Ma̱te̱yo̱ 11:23 - Tennet

²³ Imma niga ol cik orog ci een Kapernaum, odongnyung atin Ta̱mu̱ta̱dde̱n okkoyyung ta̱mu̱-kenga? I̱llo̱i̱, i̱na̱kku̱ atin niga nginti gwo̱o̱ ci apadpadi udut. Ming u̱tu̱gu̱zze̱ kaala ne̱k a̱vu̱la̱ ngatinno̱ng ko̱ ol wak orog ci een Sodom, ngen weda orogi neci abile rok i̱yo̱ko̱.

Ma̱te̱yo̱ 11:23 ပူးပေါင်းရင်းမြစ်များ

Kananet 13:13

Izeto zin ba̱li̱ye̱ ol cik Sodomi gerze, abaccit ba̱ci̱nno̱k cik meelek, abure Manyi bu̱k.

Ma̱te̱yo̱ 10:15

Ka̱du̱wa̱kku̱ng zoz ci een de̱de̱, obokce atin abarik ngati o̱ro̱gjo̱k cik een Sodom ki Gomorrah i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱ cinne, gerza atin ngati orog neci oroot.

Ma̱te̱yo̱ 16:18

I̱yo̱ko̱ zin, kakaneki zar cik een Peturu, azi keng ci zar ne̱ko̱ ne, bee, ogonni i̱nna̱ ki bee, eenyce atin ke̱le̱ci̱a̱ cinanni zo̱ze̱ cunne, iróng zin atin komizi ci daizo uule kar kegerzan.

Ma̱te̱yo̱ 17:24

Baling a̱ra̱yya̱ nuyaha Kapernauma, i̱ki̱ya̱k e̱e̱ti̱ wa aluta ol o̱ro̱bi̱ya̱ cik Ce̱e̱z wa Ta̱mu̱ta̱dde̱no̱ ko̱ Peturu, kar zin ki̱jji̱n nonno, a̱nne̱k ne, “A̱ru̱k gon de̱me̱zo̱i̱ti̱ cinno̱ng o̱ro̱bi̱ya̱ Ce̱e̱ze̱ wa Ta̱mu̱ta̱dde̱no̱?”

Ma̱te̱yo̱ 4:13

Utungek orog ci een Nazeret lo̱o̱c, uk abak o̱rge̱ ci een zara Kapernaum, orog ci ojongzo ki nyatapar ci een Ga̱li̱li̱ nginti ojongzo ki lo̱o̱cco̱k cik Zebulun ki Naphtali.

Ma̱te̱yo̱ 8:5

Baling okko Ye̱su̱ o̱rge̱ ci een Kapernaum ke̱, i̱ki̱ya̱k nonno ddi̱ki̱ryo̱i̱ti̱ ci aciiru, a̱nne̱k ne, eelawan.

Lu̱ka̱ 10:15

Kar niga ol cik Kapernaumi, ovvoyyu atin niga ta̱mu̱-kenga? I̱llo̱i̱, ovvoyyu atin niga lo̱o̱ta̱ ngati daizo.”

Lu̱ka̱ 14:11

Eci ngati e̱e̱t imma ci odong ele cinne okko atin obodane ele, okko e̱e̱ti̱ ci obodane ele okko atin odongnye.”

Lu̱ka̱ 16:23

Kar ngati atuzene ol gwo̱o̱ye̱ ci apadpadi udut ko̱, ngati amuda enne gi̱de̱ne̱t, egelem zin enne ta̱dde̱n kar kicin Aburaham meer reena, ki Lazaru ming aave abanyce cinne.

Lu̱ka̱ 4:23

A̱nne̱k zin Ye̱su̱ nogo ne, “Ka̱gga̱ anna ming a̱jji̱nna̱ng atidic yabzinet cu: ‘Di̱kto̱r, ngaru ele cunne! Tu̱gu̱ ngatu o̱rge̱ cunne kaal balik kazikna u̱tu̱gu̱ i̱nna̱ Kapernauma ke̱.’”

Buk wa To̱ni̱a̱u̱ 2:27

Eci iróng atin i̱nna̱ ungneka annit ilomi, iróng i̱nna̱ anyik ele ci Ngerunne wa A̱li̱le̱ O̱de̱ Ṯok ku̱mu̱ lo̱o̱wa̱.

Buk wa To̱ni̱a̱u̱ 2:31

Baling a̱gga̱ Da̱vi̱de̱ gi̱i̱ ci atin kar ku̱tu̱gu̱ Ta̱mu̱ta̱dde̱n niko, kar zin kozoz zoz ci obod ki ngazi ci Ki̱ri̱sto̱, kar kize ne, iróng Ta̱mu̱ta̱dde̱n ungnek nonno ka̱da̱k, kar zin bo̱do̱k ele wainne ku̱mu̱ lo̱o̱wa̱.

Ju̱da̱ 1:7

Ogon zin bo̱do̱k niko, a̱a̱dda̱ zin ol balik o̱ro̱gjo̱we̱ cik Sodomi ki Gomorrah ki bo̱do̱k o̱ro̱gjo̱k wak ojongzo ki nogo. Izeto ol ne̱ke̱ a̱li̱ya̱k, ottodo kiwagon elegje. I̱ye̱le̱k zoz necu ol zoz ci ovvo atin ol atuze gwo̱o̱ye̱ ci alanyit udut.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 11:8

Ovvo atin e̱le̱tti̱ cigge̱k i̱pa̱rye̱ go̱o̱le̱ ci orog ci a̱ddi̱ki̱re̱, ci imek ol Sodom ki Masir, nginti bali bo̱do̱k ododike ol Manyi cinne̱ng ta̱la̱ke̱c.

O̱no̱zzo̱k 20:13

U̱ju̱ka̱ zin nyatapar ci a̱ddi̱ki̱re̱ ta̱dde̱n ol balik a̱da̱i̱to̱ ke̱, aanyik zin daizi ol balik a̱da̱i̱to̱ ke̱ ki ngati daizo ko̱ do̱o̱k ki̱ye̱lta̱i̱, kar ngenngene kettedozik lo̱ki̱ko̱ go̱o̱le̱ bali ogone enne kaal.

O̱no̱zzo̱k 6:8

Kicina zin anna o̱o̱we̱ cinanni vartangec ci culai ming a̱kku̱! Okko e̱e̱ti̱ ci ottod een zara Daiz ki nginti daizo ming annu nonno. Anyak nege doiz ci a̱ru̱we̱ ol lo̱lo̱i̱t co̱de̱ ngati e̱e̱ggi̱nne̱ we̱c cikidik illawa lo̱o̱ta̱ ngatu, ovvo a̱ru̱k u̱gge̱ go̱o̱le̱ ci anyahe nege magiz ki zeret, ki go̱o̱le̱ ci elegje cik zarak mootik lo̱o̱ta̱ ngatu.