Ma̱te̱yo̱ 12:23 - Tennet

²³ U̱ku̱lte̱k zin ol do̱o̱k je̱e̱n, kar kizeto ne, “Een necu de̱de̱ Ngerrti Da̱vi̱de̱?”

Ma̱te̱yo̱ 12:23 ပူးပေါင်းရင်းမြစ်များ

Ma̱te̱yo̱ 15:22

I̱ki̱ya̱k zin ngaa ci iróng een Ya̱u̱d ko̱ Ye̱su̱, een enne olli Kanaani, abak enne o̱rge̱ neci, egereny zin je̱e̱na̱, “Manyi, Ngerrti Da̱vi̱de̱, eelawan! Apirna buweenyanni, anyak kuulo cik lo̱rye̱nta̱k.”

Ma̱te̱yo̱ 21:9

Egerenyit zin koole ci a̱ppwe̱ ovvo oowa ko̱ ki cik annu gonoggi, azi ne, “Kinnatit Ngerrti Da̱vi̱de̱!” “U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi!” “Kinnatit Ta̱mu̱ta̱dde̱n wa aave ta̱mu̱-kenga.”

Ma̱te̱yo̱ 7:28

Baling okko Ye̱su̱ edeca zo̱zzo̱k ne̱ko̱ do̱o̱k, a̱ma̱li̱ltte̱ ol o̱o̱tti̱ de̱mzi̱nte̱ cinne.

Ma̱te̱yo̱ 9:27

Imma baling owo Ye̱su̱ goola, unuwet zin ol cik een rama ru̱be̱ni̱k nonno, awalwal je̱e̱na̱, “Ngerrti Da̱vi̱de̱, eelawet agita!”

Ma̱te̱yo̱ 9:33

Baling okko Ye̱su̱ ottok kuulo cik lo̱rye̱nta̱k eliya ci e̱e̱t neci, ozoz zin e̱e̱ti̱ bali adite iina ke̱. A̱ma̱li̱ltte̱ ol do̱o̱k o̱o̱tti̱, kar kizeto ne, “I̱llo̱i̱ bali gi̱i̱ imma ci ogon ki necu ci kicinnta lo̱o̱ce̱ ci Israilo.”

Kaviyak wak Abunna Ta̱mu̱ta̱dde̱no̱ eher Joni 4:29

“I̱vi̱ta̱ icinnet e̱e̱t ci a̱du̱wa̱ka̱ kaal balik ku̱tu̱gu̱ anna ke̱. Iróng i̱yo̱ko̱ enne een Ki̱ri̱sto̱?”