ci alinane ju̱rru̱m.

Lu̱ka̱ 12:15

Kar enne kizek nogo ne, “Icinnet ju̱rru̱m! U̱zu̱tte̱ e̱le̱tti̱ ciggo̱k kar abunna iróng niga anyakku zi̱nze̱tti̱ cik a̱ppi̱nte̱k; riil rugeti ci e̱e̱t ci diiri kommog kaal cik meelek.”

Lu̱ka̱ 12:21

“Ogon atin niko ngati e̱e̱t imma ci adazek kaal ele cinne, ma̱i̱je̱ ngatu iróng enne een jaitot ngati Ta̱mu̱ta̱dde̱no̱.”

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

Lu̱ka̱ 8:14

Imma i̱nyo̱mo̱na̱ ne̱k i̱i̱na̱k biila ko̱, atubo ki ol wak aziye zoz ci Ta̱mu̱ta̱dde̱no̱ kar ming ovvo nege ovvo gool cinne̱ng, adal nogo no̱ngi̱tto̱na̱ cik baizo, i̱tto̱kze̱t ki zoz ci adahe ol botorzet, iróng nege ngen anyaha o̱ya̱u̱ cik abunna.

Buk wa To̱ni̱a̱u̱ 8:18

Baling icin Si̱mo̱ne̱ Vongiz ci A̱li̱le̱ i̱ta̱k nogo ngati atadek to̱ni̱a̱ha̱ azzin nogo, anyik zin enne Peturu ki Jon o̱ro̱bi̱ya̱

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

1 Ko̱ri̱nto̱ 1:20

I̱nno̱ genyiz ci e̱e̱t ci diiri? I̱nno̱ e̱e̱t ci edemez ol waraganya? I̱nno̱ e̱e̱t ci a̱gga̱ waraganya kar gon kadang ol kaale cik lo̱o̱tu̱ ko̱? Aanyik Ta̱mu̱ta̱dde̱n genyiz ci lo̱o̱tu̱ kize tarbal.

1 Ko̱ri̱nto̱ 2:6

Imma ol wak a̱gga̱ zoz ci Ta̱mu̱ta̱dde̱no̱, a̱gga̱ nege uwai cinna̱ng ko̱ ming anyak genyiz wa een de̱de̱. Kar genyizi neci iróng een genyiz ci lo̱o̱c necu, iróng bu̱k een genyiz ci alaat wak anyak doiz ci abale lo̱o̱c necu, eci doizi ci anyak nege ko̱ aṯurneke atin.

1 Ko̱ri̱nto̱ 2:8

Iróng alaata cik bu̱u̱l cu lo̱o̱ta̱ ngatu ko̱ a̱gga̱ zoz neci. Ming a̱gga̱c weda, iróng weda nege ododike Manyi ci di̱ngdi̱ngo̱nto̱ ko̱ ta̱la̱ke̱c.

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

1 Ti̱mo̱te̱yo̱ 6:17

Ti̱lo̱ ol wak e̱e̱ggi̱n bo̱to̱ro̱ lo̱o̱ta̱ ko̱, gerza ming aarik zi̱nze̱tti̱ kaal ne̱k anyak nege ke̱. Abarik du̱wa̱k nogo kartik zi̱nze̱tti̱ Ta̱mu̱ta̱dde̱n wa een bo̱to̱ro̱c aanyyet kaal do̱o̱k kar naga katalte baiz.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.