Ma̱te̱yo̱ 13:21 - Tennet

²¹ Iróng zin egero cigge̱k i̱i̱zo̱ lo̱o̱c oroot, iróng bo̱do̱k abak u̱u̱mu̱c. Ming ize gerza baizi icima amuda no̱ngi̱tto̱n kaviyahe ne̱ke̱, iróng anime, ungnek zin kaviyak ne̱ke̱ lo̱o̱c.

Ma̱te̱yo̱ 13:21 ပူးပေါင်းရင်းမြစ်များ

Ma̱te̱yo̱ 10:22

Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 11:6

U̱mu̱yu̱k Ta̱mu̱ta̱dde̱n e̱e̱t ci iróng odoi zinin aziye zoz cinanni.”

Ma̱te̱yo̱ 13:20

Imma i̱nyo̱mo̱na̱ ne̱k i̱i̱na̱k nginti een biyen ko̱, ogon ki ol wak aziye kaviyak cik abunna talninta kar kelemtta ataman.

Ma̱te̱yo̱ 13:57

Iróng zin ol atalne gi̱i̱ye̱ ci ogon enne. Abarik zin Ye̱su̱ a̱nne̱k nogo ne, “Iróng ol wak orog wainne ki boor waginnek iróng irez a̱ri̱to̱i̱t.”

Ma̱te̱yo̱ 13:6

Imma baling okko iyowa koor ci a̱bu̱re̱, utuz ma̱na̱ neci kodok eci iróng nege anyak egero cik i̱i̱zo̱ lo̱o̱c ju̱rru̱m.

Ma̱te̱yo̱ 24:13

Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.

Ma̱te̱yo̱ 26:31

U̱du̱wa̱k zin Ye̱su̱ to̱ni̱a̱k ciginnek zoz cu: “Aburnang atija niga do̱o̱k annit, eci e̱he̱rye̱ Warage ci Ta̱mu̱ta̱dde̱no̱ azi ne: “‘Ka̱ru̱i̱ atin tuwayoit, kar atin a̱zza̱ kazante.’

Ma̱te̱yo̱ 26:33

Itinga Peturu, a̱nne̱k Ye̱su̱ ne, “Ming utungtei nuyaha i̱nne̱t do̱o̱k lo̱o̱c, iróng anna kungneki lo̱o̱c udut.”

Marko 4:17

Ma̱i̱je̱ zin ngatu iróng arike zi̱nze̱tti̱ ju̱rru̱m (anyak egero ju̱rru̱m), a̱tu̱we̱ arrak do̱yo̱i̱t. Ming okko piryanzet a̱kku̱ icima gi̱de̱ne̱t zo̱ze̱ ci zoz necu, odotek zoz necu lo̱o̱c ataman.

Lu̱ka̱ 8:13

Imma i̱nyo̱mo̱na̱ ne̱k i̱i̱na̱k biyen ko̱, ogon nege ki ol wak a̱gga̱ma̱ zoz talninta ming ovvo nege aziye, ma̱i̱je̱ ngatu iróng nege anyak egero. A̱tu̱we̱ arrak nege do̱yo̱i̱t, imma i̱i̱te̱n ci amuda nege timaninet, utungtek zin zoz neci lo̱o̱c.

Kaviyak wak Abunna Ta̱mu̱ta̱dde̱no̱ eher Joni 6:26

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, iróng niga orongnyang ma̱rri̱t ming ku̱tu̱gu̱ anna kaal cik a̱vu̱la̱. Orongnyang, eci niga adakttu da̱i̱ne̱t atanyarttu.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Ga̱la̱ti̱a̱ 6:12

Anyak ol cik orong kubunnta ngu̱me̱ ci ollu ommogkkung zo̱ze̱ ci ettede ol vi̱ca̱vi̱cce̱t. Ogon nege zoz neci niko gerza ming a̱gi̱d ol nogo zo̱ze̱ ci edemeze nege ol zoz ci azi ne, amuda ol ti̱ri̱ze̱ne̱t ngati a̱da̱kne̱ Ye̱su̱ Ki̱ri̱sto̱ ta̱la̱ke̱ca̱ do̱ niko.

Ga̱la̱ti̱a̱ 6:15

Icu zoz imma, ming etted e̱e̱ti̱ wucic vi̱ca̱vi̱ca̱ icima iróng ettedi, iróng ogon gi̱i̱ imma. Abarik zoz ci riili do̱o̱k icu, abunna ming anyak e̱e̱ti̱ baiz ci cuulai.

Evesos 3:17

Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

2 Ti̱mo̱te̱yo̱ 1:15

A̱gga̱ ri̱t i̱nna̱ niko utungteya ol balik lo̱o̱ce̱ ci een zara Asia ke̱ lo̱o̱c, owoye ciko Phygelus ki Hermogenes.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.

Je̱mi̱s 3:2

Kogon naga do̱o̱k mu̱nye̱n go̱o̱lo̱we̱ cik aavtte do̱ do̱. Ming ngen e̱e̱ti̱ imma kabac i̱i̱te̱n imma gi̱i̱ye̱ ci ozoz enne, een enne e̱e̱t ci caale paz, azunne ele cinne ju̱rru̱m.

1 Peturu 1:5

eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.