Ma̱te̱yo̱ 12:34 - Tennet

³⁴ Niga ol cik ogonnu ki jooro cik uwanyau ko̱, a̱du̱wa̱nnu̱ wo̱ye̱ niga olli mu̱nye̱nu̱ zoz ci abunna? A̱du̱wa̱ utugi zoz ci a̱kku̱ zinina.

Ma̱te̱yo̱ 12:34 ပူးပေါင်းရင်းမြစ်များ

Ma̱te̱yo̱ 12:35

A̱du̱wa̱ e̱e̱ti̱ ci abunna zoz ci abunna anyak enne zinine ci voori, imma e̱e̱ti̱ ci gerze, a̱du̱wa̱ zoz ci gerze anyak zinine ci a̱mu̱we̱.

Ma̱te̱yo̱ 15:18

Imma kaala cik iyowa utuga ko̱, a̱vvu̱ zinina, kaal cik aanyik e̱e̱t kize gerza icima ngoronya.

Ma̱te̱yo̱ 23:33

“Niga ol cik e̱e̱ggi̱nnu̱ gerze oroot ko̱, ogonnu niga kiwagon uwanya! Ijaru atin niga de̱zi̱ne̱t ci okkoyyung gwo̱o̱ye̱ ci apadpadi udut?

Ma̱te̱yo̱ 3:7

I̱vi̱tta̱k ol cik een Varacis ki Saddocis cik meelek nonno kar ka̱gga̱mto̱zi̱k ba̱ti̱ti̱mo̱ nogo bu̱k. Abarik zin Joni a̱nne̱k nogo ne, “Niga cik ogonnu ki uwanya ko̱! Nya ci a̱a̱nyu̱ng utuhuyek Ta̱mu̱ta̱dde̱n bo̱i̱ci̱ kar i̱vi̱re̱t lo̱ki̱ko̱ cinne ko̱?

Lu̱ka̱ 3:7

A̱nne̱k Joni zu̱we̱ ne, iyokta i̱vi̱ta̱ a̱gga̱mi̱t ba̱ti̱ti̱mo̱ cinne, “Niga dooli cik uwanyau! Ngene ci a̱du̱wa̱kku̱ng kar i̱vi̱re̱t de̱zi̱ne̱t ci atin a̱kku̱ ke̱?

Lu̱ka̱ 6:45

Anyaha e̱e̱ti̱ ci abunna kaal cik abunna ngati adazze enne zinine cinne, kar e̱e̱ti̱ ci mu̱nye̱nu̱ anyak kaal cik mu̱nye̱nu̱ ngati adazze enne zinine cinne. Eci enne ozoz utuga kaal cik abbize zinin cinne.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Evesos 5:4

Ma ngen a̱du̱wa̱nnu̱ zoz ci gerze ki zoz ci tarbali, zoz ci iróng agano ming kozozi, abarik ozozit zoz ci abunna ci anyikku Ta̱mu̱ta̱dde̱n zany.

Je̱mi̱s 3:2

Kogon naga do̱o̱k mu̱nye̱n go̱o̱lo̱we̱ cik aavtte do̱ do̱. Ming ngen e̱e̱ti̱ imma kabac i̱i̱te̱n imma gi̱i̱ye̱ ci ozoz enne, een enne e̱e̱t ci caale paz, azunne ele cinne ju̱rru̱m.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.