Ma̱te̱yo̱ 12:20 - Tennet

²⁰ Eela atin enne ol wak ogon ki yaya cik u̱mu̱rgu̱lte̱, iróng atin enne egerzan e̱e̱t ci u̱tu̱gu̱ ki gwa̱a̱ ci okko adite, abarik eela atin ol kar ku̱tu̱gu̱we̱ zoz ci een de̱de̱.

Ma̱te̱yo̱ 12:20 ပူးပေါင်းရင်းမြစ်များ

Ma̱te̱yo̱ 11:28

“I̱vi̱tta̱ng annita niga ol wak abile zi̱nze̱tti̱ je̱e̱na̱ ki ol wak apirna zoz ci a̱ppwe̱, ka̱a̱nyu̱ng atin i̱ye̱be̱zi̱t.

Ma̱te̱yo̱ 11:7

Baling ovvo nuyaha cik Joni a̱mi̱re̱, akate zin Ye̱su̱ ozozek koole zoz ci obod ki Jon, Azi ne: “Ovvoyyu da̱ niga balala ovvo acinnu nya? Ovvo da̱ niga acinnu e̱e̱t ci amuje kiwagon yaya ci omone ngooti?

Lu̱ka̱ 4:18

“Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

2 Ko̱ri̱nto̱ 2:7

Abarik lalek nonno, kar keela e̱e̱t neci abaci ke̱, abunna iróng oo cinne a̱ku̱li̱.

O̱no̱zzo̱k 6:2

Baling kokko anna ke̱de̱vi̱ ngu̱me̱ cinanni kacinni vartangec ci voori! Okko E̱e̱ti̱ ci ottod ko̱ anyak i̱ri̱ye̱, anyozik nonno luluk ci alaanzetu, owoye enne vartangec kize E̱e̱t ci ommog mo̱ddo̱ illawa udut.