Ma̱te̱yo̱ 11:7 - Tennet

⁷ Baling ovvo nuyaha cik Joni a̱mi̱re̱, akate zin Ye̱su̱ ozozek koole zoz ci obod ki Jon, Azi ne: “Ovvoyyu da̱ niga balala ovvo acinnu nya? Ovvo da̱ niga acinnu e̱e̱t ci amuje kiwagon yaya ci omone ngooti?

Ma̱te̱yo̱ 11:7 ပူးပေါင်းရင်းမြစ်များ

Kananet 49:4

Ogonni i̱nna̱ ki i̱yo̱ko̱ tawani ci a̱ri̱k ko̱, iróng atin i̱nna̱ ngen ogonni kaal ju̱rru̱m, eci i̱nna̱ uuwu rok kwe̱e̱n ci baatunne, u̱tu̱wu̱lu̱ rok nginti koonge anna.

Ma̱te̱yo̱ 11:8

Ming iróng een niko, ovvoyyu da̱ ovvo acinnu nya? Ovvo acinnu e̱e̱t ci aburuc ru̱u̱ma̱ni̱ cik a̱zi̱ze̱? Iróng ol wak aim ru̱u̱ma̱ni̱ cik a̱zi̱ze̱ abak zara, abak nege ce̱e̱zi̱nne̱ cik ol wak een alaat.

Ma̱te̱yo̱ 12:20

Eela atin enne ol wak ogon ki yaya cik u̱mu̱rgu̱lte̱, iróng atin enne egerzan e̱e̱t ci u̱tu̱gu̱ ki gwa̱a̱ ci okko adite, abarik eela atin ol kar ku̱tu̱gu̱we̱ zoz ci een de̱de̱.

Ma̱te̱yo̱ 21:25

A̱kku̱ ba̱ti̱ti̱mo̱ wa a̱gga̱me̱k Joni ol ko̱ nga? A̱kku̱ ta̱mu̱-kenga yo, icima anyaha e̱e̱ti̱ ci diiri?” Ozozzit zin ol ne̱ke̱ e̱le̱tti̱ne̱ cigge̱k do̱. Anno ne, “Ming kizetta naga ne, ‘A̱kku̱ ba̱ti̱ti̱mo̱ ci Joni ta̱mu̱-kenga,’ a̱jji̱nne̱t atidic enne azi ne, ‘Nya ming iróng niga elemnyyu zoz cinne ko̱?’

Ma̱te̱yo̱ 3:5

A̱vvu̱ ol cik meelek Jerusalema ki lo̱o̱ce̱ ci Ju̱de̱ya̱ do̱o̱k ki ol do̱o̱k lo̱o̱ce̱ ci aburuk moro ci Jordani, ovvo nege acin Jon.

Lu̱ka̱ 8:18

I̱yo̱ko̱ zin, a̱gga̱c zin ju̱rru̱m gool ci aziknenu niga zoz ci Ta̱mu̱ta̱dde̱no̱ ku̱. Ming anyak e̱e̱ti̱ imma, anyonik atin nonno cik meelek; ming iróng e̱e̱ti̱ imma anyak, a̱gga̱mnya̱i̱ atin rok ne̱k i̱no̱n enne azi ne anyai cidici ko̱.”

Kaviyak wak Abunna Ta̱mu̱ta̱dde̱no̱ eher Joni 1:38

Ma baling utuhuwe Ye̱su̱ icin nogo ming annu nonno, kar enne ki̱jji̱n nogo, “Orongnyu niga nya?” O̱bo̱dde̱k nege nonno a̱nne̱k ne, “Rabbi” (wa azi keng cinne ne de̱me̱zo̱i̱t), “abai dim i̱nna̱ nga?”

Kaviyak wak Abunna Ta̱mu̱ta̱dde̱no̱ eher Joni 5:35

Ogon ba̱li̱ye̱ Joni ki urez ci ataran lo̱o̱c, kar zin niga elemtau arrak urez neci do̱yo̱i̱t.”

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Je̱mi̱s 1:6

Abarik zin gon ming a̱jji̱n e̱e̱ti̱ Ta̱mu̱ta̱dde̱n, abunna ming a̱tu̱we̱ enne zinine cinne do̱o̱k, kar iróng anyak zi̱nze̱tti̱ rama. Eci e̱e̱ti̱ ci anyak zi̱nze̱tti̱ rama, ogon kiwagon tawani ci nyataparo omone ngooti, omone ngooti tawan go̱o̱lo̱we̱ do̱o̱k.