Ma̱te̱yo̱ 13:11 - Tennet

¹¹ O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Ma̱te̱yo̱ 13:11 ပူးပေါင်းရင်းမြစ်များ

Ma̱te̱yo̱ 13:10

I̱vi̱tta̱k zin nuyaha nonno kar ki̱jji̱nne̱t, “Nya i̱nna̱ ming ozozik ol zoz cunne yabzinta ko̱?”

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Ma̱te̱yo̱ 19:11

O̱bo̱de̱k zin Ye̱su̱ nogo, azi ne, “Iróng ol do̱o̱k elemi zoz ci iróng nege arucene, elemi ol wak aganik a̱vvu̱ze̱t do̱ ci iróng aruce.

Ma̱te̱yo̱ 20:23

U̱du̱wa̱k zin Ye̱su̱ nogo, “Inimet de̱de̱ ki i̱yo̱ko̱ anna ming kanimi ko̱. Ma̱i̱je̱ zoz ci okko e̱e̱ti̱ imma ngatinno̱ng aave angeta icima a̱zza̱, iróng een annit ci ka̱du̱wa̱. Baba ci adiman zoz necu do̱o̱k.”

Marko 10:40

ma̱i̱je̱ zoz ci okko e̱e̱ti̱ co̱de̱ aave a̱tte̱ ci a̱zzo̱ cinanni icima angeta, iróng anna ka̱du̱wa̱ necu. Een ngin ne̱ko̱ cik idimanek Ta̱mu̱ta̱dde̱n ol cik atahala enne.”

Marko 4:11

U̱du̱wa̱k zin enne nogo, “Anyoziung i̱ge̱t zoz ci ba̱a̱li̱ne̱t ci Ta̱mu̱ta̱dde̱no̱ a̱lu̱gnye̱ ko̱. Ma̱i̱je̱ ngati ol ne̱k aavtte reena ke̱, a̱du̱ya̱i̱ zoz do̱o̱k i̱ya̱bzi̱nta̱.

Lu̱ka̱ 8:10

O̱bo̱de̱k zin enne, “Anyoziung i̱ge̱t genyizi ci zoz ci a̱lu̱gnye̱ ko̱ ba̱a̱li̱nte̱ ci Ta̱mu̱ta̱dde̱no̱, ma̱i̱je̱ ngati ol u̱gge̱ kozozi anna tubzenta, kar zin, “‘ming acine nege nu̱nu̱n, iróng wo̱ye̱ nege acine; ming aziye nege nu̱nu̱n, iróng wo̱ye̱ nege a̱gga̱.’

Kaviyak wak Abunna Ta̱mu̱ta̱dde̱no̱ eher Joni 6:65

Oobek zin Ye̱su̱ nogo zoz ci azi ne, “Zoz zin bali ka̱du̱wa̱kku̱ng kazi ne i̱llo̱i̱ e̱e̱t imma ci a̱kku̱nna̱ka̱ ming ngen Baba kaanyik gool.”

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Buk wa To̱ni̱a̱u̱ 16:14

Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 15:51

Ijaktte da̱, ja ku̱du̱wa̱u̱ng zoz ci a̱lu̱gnye̱: Iróng atin naga ka̱da̱i̱ veelek, abarik uhu atin Ta̱mu̱ta̱dde̱n e̱le̱tti̱ cigga̱c, ku̱tu̱gu̱zzo̱ kiwagon ming acine e̱be̱re̱ci̱ wa uturi ko̱. Ming okko ture abuwe ovvo ol wak a̱da̱i̱to̱ ingazi daiza kuruget. Ukce zin agit e̱le̱tti̱ do̱o̱k, kar iróng naga ngen ka̱da̱i̱ bo̱do̱k.

1 Ko̱ri̱nto̱ 2:14

Ming anyak e̱e̱t ci iróng anyak Vongiz ci Ta̱mu̱ta̱dde̱no̱, iróng enne elemi kaal cik a̱vvu̱ Vongize ci Ta̱mu̱ta̱dde̱no̱, e̱e̱ggi̱n kaala ne̱ke̱ darace ngatinne, iróng kaala ne̱ke̱ i̱i̱zo̱ oo cinne, eci e̱e̱ggi̱n kaal cik Vongizo.

1 Ko̱ri̱nto̱ 2:7

I̱llo̱i̱, imma genyizi ci kozoz ko̱, een genyiz ci Ta̱mu̱ta̱dde̱no̱ bali arrak a̱lu̱gnye̱ ke̱, orong Ta̱mu̱ta̱dde̱n kaanyik ol cik diirik kize ci a̱di̱ngdi̱nga̱n Ta̱mu̱ta̱dde̱n nogo baling ngen enne kakate teheenyinet lo̱o̱c.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Evesos 5:32

Een necu zoz ci okkomi ngati ka̱gga̱we̱, ozoz zoz ci Ki̱ri̱sto̱ ki ol wak a̱tu̱we̱.

Evesos 6:19

Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Kolosiya 2:2

Korongi anna ki̱ti̱lo̱ nogo kokkomit zi̱nze̱tti̱ kar urumte nga̱to̱de̱ rezinta, kar zin anyait genyiz ci a̱gga̱yyu̱ zoz ju̱rru̱m, kar a̱gga̱c zoz ci Ta̱mu̱ta̱dde̱no̱ a̱lu̱gnye̱ ci een Ki̱ri̱sto̱ ele.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Ti̱mo̱te̱yo̱ 3:9

Abunna ming a̱gga̱m zoz wa tu̱we̱nto̱ ju̱rru̱m zi̱nze̱tti̱nne̱ cik caalek paz.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

1 Jon 2:20

Ma̱i̱je̱ niga a̱ma̱yu̱ng E̱e̱ti̱ wa A̱li̱le̱ O̱de̱ Ṯok, a̱gga̱yyu̱ zin niga do̱o̱k zoz ci een de̱de̱.

1 Jon 2:27

Imma ngatinno̱ng, erahek Vongizi ci A̱li̱le̱ bali amudannu niga ngati Ki̱ri̱sto̱ ke̱ ki i̱ge̱ta̱. Iróng niga ngen orongnyu e̱e̱t imma kedemezung eci edemezung atin Vongizi ci A̱li̱le̱ kaal do̱o̱k. Eci enne een zoz ci een de̱de̱, i̱llo̱i̱ volong ngatinne, ki baling edemezung Vongizi ko̱, a̱vvu̱t zin nga̱to̱de̱ ki Ki̱ri̱sto̱.