Ma̱te̱yo̱ 13:12 - Tennet

¹² Imma zin ming anyak e̱e̱ti̱ imma kaal anyonik atin cik meelek. Ming iróng e̱e̱ti̱ anyak gi̱i̱ imma, abarik ne̱k anyak enne ke̱ a̱gga̱mnya̱i̱ atin ngatinne.

Ma̱te̱yo̱ 13:12 ပူးပေါင်းရင်းမြစ်များ

Ma̱te̱yo̱ 21:43

“Ka̱du̱wa̱kku̱ng anna, a̱gga̱ma̱ atin Ta̱mu̱ta̱dde̱n ba̱a̱li̱ne̱t cinne ngatinno̱ng, kar zin kanyik ol wak atin a̱li̱ngli̱ng zoz ci abunna oroot.

Ma̱te̱yo̱ 25:29

Eci e̱e̱ti̱ ci anyak gi̱i̱ imma, anyonik atin nonno cik meelek, kar atin enne kanyak cik meelek. Imma e̱e̱ti̱ ci iróng anyak gi̱i̱ imma, a̱gga̱mnya̱i̱ atin ci anyak enne cidici ko̱ bu̱k.

Marko 12:9

“Ogon wo̱ye̱ manyi ma̱na̱ nya? A̱kku̱ wo̱ye̱ enne okko a̱ru̱k ol ne̱k a̱li̱ngli̱ng ma̱ne̱ cinne ko̱ do̱o̱k kar kaanyik ol u̱gge̱ ma̱na̱ neci.

Lu̱ka̱ 10:42

abarik anyak gi̱i̱ co̱de̱ ṯok ci korong naga. Atahala zin Ma̱ri̱ya̱ gi̱i̱ ci abunna, iróng atin e̱e̱ti̱ imma a̱gga̱ma̱ ngatinne.”

Lu̱ka̱ 12:48

Ma̱i̱je̱ du̱ca̱i̱ti̱ ci iróng a̱gga̱ zoz ci alaan cinne, e̱de̱zze̱ atin enne idic. Imma ngati e̱e̱t ci anyozik nonno kaala cik meelek, orong atin ol kaal cik meelek ngatinne, kar e̱e̱ti̱ ci aanyik ol ka̱gga̱m kaal cik meelek, a̱jji̱n atin ol kaal cik meelek ngatinne.

Lu̱ka̱ 16:2

Utu zin i̱to̱i̱ti̱ ddi̱ki̱ryo̱i̱t kar ki̱jji̱n nonno, ‘Nya ci kazii anna zo̱ze̱ cunne ko̱? Teher zin kaal cik a̱li̱ngli̱nge̱ i̱nna̱ do̱o̱k, eci iróng atin i̱nna̱ e̱e̱ni̱ ddi̱ki̱ryo̱i̱t bo̱do̱k.’

Lu̱ka̱ 16:25

“Ma̱i̱je̱ Aburahami abarizek nonno, ‘Ngeranni, i̱no̱n da̱ ba̱li̱ye̱ baize cunne uruba i̱nna̱ kaal cik abunna, imma Lazaru uruba kaal cik gerzek, ma̱i̱je̱ i̱yo̱ko̱ ubunna enne ngatu kar i̱nna̱ a̱vvu̱ ngati apirnane.

Lu̱ka̱ 8:18

I̱yo̱ko̱ zin, a̱gga̱c zin ju̱rru̱m gool ci aziknenu niga zoz ci Ta̱mu̱ta̱dde̱no̱ ku̱. Ming anyak e̱e̱ti̱ imma, anyonik atin nonno cik meelek; ming iróng e̱e̱ti̱ imma anyak, a̱gga̱mnya̱i̱ atin rok ne̱k i̱no̱n enne azi ne anyai cidici ko̱.”

Lu̱ka̱ 9:26

Ming adak a̱li̱ya̱ni̱ e̱e̱t zo̱ze̱ cinanni, okko atin Ngerrti E̱e̱to̱ bu̱k adak a̱li̱ya̱ni̱ zo̱ze̱ cinne ming i̱ki̱ya̱k enne di̱ngdi̱ngo̱n cinne ki di̱ngdi̱ngo̱n ci Baatinne ki anjilonya cik a̱li̱le̱.

Je̱mi̱s 4:6

Abarik enne aanyet agit deten ci a̱ppwe̱. Zoz zin ci ozoz Waraga ci Ta̱mu̱ta̱dde̱no̱ azi ne: “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

O̱no̱zzo̱k 2:5

I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.