Ma̱te̱yo̱ 11:5 - Tennet

⁵ Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 11:5 ပူးပေါင်းရင်းမြစ်များ

Lu̱ge̱z 4:11

A̱nne̱k zin Manyi nonno ne, “Ngene ci aanyik e̱e̱t ci diiri utug? Ngene ci aanyik e̱e̱t ci diiri kidite iina icima okkomnek zoz? Ngene ci aanyik e̱e̱t ci diiri kicino icima kize ru̱be̱n? Iróng een Annita, Manyi?

Ma̱te̱yo̱ 10:8

Angaruwet ol cik omori, uruguzet daizzok, angaruwet bo̱do̱k ol cik adak dhovo, aarta ol kuulo cik lo̱rye̱nta̱k bu̱k. Ma a̱gga̱ma̱nnu̱ ol o̱ro̱bi̱ya̱ ming a̱ti̱ri̱zu̱ nogo, eci bali Ta̱mu̱ta̱dde̱n ming eelanung ke̱ iróng adima o̱ro̱bi̱ya̱ u̱gge̱ ngatinno̱ng.

Ma̱te̱yo̱ 11:4

O̱bo̱de̱k zin Ye̱su̱ nogo, “I̱mi̱rrte̱, oot u̱du̱kta̱k Jon kaal cik izziktu ki bo̱do̱k kaal cik icinntu niga eberene.

Ma̱te̱yo̱ 12:13

U̱du̱wa̱k zin Ye̱su̱ e̱e̱t ci ngooli a̱zzi̱ti̱ ko̱ ne, “Zolan da̱ a̱zzi̱t cunne ka̱vvu̱ ṯop.” Ozolan zin e̱e̱ti̱ neci a̱zzi̱t ka̱vvu̱ ṯop, kar zin kubunna ki a̱zzi̱ti̱ co̱de̱ ci abunna ko̱ niko.

Ma̱te̱yo̱ 21:14

I̱vi̱tta̱k zin ol cik ru̱be̱ni̱k ki cik ngooltik Ye̱su̱, kar zin enne Ye̱su̱ kangaru nogo Ce̱e̱ze̱ wa Ta̱mu̱ta̱dde̱no̱ ecito.

Ma̱te̱yo̱ 5:3

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

Ma̱te̱yo̱ 9:30

kar zin ebere cigge̱k kicinte niko. I̱ti̱lo̱ zin Ye̱su̱ nogo oroot, “Ma a̱du̱wa̱kku̱ e̱e̱t imma bunnat ci amudannu niga ngatinanni ko̱ udut.”

Marko 7:37

U̱ku̱lte̱k ol je̱e̱n oroot zo̱ze̱ necu, kar kizeto ne, “U̱tu̱gu̱ enne kaal do̱o̱k ju̱rru̱m. Idiman e̱e̱t ci adite iina kiziyo, angaru e̱e̱t ci aavtte e̱le̱me̱tti̱ pad kozoz.”

Marko 9:25

Baling icin Ye̱su̱ koole ming a̱vi̱ra̱k nogo, itizik zin enne kuulo cik lo̱rye̱nta̱k. Izek ne, “I̱nna̱ kuuloci ci aditi iin ki utug ko̱, iyowa re̱e̱nu̱n ngati e̱e̱t necu, ma ngen a̱mi̱ro̱ni̱k nonno bo̱do̱k.”

Lu̱ka̱ 4:18

“Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

Kaviyak wak Abunna Ta̱mu̱ta̱dde̱no̱ eher Joni 10:25

O̱bo̱de̱k zin Ye̱su̱ nogo, a̱nne̱k ne, “Ku̱du̱wa̱u̱ng zoz necu ba̱li̱ye̱, abarik iróng niga elemnyyu zoz cinanni. Ozoz kaala cik a̱vu̱la̱ ku̱tu̱gu̱ zare cik Baba ko̱ zoz cinanni.

Kaviyak wak Abunna Ta̱mu̱ta̱dde̱no̱ eher Joni 10:38

Abarik ming kogonni zoz ci Baba, ming iróng a̱tu̱yyu̱ nu̱nu̱n, elemtta zin kaal cik a̱vu̱la̱ kogonni anna ko̱, kar abunna ming a̱gga̱yyu̱ ming kodowina anna ki Baba nga̱to̱de̱.”

Kaviyak wak Abunna Ta̱mu̱ta̱dde̱no̱ eher Joni 2:23

Ma baling ngen Ye̱su̱ aave Jerusalema ke̱, ngati adahe I̱i̱te̱n wa Va̱rda̱ngi̱nto̱, icinnet ol cik meelek kaal cik a̱vu̱la̱ ogon Ye̱su̱, kar zin ol ne̱ke̱ ku̱tu̱we̱t nonno.

Kaviyak wak Abunna Ta̱mu̱ta̱dde̱no̱ eher Joni 3:2

I̱ki̱ya̱k zin enne ba̱a̱li̱n imma Ye̱su̱, kar zin kizek ne, “De̱me̱zo̱i̱t, ka̱gga̱yya̱ niko ming e̱e̱ni̱ i̱nna̱ de̱me̱zo̱i̱t ci a̱kku̱nni̱ Ta̱mu̱ta̱dde̱na̱. Iróng wo̱ye̱ e̱e̱ti̱ imma ogon kaal cik a̱vu̱la̱ ming iróng a̱kku̱ Ta̱mu̱ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 5:36

Ize zin bo̱do̱k Ye̱su̱ ne, “Ke̱e̱ni̱ anna bba̱co̱i̱t ci a̱ddi̱ki̱re̱ kommogi Jon. Aanya Baba li̱ngli̱ngo̱n ci a̱ddi̱ki̱re̱ kar kedecak lo̱o̱ta̱ ngatu, een li̱ngli̱ngo̱n ci kogonni anna ko̱, ci i̱ye̱la̱ zoz ci een de̱de̱ da̱ i̱tto̱na̱na̱ Baba.

Kaviyak wak Abunna Ta̱mu̱ta̱dde̱no̱ eher Joni 9:7

Kar zin kizek nonno ne, “Bit kar tuny ebere nyatapare wa een Siloam.” (Azi ungec ci zoz necu ne, i̱tto̱na̱i̱). Uk zin e̱e̱ti̱ neci utuny ebere kar zin koboda orog ngati icinoi la̱du̱n.

Buk wa To̱ni̱a̱u̱ 2:22

“Olli Israilo, iziyyet zoz cu: Een bali Ye̱su̱ wa Nazereti e̱e̱t ci aanyet Ta̱mu̱ta̱dde̱n agit go̱o̱le̱ ci ogone enne kaal cik a̱vu̱la̱ ki kaal cik aanyik ol ka̱ma̱li̱ltte̱ o̱o̱tti̱, ki baayen balik ogonekku̱ng Ta̱mu̱ta̱dde̱n i̱ge̱t ke̱, eci bali a̱gga̱yyu̱ niga e̱le̱tti̱ne̱.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.